90 ലക്ഷത്തിന്​ ​േപ്ലാട്ട്​ വാങ്ങി അയൽവീട്ടിലേക്ക്​ തുരങ്കം നിർമിച്ച്​ 'വൻ കവർച്ച'; മോഷണം പോയത്​ വെള്ളി ശേഖരം

ജയ്​പൂർ: രാജസ്​ഥാൻ തലസ്​ഥാന നഗരമായ ജയ്​പൂരിൽ കവർച്ച. 90 ലക്ഷം വിലവരുന്ന ​േപ്ലാട്ട്​ വിലക്കുവാങ്ങി തൊട്ടടുത്തുള്ള ഡോക്​ടറുടെ ബംഗ്ലാവിലേക്ക്​ ഇതിൽനിന്ന്​ തുരങ്കം നിർമിച്ചായിരുന്നു ആസൂത്രിത മോഷണം. പക്ഷേ, ഏറെ നാളെടുത്ത്​ നിർമിച്ച തുരങ്കം വഴി അകത്തുകടന്ന ​മോഷ്​ടാക്കൾക്ക്​ ഡോക്​ടറുടെ വീട്ടിൽനിന്ന്​ ലഭിച്ച മോഷണ വസ്​തുവാണ്​ കൗതുകമായത്​- ഒരു പെട്ടിയിൽ സൂക്ഷിച്ചുവെച്ച വെള്ളി ശേഖരം.

ജയ്​പൂരിലെ വൈശാലിയിൽ ത​െൻറ വസതിയിൽ മോഷണം നടന്നതായി ഡോ. സുനിൽ സോണി ബുധനാഴ്​ച​ പൊലീസിൽ പരാതി നൽകിയതോടെയാണ്​ വിവരം പുറംലോകത്തെത്തുന്നത്​. സമീപത്തെ ​േപ്ലാട്ടിൽനിന്ന്​ ത​െൻറ വീട്ടി​െൻറ ബേസ്​മെൻറിലേക്ക്​ തുരങ്കം തീർത്താണ്​​ മോഷണമെന്നായിരുന്നു​ ഡോക്​ടറുടെ പരാതി.

തുടർന്ന്​ നടത്തിയ അന്വേഷണത്തിലാണ്​ സമീപത്ത്​ മാസങ്ങൾക്ക്​ മുമ്പ്​ സംഘം 90 ലക്ഷം മുടക്കി സ്​ഥലമെടുത്ത വിവരം പൊലീസ്​ കണ്ടെത്തിയത്​. ഡോക്​ടർ വെള്ളി ശേഖരത്തെ കുറിച്ച്​ അറിയാവുന്നവരാകാം പിന്നിലെന്നാണ്​ നിഗമനം. പ്രതികളെ കുറിച്ച്​ സൂചനകൾ ലഭിച്ചിട്ടുണ്ട്​. ഇവർക്കായി വലവിരിച്ചതായി പൊലീസ്​ പറഞ്ഞു.

മഹാരാഷ്​ട്രയിലെ താനെയിൽ സമാന സംഭവത്തിൽ തൊട്ടടുത്ത മുറി വാടകക്കെടുത്ത്​ തുരങ്കം നിർമിച്ച്​ ജുവലറി കവർന്നിരുന്നു. കഴിഞ്ഞ മാസമായിരുന്നു വൻ കവർച്ച. 28,000 രൂപക്കായിരുന്നു രണ്ടു മാസം മുമ്പ്​ മോഷ്​ടാക്കൾ സമീപത്തെ മുറി വാടകക്കെടുത്തത്​. രേഖകൾ നൽകാതെയായിരുന്നു വാടകക്കെടുക്കൽ. ജനുവരി 17ന്​ പുലർച്ചെ ജുവലറിയുടെ മുറി തുരന്ന്​ മുഴുവൻ ആഭരണങ്ങളുമായി കടന്നുകളയുകയായിരുന്നു.