കേന്ദ്രീയ വിദ്യാലയത്തിലെ പ്രാർഥന ഭരണഘടന ബെഞ്ചിലേക്ക് ​

ന്യൂഡൽഹി: രാജ്യത്തെ 1125 കേന്ദ്രീയ വിദ്യാലയങ്ങളിലെ പ്രാർഥന ഹിന്ദു മതവുമായി ബന്ധപ്പെട്ടതായതിനാൽ നിർത്തലാക്കണമ െന്ന്​ ആവശ്യപ്പെട്ട്​ സമർപ്പിച്ച ഹരജി സുപ്രീംകോടതി ഭരണഘടന ബെഞ്ചിന്​ വിട്ടു. സർക്കാർ ഫണ്ട്​ ഉപയോഗിച്ച്​ നടത ്തുന്ന വിദ്യാഭ്യാസ സ്​ഥാപനങ്ങൾ ഏതെങ്കിലും പ്രത്യേക മതം പ്രചരിപ്പിക്കുന്നത്​ ഭരണഘടനവിരുദ്ധമാണെന്നാണ്​ അഭിഭാഷകനായ വിനായക്​ ഷായുടെ ഹരജി. ​

വിഷയം ഭരണഘടന ബെഞ്ചി​​​െൻറ പരിഗണന അർഹിക്കുന്നതാണെന്ന്​ ജസ്​റ്റിസ​ുമാരായ രോഹിങ്​​ടൺ ഫാലി നരിമാൻ, വജനീത്​ സരൺ എന്നിവരടങ്ങുന്ന ബെഞ്ച്​ വ്യക്​തമാക്കി. വിദ്യാർഥികളിൽ ശാസ്​ത്രബോധം വികസിപ്പിക്കുന്നതിന്​ തടസ്സമുണ്ടാക്കുന്ന പ്രാർഥനയാണിതെന്ന്​ ഹരജിക്കാരൻ കുറ്റപ്പെടുത്തി. സർക്കാർ ഫണ്ട്​ ഉപയോഗിക്കുന്ന പാർക്കുകളിൽ മത ചടങ്ങുകൾ സംഘടിപ്പിക്കുന്നതിനെതിരെ സമർപ്പിച്ച ഹരജിയും സുപ്രീംകോടതി നേര​ത്തേ ഭരണഘടന ബെഞ്ചിന്​ വിട്ടിരുന്നു.