ബാലാകോട്ടിൽ കൊല്ലപ്പെട്ട ഭീകരരുടെ കണക്കറിയണമെന്ന്​​ പുൽവാമ രക്തസാക്ഷികളുടെ ഉറ്റവർ

ലഖ്​നോ: ‘പാകിസ്​താനിലെ ബാലാകോട്ടിൽ ഇന്ത്യൻ വ്യോമസേന നടത്തിയ ആക്രമണത്തിൽ ഭീകരർ​ കൊല്ലപ്പെട്ടതിന്​ തെളി വ്​ കാണി​ക്കൂ. എങ്കിലേ ഞങ്ങൾക്ക്​ സമാധാനം ലഭിക്കൂ’. പറയുന്നത്​​ പുൽവാമ ഭീകരാക്രമണത്തിൽ കൊല്ല​െപ്പട്ട സൈനികര ുടെ ബന്ധുക്കൾ.

ഫെബ്രുവരി 14ന്​ ജമ്മു-കശ്​മീരിലെ പുൽവാമയിൽ ഭീകരർ നടത്തിയ ആക്രമണത്തിൽ​ കൊല്ലപ്പെട്ട 40 പേരിൽപ െട്ട പ്രദീപ്​ കുമാറി​​​െൻറയും റാം വകീൽ മാത്തൂറി​​​െൻറയും ബന്ധുക്കളാണ്​ ആവശ്യം ഉന്നയിച്ചത്​. ഇരുവരും ഉത്തർപ്രദേശ്​ സ്വദേശികളാണ്​. ബാലാകോട്ട്​ ആക്രമണമുണ്ടാക്കിയ ആഘാതം സംബന്ധിച്ച വിവാദം കനത്ത സാഹചര്യത്തിൽ കൊല്ലപ്പെട്ട സി.ആർ.പി.എഫുകാരുടെ ഉറ്റവർ തന്നെ ഇൗ ചോദ്യം ഉന്നയിച്ചത്​ കേന്ദ്രത്തെ പ്രതിരോധത്തിലാക്കും. റാം വകീൽ മാത്തൂറിന്​ ഭാര്യയും മൂന്ന്​ കുട്ടികളുമുണ്ട്​.

പുൽവാമയിൽ നടന്ന ഭീകരാക്രമണത്തിൽ നമ്മൾ ചിലരും ചിതറിയ ശരീരഭാഗങ്ങൾ കണ്ടു. അതുപോലെ എതിർഭാഗത്തുനിന്നും ചില കാഴ്​ചകൾ നാം കാണേണ്ടതുണ്ടെന്ന്​ റാം വകീലി​​​െൻറ സഹോദരി റാം രക്ഷ പറഞ്ഞു. ​പുൽവാമ ആക്രമണം നടന്നയുടൻ ഒരു സംഘടന ഉത്തരവാദിത്തമേറ്റു. നമ്മൾ തിരിച്ചടിച്ചുവെന്ന കാര്യത്തിൽ സംശയമില്ല. പ​ക്ഷേ, അത്​ എവിടെയാണ്​ നടന്നത്​? അതിന്​ കൃത്യമായി തെളിവ്​ വേണം. തെളിവി​ല്ലാതെ എങ്ങനെയാണ്​ ഇക്കാര്യം അംഗീകരിക്കുക? പാകിസ്​താൻ പറയുന്നത്​ അവർക്ക്​ യാതൊരു നാശവുമുണ്ടായിട്ടില്ല എന്നാണ്​. ഇൗ സാഹചര്യത്തിൽ നമ്മുടെ വാദം എങ്ങനെ സ്വീകാര്യമാകും? -അവർ ചോദിച്ചു. തെളിവുകൾ ബോധ്യപ്പെട്ടാൽ മാത്രമേ ഞങ്ങൾക്ക്​ സഹോദര​​​െൻറ ജീവനെടുത്തവരോട്​ പ്രതികാരം ചെയ്​തു എന്ന്​ അംഗീകരിക്കാൻ സാധിക്കൂ -അവർ കൂട്ടിച്ചേർത്തു.

പ്രദീപ്​ കുമാറി​​​െൻറ മാതാവ്​ സുലേലതയും ഇതേ ആവശ്യം ഉന്നയിച്ചു. ‘‘ഞങ്ങൾ സംതൃപ്​തരല്ല. എത്രയോ മക്കൾ കൊല്ലപ്പെട്ടതാണ്​. അതിനുപകരം ആരും ​െകാല്ലപ്പെട്ടതായി കണ്ടില്ല. ഇതേക്കുറിച്ച്​ കൃത്യമായ വാർത്തയുമില്ല. ഞങ്ങൾക്ക്​ ഭീകരരുടെ മൃതദേഹം കാണണം’’ -80 വയസ്സുള്ള അവർ പറഞ്ഞു. ബാലാകോട്ടിൽ ഇന്ത്യൻ ആക്രമണം നടന്നശേഷം വിവിധ സർക്കാർ വൃത്തങ്ങളും മന്ത്രിമാരും പരസ്​പര വി​രുദ്ധമായ മരണസംഖ്യയാണ്​ വെളിപ്പെടുത്തുന്നത്​.