യെദിയൂരപ്പയുടെ രാജി ഒരു നഷ്​ടവുമുണ്ടാക്കില്ല -സിദ്ധരാമയ്യ

ബംഗളൂരു: ബി.എസ്. യെദിയൂരപ്പയുടെ രാജി കര്‍ണാടകത്തിന് ഒരുനഷ്​​ടവും വരുത്തില്ലെന്നും പുതിയ മുഖ്യമന്ത്രി വരുന്നത് പ്രയോജനം ലഭിക്കില്ലെന്നും പ്രതിപക്ഷ നേതാവ് സിദ്ധരാമയ്യ പറഞ്ഞു. കര്‍ണാടകത്തിലെ ഏറ്റവും അഴിമതിക്കാരനായ മുഖ്യമന്ത്രിയാണ് യെദിയൂരപ്പ.

Also Read:ബി.ജെ.പിയിലെ തമ്മിലടി; രണ്ടാം വർഷത്തിൽ രാജിവെച്ച് യെദിയൂരപ്പ

ബി.ജെ.പി തന്നെ ഏറ്റവും അഴിമതിയുള്ള പാര്‍ട്ടിയാണ്. ഇവരെ അധികാരത്തില്‍ നിന്ന് മാറ്റാതെ സംസ്ഥാനത്തിന് ഒരാശ്വാസവും ലഭിക്കില്ല. അഴിമതിക്കാരനായ ഒരു മുഖ്യമന്ത്രി പോയെങ്കിലും പകരം വരുന്നയാളും അഴിമതിക്കാരനായിരിക്കും.

Also Read:യെദിയൂരപ്പയുടെ രാജിയിൽ പ്രതിഷേധം; ശിവമൊഗ്ഗയിൽ ബന്ദ്​ ആചരിച്ചു

മതനേതാക്കള്‍ രാഷ്​​ട്രീയകാര്യങ്ങളില്‍ ഇടപെടുന്നത് ശരിയല്ല. യെദിയൂരപ്പക്ക് പകരം ആരു വന്നാലും അഴിമതിക്കെതിരായ കോണ്‍ഗ്രസിെൻറ പോരാട്ടം തുടരുമെന്നും സിദ്ധരാമയ്യ പറഞ്ഞു.