വിമത എം.എൽ.എമാരെ അയോഗ്യരാക്കണം -സിദ്ധരാമയ്യ

ബംഗളൂരു: കർണാടകയിലെ ജെ.ഡി.എസ് ​-കോൺഗ്രസ്​ സർക്കാറിനെ പ്രതിസന്ധിയിലാക്കി രാജി സമർപ്പിച്ച 13 ഭരണകക്ഷി എം.എൽ.എമാര െ അയോഗ്യരാക്കണമെന്നാവശ്യപ്പെട്ട്​ സ്​പീക്കർക്ക്​ പരാതി നൽകിയതായി മുൻ മുഖ്യമന്ത്രി സിദ്ധരാമയ്യ. രാജിവെക്കു ന്നവർക്കെതിരെ കൂറുമാറ്റ നിരോധന നിയമപ്രകാരം നടപടിക്ക് സ്പീക്കറോട് ആവശ്യപ്പെടാൻ കോൺഗ്രസ് നിയമസഭ കക്ഷി യോഗത്ത ിൽ തീരുമാനമെടുത്തതായും സിദ്ധരാമയ്യ അറിയിച്ചു.

രാജി പിന്‍വലിക്കാന്‍ എം.എല്‍.എമാര്‍ തയാറാകണം. രാജി പിൻവലിച്ചാൽ അവർക്ക്​ തിരിച്ചു വരാവുന്നതാണ്​. നടപടിക്രമങ്ങള്‍ പാലിച്ചല്ല ഇവരാരും രാജി വച്ചിരിക്കുന്നത്. അയോഗ്യരാക്കിയാല്‍ എം.എല്‍.എമാര്‍ക്ക് മന്ത്രിപദവി ഉള്‍പ്പടെ പിന്നീട് വഹിക്കാനാവില്ലെന്നും സിദ്ധരാമയ്യ മുന്നറിയിപ്പ് നല്‍കി.

എം.എൽ.എമാരുടെ രാജി സ്വമേധയായുള്ള തീരുമാനമാണോ അതോ പരപ്രേരണമൂലമുള്ള സന്നദ്ധതയാണോയെന്ന്​ പരിശോധിച്ച ശേഷം നടപടി​െയടുക്കാൻ സ്​പീക്കർ കൂടുതൽ സമയം തേടിയിട്ടുണ്ട്​. സ്​പീക്കറുടെ തീരുമാനം അന്തിമമാണ്​. ഉചിതമായ തീരുമാനം പ്രതീക്ഷിക്കുന്നതായും സിദ്ധരാമയ്യ പറഞ്ഞു.

നിലവിലുള്ള പ്രതിസന്ധി ബി.ജെ.പിയുടെ കെണിയാണ്​. കൂറുമാറ്റ നിരോധന നിയമപ്രകാരം ഇത്​ തെറ്റായ നടപടിയാണ്​. വിമത എം.എൽ.എമാർക്ക്​ ബി.ജെ.പി പണവും മന്ത്രി സ്ഥാനവും വാഗ്​ദാനം ചെയ്​തു. ഇതിന് വേണ്ടി ബിജെപി ഒഴുക്കുന്ന കോടിക്കണക്കിന് പണം എവിടെനിന്നാണെന്ന് ചിന്തിക്കണമെന്നും സിദ്ധരാമയ്യ പറഞ്ഞു.