കോൺഗ്രസുമായി ശത്രുതയില്ലെന്ന് ശിവസേന

ന്യൂഡൽഹി: കോൺഗ്രസ്​ തങ്ങളുടെ ശത്രുവല്ലെന്ന്​ ശി​വസേന നേതാവ്​ സഞ്​ജയ്​ റാവത്ത്​. ബി.ജെ.പിയെ ഗവർണർ സർക്കാറുണ് ടാക്കാൻ ക്ഷണിച്ചതിന്​ പിന്നാലെയാണ്​ റാവത്തി​​​​െൻറ പ്രതികരണം. എല്ലാവർക്കും സ്ഥിരതയുള്ള സർക്കാർ വരണമെന്നാണ് ​ ആഗ്രഹമെന്നും അദ്ദേഹം കൂട്ടിച്ചേർത്തു.

കോൺഗ്രസ്​ ഞങ്ങളുടെ ശത്രുവല്ല. ഇരു പാർട്ടികളുടെയും ആശയങ്ങൾ വ്യത്യസ്​തമായിരിക്കും. അതുകൊണ്ട്​ ശത്രുക്കളാവണമെന്നില്ല. ബി.ജെ.പി നയങ്ങളെ ശിവസേനയും കോൺഗ്രസും ഒന്നിച്ച്​ എതിർത്തിട്ടുണ്ടെന്നും അദ്ദേഹം പറഞ്ഞു.

ബാബരി കേസിലെ വിധി രാജ്യത്തി​​​​െൻറ വിജയമാണെന്നും ഒരു പാർട്ടിയുടെ മാത്രമല്ലെന്നും റാവത്ത്​ പറഞ്ഞു. സുപ്രീംകോടതി വിധിയിൽ ആഘോഷം നടത്തുന്നവർക്ക്​ അതാകാം. സർജിക്കൽ സ്​ട്രൈക്ക്​ നടന്നപ്പോഴും ഇവർ ആഘോഷിച്ചിരുന്നുവെന്നും റാവത്ത്​ വ്യക്​തമാക്കി. മഹാരാഷ്​ട്രയിൽ ബി.ജെ.പിയെ സർക്കാറുണ്ടാക്കാൻ ക്ഷണിച്ചതിനെ ശിവസേന സ്വാഗതം ചെയ്​തു. മഹാരാഷ്​ട്രയിൽ സർക്കാറുണ്ടാക്കാനുള്ള ആദ്യ അവസരം ബി.ജെ.പിക്ക്​ തന്നെയാണെന്ന്​ റാവത്ത്​ പറഞ്ഞു.