കോവിഡ്​ ഭേദമായി; ആറുമാസമായ കുഞ്ഞിനെ ഡോക്​ടർ കളിപ്പിക്കുന്ന വിഡിയോ വൈറൽ

അഹ്​മദാബാദ്​: കോവിഡ്​ 19 ഭീതിക്കിടെ വരുന്ന ആശ്വാസവാർത്തകളെല്ലാം പുതുപ്രതീക്ഷകൾ നൽകുന്നവയാണ്​. അത്തരത്തിൽ ഗുജറാത്തിലെ ആശുപത്രിയിൽനിന്ന്​ പുറത്തുവന്ന ഒരു വാർത്തയാണ്​ ഇപ്പോൾ സമൂഹമാധ്യമങ്ങളിൽ നിറയുന്നത്​. 

കോവിഡിനോട്​ ​പൊരുതിയ ആറു മാസം പ്രായമായ കുഞ്ഞിന്​ രോഗം ഭേദമായി. ആരോഗ്യ പ്രവർത്തകരെ ആത്മവിശ്വാസത്തിലാക്കിയ വാർത്തയായിരുന്നു കുഞ്ഞി​​െൻറ രോഗമുക്തി. സന്തോഷം അറിയിച്ച്​ ആശു​പത്രി അധികൃതരാരോ ആണ്​ വിഡിയോ പങ്കുവെച്ചത്​.  

ഡോക്​ടർ കുഞ്ഞിനെ കൈയിലെടുത്ത്​ കളിപ്പിക്കുന്ന വിഡിയോയാണ്​ സമൂഹമാധ്യമങ്ങളിൽ വൈറൽ. വിഡിയോ പുറത്തുവന്നതേ​ാടെ ഡോക്​ടർക്കും ആരോഗ്യ പ്രവർത്തകർക്കും നന്ദി അറിയിച്ച്​ നിരവധിപേർ രംഗത്തെത്തി.