നോട്ടുനിരോധനത്തിന് ആറു വയസ്സ്: കറൻസി ഉപയോഗം കുറഞ്ഞില്ല

ന്യൂ​ഡ​ൽ​ഹി: മോ​ദി സ​ർ​ക്കാ​ർ നോ​ട്ടു​നി​രോ​ധ​നം ന​ട​പ്പാ​ക്കി ആ​റു വ​ർ​ഷം പി​ന്നി​ടു​​മ്പോ​ൾ ല​ക്ഷ്യ​മി​ട്ട നേ​ട്ട​ങ്ങ​ൾ കൈ​വ​രി​ക്കാ​നാ​യി​ല്ലെ​ന്ന് വി​ല​യി​രു​ത്ത​ൽ. സാ​മ്പ​ത്തി​കാ​വ​സ്ഥ മെ​ച്ച​പ്പെ​ടു​ത്താ​ൻ നോ​ട്ടു​നി​രോ​ധ​നം സ​ഹാ​യി​ച്ച​താ​യി സ​ർ​ക്കാ​ർ അ​വ​കാ​ശ​പ്പെ​ടു​മ്പോ​ൾ ക​ള്ള​പ്പ​ണ​വും പ​ണ​ത്തി​ന്മേ​ലു​ള്ള ആ​ശ്ര​യ​വും കു​റ​ക്കു​ന്ന​തി​ന് അ​ത് ഉ​പ​ക​രി​ച്ചി​ട്ടി​ല്ലെ​ന്നാ​ണ് വി​ദ​ഗ്ധ റി​പ്പോ​ർ​ട്ടു​ക​ൾ പ​റ​യു​ന്ന​ത്.

2016 ന​വം​ബ​ർ എ​ട്ടി​നാ​ണ് മോ​ദി സ​ർ​ക്കാ​ർ 1000ത്തി​ന്റെ​യും 500ന്റെ​യും നോ​ട്ടു​ക​ൾ പി​ൻ​വ​ലി​ച്ച​ത്. ആ​റു വ​ർ​ഷ​ത്തി​നു​ശേ​ഷം പൊ​തു​ജ​ന​ത്തി​ന്റെ കൈ​വ​ശ​മു​ള്ള പ​ണ​ത്തി​ലു​ണ്ടാ​യ​ത് വ​ൻ​വ​ർ​ധ​ന​യാ​ണ്. റി​സ​ർ​വ് ബാ​ങ്ക് ഓ​ഫ് ഇ​ന്ത്യ​യു​ടെ ക​ണ​ക്കു​പ്ര​കാ​രം 2016 ന​വം​ബ​റി​ൽ 17.7 ല​ക്ഷം കോ​ടി ക​റ​ൻ​സി​യാ​ണ് പൊ​തു​ജ​ന​ത്തി​ന്റെ കൈ​വ​ശ​മു​ണ്ടാ​യി​രു​ന്ന​തെ​ങ്കി​ൽ ഈ ​വ​ർ​ഷം ഫെ​ബ്രു​വ​രി​യി​ൽ അ​ത് 30.88 ല​ക്ഷം കോ​ടി​യാ​യി ഉ​യ​ർ​ന്നു.

71.84 ശ​ത​മാ​നം വ​ർ​ധ​ന. സ​ർ​ക്കാ​ർ ല​ക്ഷ്യ​മി​ട്ട ക​റ​ൻ​സി​യു​ടെ ഉ​പ​യോ​ഗം കു​റ​യു​ന്ന​തി​നു​പ​ക​രം കൂ​ടു​ക​യാ​ണ് ചെ​യ്ത​തെ​ന്ന് ഇ​ത് കാ​ണി​ക്കു​ന്നു. അ​ഴി​മ​തി​യും ക​ള്ള​പ്പ​ണ​വും ഇ​ല്ലാ​താ​ക്കു​ക​യാ​ണ് ല​ക്ഷ്യ​മെ​ന്ന് പ​റ​ഞ്ഞാ​ണ് പ്ര​ധാ​ന​മ​ന്ത്രി നോ​ട്ട് നി​രോ​ധി​ച്ച​ത്. എ​ന്നാ​ൽ, ഇ​വ ര​ണ്ടും നേ​ടാ​നാ​യി​ല്ലെ​ന്ന് അ​മേ​രി​ക്ക​യി​​ലെ മ​സാ​ചൂ​സ​റ്റ്സ് സ​ർ​വ​ക​ലാ​ശാ​ല​യി​ലെ സാ​മ്പ​ത്തി​ക വി​ഭാ​ഗം പ്ര​ഫ​സ​ർ ജ​യ​തി ഘോ​ഷ് പ​റ​ഞ്ഞു. അ​തേ​സ​മ​യം, പ​ണ​മ​ട​ക്ക​ൽ സം​വി​ധാ​ന​ത്തി​ലെ ക​റ​ൻ​സി​യു​ടെ ഉ​പ​യോ​ഗം കു​റ​ഞ്ഞ​താ​യി എ​സ്.​ബി.​ഐ ഗ​വേ​ഷ​ണ റി​പ്പോ​ർ​ട്ട് പ​റ​യു​ന്നു. 2015-16ൽ 88 ​ശ​ത​മാ​ന​മാ​യി​രു​ന്ന​ത് 2021-22ൽ 20 ​ശ​ത​മാ​ന​മാ​യി കു​റ​ഞ്ഞു. 2026-27 ആ​വു​മ്പോ​​​ഴേ​ക്ക് 11.15 ശ​ത​മാ​ന​മാ​യി കു​റ​യു​മെ​ന്നും റി​പ്പോ​ർ​ട്ട് പ്ര​തീ​ക്ഷി​ക്കു​ന്നു. നോ​ട്ടു​നി​രോ​ധ​നം വ​ഴി സ​ർ​ക്കാ​ർ ല​ക്ഷ്യം​വെ​ച്ച ഡി​ജി​റ്റ​ൽ പ​ണ​മി​ട​പാ​ടി​ന്റെ വ​ർ​ധ​ന യാ​ഥാ​ർ​ഥ്യ​മാ​യി​ട്ടു​ണ്ട്. 2015-16ൽ 11.26 ​ശ​ത​മാ​ന​മു​ണ്ടാ​യി​രു​ന്ന​ത് 2021-22ൽ 80.4 ​ശ​ത​മാ​ന​മാ​യി. 2026-27 ആ​വു​മ്പോ​ഴേ​ക്കും ഇ​ത് 88 ശ​ത​മാ​ന​മാ​വു​മെ​ന്ന് പ്ര​തീ​ക്ഷി​ക്കു​ന്ന​താ​യി എ​സ്.​ബി.​ഐ റി​പ്പോ​ർ​ട്ട് പ​റ​യു​ന്നു.