ഹെഗ്​ഡെയുടെ നൈപുണ്യ വികസനം കൈവെട്ടലും കൊല്ലലുമാണ്​ - ഉവൈസി

ന്യൂഡൽഹി: നൈപുണ്യ വികസന മന്ത്രി അനന്ത്​ കുമാർ ഹെഗ്​ഡെ ആകെ നടത്തിയ നൈപുണ്യ വികസനം ആളുകളുടെ കൈവെട്ടലും കൊല്ലല ുമാണെന്ന്​ എ.​െഎ.എം.​െഎ.എം മേധാവി അസദുദ്ദീൻ ഉവൈസി.

ഹിന്ദു പെൺകുട്ടികളെ തൊടുന്നവരുടെ കൈവെട്ടണം എന്ന്​ ഹെഗ്​ഡെ കുടകിലെ റാലിയിൽ നടത്തിയ വിവാദ പ്രസ്​താവനക്കെതിരായാണ്​ ഉവൈസിയുടെ പരാമർശം. ഹെഗ്​ഡെ എന്ത്​ വികസനമാണ്​ നടത്തിയതെന്ന്​ വ്യക്​തമാക്കാൻ ​കർണാടക കോൺഗ്രസ്​ അധ്യക്ഷൻ ദിനേശ്​ ഗുണ്ടു റാവുവും ആവശ്യപ്പെട്ടിരുന്നു.

ആയിരക്കണക്കിന്​ ഹെഗ്​ഡെക​ൾ വരും പോവും. പക്ഷേ, ചാർമിനാർ ഡെക്കാനിനും ഇന്ത്യക്കും മുസ്​ലീം സമൂഹം നൽകിയ സംഭാവനയുടെ പ്രതീകമായി നിലനിൽക്കും. ഇനിയും ആയിരങ്ങൾ അത്​ കാണും - അസദുദ്ദീൻ ട്വീറ്റ്​ ചെയ്​തു