ഹരിയാനയിലെ ഗുഡ്ഗാവിൽ നിർമാണത്തിലിരുന്ന മേൽപ്പാലം തകർന്നു വീണു

ഗുഡ്ഗാവ്: ഹരിയാനയിലെ ഗുഡ്ഗാവിൽ നിർമാണത്തിലിരുന്ന മേൽപ്പാലം തകർന്നു വീണു. ആറു കിലോമീറ്റർ നീളമുള്ള മേൽപ്പാലത്തിന്‍റെ സോഹ്ന റോഡിലെ ഒരു ഭാഗമാണ് തകർന്നു വീണത്.

മേൽപ്പാലത്തിന് അടിയിലൂടെ വാഹനങ്ങൾ കടന്നു പോകുന്നതിനിടെയാണ് അപകടം സംഭവിച്ചത്. അപകടത്തിൽ രണ്ടു പേർക്ക് പരിക്കേറ്റു. ഇവരെ ആശുപത്രിയിൽ പ്രവേശിപ്പിച്ചു.

കുറ്റക്കാർക്കെതിരെ ശക്തമായ നടപടി സ്വീകരിക്കുമെന്ന് ഹരിയാന ഉപമുഖ്യമന്ത്രി ദുഷ്യന്ത് ചൗട്ടാല അറിയിച്ചു. ദേശീയപാത അതോറിറ്റിയുടെയും സർക്കാറിന്‍റെയും ഉദ്യോഗസ്ഥർ സ്ഥലം സന്ദർശിച്ചു. തകർന്ന സ്ലാബ് നീക്കം ചെയ്യാനുള്ള ശ്രമം പുരോഗമിക്കുകയാണ്.