ലാവലിൻ: സി.ബി.​െഎ അപ്പീൽ ഇന്ന്​ സുപ്രീംകോടതിയിൽ

ന്യൂഡൽഹി: ലാവലിൻ കേസിൽ മുഖ്യമന്ത്രി പിണറായി വിജയന്‍ ഉള്‍പ്പെടെ മൂന്ന് പ്രതികളെ കുറ്റമുക്തരാക്കിയതിനെതിരെ സി.ബി.ഐ സമർപ്പിച്ച അപ്പീൽ സുപ്രീംകോടതി വെള്ളിയാഴ്​ച പരിഗണിക്കും.

ഇതോടൊപ്പം കുറ്റമുക്തരാക്കണമെന്നാവശ്യപ്പെട്ട് പ്രതികള്‍ സമര്‍പ്പിച്ച ഹരജികളും ജസ്​റ്റിസുമാരായ എൻ.വി. രമണ, ശാന്തന ഗൗഡർ എന്നിവരടങ്ങുന്ന ബെഞ്ച് പരിഗണിക്കും.

കേസില്‍ പിണറായിയെയും മറ്റു രണ്ട് പ്രതികളെയും വെറുതെ വിട്ടപ്പോൾ ഉദ്യോഗസ്ഥരായ ആർ. ശിവദാസൻ എം.വി. രാജഗോപാല്‍ കസ്തൂരിരംഗ അയ്യർ എന്നിവര്‍ വിചാരണ നേരിടണമെന്ന് ഹൈകോടതി വിധിച്ചിരുന്നു. ഇത് വിവേചനപരമാണെന്നാണ് ഈ മൂന്ന് ഉദ്യോഗസ്ഥരുടെ വാദം.