ഓടുന്ന കാറിൽ ഭാര്യയേ​യും ബന്ധുവായ സ്​ത്രീയേയും കൊന്ന്​ സൈനികൻ സ്വയം വെടിവെച്ച്​ മരിച്ചു

പട്​ന: ഓടുന്ന കാറിൽ കുട്ടികളുടെ കൺമുന്നിൽ ഭാര്യയേ​യും ബന്ധുവായ സ്​ത്രീയേയും വെടിവെച്ച്​ കൊന്ന്​ സൈനികൻ സ്വയം വെടിവെച്ച്​ മരിച്ചു. പട്​നക്ക്​ സമീപം സൈദാബാദിൽ വെച്ചായിരുന്നു സംഭവം. വിഷ്​ണു കുമാർ ശർമ(33) ആണ്​ ഭാര്യ ദമനി ശർമയേയും ബന്ധു ഡിംപിൾ ശർമയേയും വെടിവെച്ച് ​കൊന്ന​ ശേഷം സ്വയം വെടിവെച്ച്​ മരിച്ചത്​.

വിഷ്​ണു കുമാറി​​െൻറ രണ്ട്​ ആൺകുട്ടികളും ദമനി ശർമയുടെ പിതാവും കാറിലുണ്ടായിരു​ന്നു. കുട്ടികളും ദമനി ശർമയുടെ പിതാവും മുൻസീറ്റിലായിരുന്നു ഇരുന്നത്​. സംഭവത്തിന്​ ശേഷം ഇവർ പുറത്തിറങ്ങി നാട്ട​ുകാര​ുടെ സഹായം അഭ്യർഥിക്കുകയായിരുന്നു.

വിഷ്​ണു കുമാർ ഡെങ്കിപ്പനി ബാധിച്ചതിനെ തുടർന്ന്​ അവധിയെടുത്ത്​ നാട്ടിലെത്തിയതായിരുന്നു. അസുഖത്തെ തുടർന്ന്​ ഇയാളുടെ പെരുമാറ്റം സാധാരണ നിലയിലല്ലായിരുന്നെന്നും പെ​ട്ടെന്ന്​ ദേഷ്യപ്പെടുമായിരുന്നുവെന്നും അന്വേഷണത്തിൽ വ്യക്തമായതായി പൊലീസ്​ അറിയിച്ചു.

ചികിത്സക്കായി അവർ താമസിക്കുന്ന അര ഗ്രാമത്തിൽ നിന്ന്​ പട്​നയിലേക്ക്​ വരുകയായിരുന്നു വിഷ്​ണു കുമാറും കുടുംബവും. കാറിൽ വെച്ച്​ വിഷ്​ണു കുമാർ ഭാര്യയുമായി വാക്​തർക്കത്തിൽ ഏർപ്പെട്ടിരുന്നുവെന്നും ഇതിനെ തുടർന്നാണ്​ വെടിയുതിർത്തതെന്നുമാണ്​ പൊലീസ്​ പറയുന്നത്​. ഭോജ്​പൂർ ജില്ലയിലെ ലാൽഗഞ്ച്​ സ്വദേശിയാണ്​ വിഷ്​ണു കുമാർ.

കൃത്യത്തിനുപയോഗിച്ച കൈത്തോക്കും സഞ്ചരിച്ച കാറും പൊലീസ്​ കണ്ടുകെട്ടിയിട്ടുണ്ട്​.