മകൻ ഇംഗ്ലണ്ടിൽ മരിച്ചു; മൃതദേഹം നാട്ടിലെത്തിക്കാൻ അപേക്ഷിച്ച്​ പൂനെയിലെ കുടുംബം

പൂനെ: യു.കെയിൽ വിദ്യാർഥിയായ മകൻ മരിച്ച സങ്കടത്തിലും അവസാനമായി അവനെ കാണാൻ കഴിയുമോ എന്ന ആശങ്കയിലാണ്​ പൂനെയിലെ കുടുംബം. ലോക്ക്​ഡൗണിനെ തുടർന്ന്​ വിമാന സർവീസുകൾ നിർത്തലാക്കിയതോടെ ഇംഗ്ലണ്ടിലേക്ക്​ പോകാനോ മക​​​െൻറ മൃത ദേഹം ഏറ്റുവാങ്ങാനോ കഴിയില്ലെന്ന സങ്കടത്തിലാണ്​ ശങ്കർ മുർകുമ്പി. യുക്ലാനിലെ സെൻട്രൽ ലാൻഷെയർ സർവകലാശാലയിലെ മാർക്കറ്റിങ്​ വിദ്യാർഥിയായ മകൻ സിദ്ധാർഥ്​ മുർകുമ്പിയെ (23) മാർച്ച് 15 നാണ് കാണാതായത്. പിന്നീട്​ മൃതദേഹം നദീതീരത്ത് നിന്ന്​ പൊലീസ് കണ്ടെത്തുകയായിരുന്നു.

ലോക്ക്​ഡൗൺ മൂലം മറ്റുരാജ്യങ്ങളിലേക്കുള്ള വിമാന സർവീസുകൾ ഇന്ത്യ നിർത്തിവെച്ചിരിക്കുകയാണ്​. അതിനാൽ മൃതദേഹം ഏറ്റുവാങ്ങാനോ സംസ്​കാര ചടങ്ങുകൾ നടത്താനോ സിദ്ധാർഥി​​​െൻറ കുടുംബത്തിന്​ ഇംഗ്ലണ്ടിലെത്താനാകില്ല. എങ്കിലും സിദ്ധാർഥിനെ അവസാനമായി കാണാൻ എന്തെങ്കിലും നടപടിയുണ്ടാകണ​െമന്നാണ്​ മാതാപിതാക്കൾ അഭ്യർഥിക്കുന്നത്​. അന്തിമ ചടങ്ങുകൾക്കായെങ്കിലും സിദ്ധാർഥി​​​െൻറ മൃതദേഹം നാട്ടിലെത്തിക്കണമെന്ന്​ പിതാവ്​
പിതാവ് ശങ്കർ മുർകുമ്പി യു.കെ സർക്കാരിനോട് അഭ്യർഥിച്ചു. കേന്ദ്രസർക്കാർ ഇടപെട്ട്​ മൃതദേഹം നാട്ടിലെത്തിക്കാനുള്ള ​ശ്രമം നടത്തണമെന്നും അവർ ആവശ്യപ്പെട്ടു.

മാർക്കറ്റിങ്​ വിദ്യാർഥിയായ സിദ്ധാർഥി​േൻറത്​​ ആത്മഹത്യയാണെന്നാണ്​ യു.കെ പൊലീസ്​ പറയുന്നത്​. റിബ്ബി നദിയിൽ നിന്നും കണ്ടെടുത്ത മൃതദേഹം റോയൽ പ്രസിറ്റൺ ആശുപത്രി മോർച്ചറിയിൽ സൂക്ഷിച്ചിരിക്കുകയാണ്​. നേരത്തെ മൃതദേഹം തിരിച്ചറിയാൻ എത്തണമെന്ന്​ ആവശ്യപ്പെട്ട്​ ആശുപത്രി അധികൃതർ പിതാവിന്​ കത്തയച്ചിരുന്നു. എന്നാൽ കൊറോണ വൈറസ്​ വ്യാപനത്തെ തുടർന്ന്​ ഇത്​ റദ്ദാക്കി.

മൃതദേഹം കൈമാറുന്നതിനുള്ള നടപടിക്രമങ്ങളൊന്നും പൂർത്തിയായിട്ടില്ല. എന്നാൽ കുടുംബാംഗങ്ങൾക്ക്​ നേരി​ട്ടെത്താൻ കഴിയാത്ത അവസ്ഥയിൽ ആഴ്​ചകൾക്കുള്ളിൽ പൊലീസി​​​െൻറ നേതൃത്വത്തിൽ മൃതദേഹം സംസ്​കരിക്കുകയാണ്​ പതിവ്​. എന്നാൽ മക​​​െൻറ മൃതദേഹം അവിടെ സംസ്​കരിക്കുന്നതിന്​ മുമ്പ്​ സർക്കാർ ഇടപെടൽ ഉണ്ടാകണമെന്നും അന്തിമ ചടങ്ങുകൾക്കായി നാട്ടിലെത്തിക്കണമെന്നും അഭ്യർത്ഥിക്കുകതാണ്​ സിദ്ധാർഥി​​​െൻറ മാതാപിതാക്കൾ.