കർണാടക, ഗോവ പ്രതിസന്ധി: പ്രതിഷേധത്തിൽ പ​​ങ്കെടുത്ത്​ സോണിയയും രാഹുലും

ന്യൂഡൽഹി: കർണാടകയിലും ഗോവയിലും കോൺഗ്രസ്​ എം.എൽ.എമാ​രെ ബി.ജെ.പി സ്വന്തം പാളയത്തിലേക്ക്​ മാറ്റിയതിനെതിരെ പാർ ലമ​െൻറിന്​ മുന്നിൽ വൻ പ്രതിഷേധം. ജനാധിപത്യത്തെ തകർത്താനുള്ള ബി.ജെ.പി ശ്രമത്തിനെതിരെ കോൺഗ്രസ്​ നടത്തിയ പ്രതി ഷേധ ധർണയിൽ യു.പി.എ അധ്യക്ഷ സോണിയ ഗാന്ധിയും രാഹുൽ ഗാന്ധിയും പ​ങ്കെടുത്തു. ജനപ്രതിനിധികൾക്ക്​ പണം നൽകികൊണ്ട്​ ബി.ജെ.പി ജനാധിപത്യത്തെ തകർക്കുകയാണെന്ന്​ കോൺഗ്രസ്​ അംഗങ്ങൾ ആരോപിച്ചു.

വികസനത്തിൽ ശ്രദ്ധകേന്ദ്രീകരിക്കുന്നതിന്​ പകരം ബി.ജെ.പി തെരഞ്ഞെടുക്കപ്പെട്ട സർക്കാറുകളുടെ പ്രവർത്തനങ്ങൾ താളംതെറ്റിച്ച്​ ജനാധിപത്യ നടപടികളെ ഇല്ലാതാക്കാനാണ്​ ശ്രമിക്കുന്നതെന്ന്​ കോൺഗ്രസ്​ നേതാവ്​ ഗൗരവ്​ ഗൊഗോയ്​ പ്രതികരിച്ചു.

കർണാടകയിൽ കോൺഗ്രസ്​ -ജെ.ഡി.എസ്​ എം.എൽ.എമാർ കൂറുമാറിയതിന്​ തൊട്ട​ുപിറകെ ഗോവയിലെ 15 കോൺഗ്രസ്​ നിയമസഭാംഗങ്ങളിൽ 10 പേരും ബി.ജെ.പിയിൽ ചേർന്നിരുന്നു. ബി.ജെ.പി പണവും സ്ഥാനങ്ങളും വാഗ്​ദാനം ചെയ്​ത്​ തെരഞ്ഞെടുക്കപ്പെട്ട ജനപ്രതിനിധികളെ വശത്താക്കുന്നതിനെതിരെ കർണാടകയിൽ കോൺഗ്രസ്​ സംസ്ഥാനവ്യാപകമായ പ്രതിഷേധമാണ്​ നടത്തുന്നത്​.