എസ്​.പി.ബിയുടെ ആരോഗ്യനിലയിൽ പുരോഗതി; ശ്വസിക്കാനുള്ള ബുദ്ധിമുട്ടുകൾ മാറിവരുന്നതായി​ മകൻ

ചെന്നൈ: കോവിഡ്​ 19 ബാധിച്ച് ചെന്നൈയിലെ ​എം.ജി.എം ഹെല്‍ത്ത് കെയര്‍ ആശുപത്രിയിൽ ചികിത്സയിൽ കഴിയുന്ന ഗായകൻ എസ്​.പി ബാലസുബ്രഹ്മണ്യത്തിൻറെ ആരോഗ്യനിലയിൽ മികച്ച പുരോഗതിയുണ്ടെന്ന്​ മകൻ​. ശ്വസിക്കാനുള്ള ബുദ്ധിമുട്ടുകൾ മാറിവരുന്നതായും ഡോക്​ടർമാരെയും ബന്ധുക്കളെയും അദ്ദേഹം തിരിച്ചറിയുന്നതായും മകൻ എസ്​.പി.ബി ചരൺ ഇന്ന്​ വിഡിയോ സന്ദേശത്തിലൂടെ അറിയിച്ചു.

ഇപ്പോഴും വെൻറിലേറ്ററിൽ തുടരുകയാണെന്നും അച്ഛൻ വേഗം സുഖം പ്രാപിച്ച് മടങ്ങിവരുമെന്നും മകൻ പ്രതീക്ഷ പങ്കവച്ചു. ആരോഗ്യനില വഷളായതോടെ കഴിഞ്ഞ വെള്ളിയാഴ്ചയാണ് അദ്ദേഹത്തെ ഐ.സി.യുവിലേക്ക് മാറ്റിയത്. ആഗസ്റ്റ് 5നാണ് 74കാരനായ എസ്.പി ബാലസുബ്രഹ്മണ്യത്തിന് കോവിഡ് സ്ഥിരീകരിച്ചത്.