ഗോവയിൽ കൂട്ട കൂറുമാറ്റത്തിന് സ്പീക്കറുടെ അംഗീകാരം

പ​നാ​ജി: ഗോ​വ​യി​ൽ ബി.​ജെ.​പി​യി​ലേ​ക്ക് കൂ​റു​മാ​റി​യ എ​ട്ട് കോ​ൺ​ഗ്ര​സ് എം.​എ​ൽ.​എ​മാ​ർ ന​ൽ​കി​യ ക​ത്ത് സ്പീ​ക്ക​ർ ര​മേ​ഷ് ത​വാ​ദ്ക​ർ അം​ഗീ​ക​രി​ച്ചു. കോ​ൺ​ഗ്ര​സ് നി​യ​മ​സ​ഭാ ക​ക്ഷി (സി.​എ​ൽ.​പി) ബി.​ജെ.​പി​യി​ൽ ല​യി​ക്കാ​നു​ള്ള ക​ത്താ​ണ് അം​ഗീ​ക​രി​ച്ച​ത്. എം.​എ​ൽ.​എ​മാ​ർ ന​ൽ​കി​യ ക​ത്തി​ന്റെ അ​ടി​സ്ഥാ​ന​ത്തി​ലാ​ണ് ന​ട​പ​ടി​യെ​ന്ന് അ​ദ്ദേ​ഹം മാ​ധ്യ​മ​പ്ര​വ​ർ​ത്ത​ക​രോ​ട് പ​റ​ഞ്ഞു.

മു​ൻ മു​ഖ്യ​മ​ന്ത്രി ദി​ഗം​ബ​ർ കാ​മ​ത്ത് ഉ​ൾ​പ്പെ​ടെ കോ​ൺ​ഗ്ര​സി​​ന്റെ 11 എം.​എ​ൽ.​എ​മാ​രി​ൽ എ​ട്ടു പേ​രാ​ണ് ക​ഴി​ഞ്ഞ ദി​വ​സം ബി.​ജെ.​പി​യി​ൽ ചേ​ർ​ന്ന​ത്. ഇ​വ​ർ കോ​ൺ​ഗ്ര​സ് നി​യ​മ​സ​ഭാ ക​ക്ഷി​യോ​ഗം വി​ളി​ച്ച് ബി.​ജെ.​പി​യി​ൽ ല​യി​ക്കാ​നു​ള്ള പ്ര​മേ​യം അം​ഗീ​ക​രി​ക്കു​ക​യാ​യി​രു​ന്നു. ഇ​താ​ണ് സ്പീ​ക്ക​ർ അം​ഗീ​ക​രി​ച്ച​ത്.

കൂ​റു​മാ​റി​യ എം.​എ​ൽ.​എ​മാ​രെ ഉ​ൾ​പ്പെ​ടു​ത്തി മ​ന്ത്രി​സ​ഭ പു​നഃ​സം​ഘ​ടി​പ്പി​ക്കു​മെ​ന്ന അ​ഭ്യൂ​ഹ​ങ്ങ​ൾ​ക്കി​ടെ മു​ഖ്യ​മ​ന്ത്രി പ്ര​മോ​ദ് സാ​വ​ന്ത് ഗ​വ​ർ​ണ​ർ പി.​എ​സ്. ശ്രീ​ധ​ര​ൻ പി​ള്ള​യു​മാ​യി കൂ​ടി​ക്കാ​ഴ്ച ന​ട​ത്തി. എ​ന്നാ​ൽ, ത​ങ്ങ​ൾ രാ​ഷ്ട്രീ​യം ച​ർ​ച്ച​ചെ​യ്തി​ല്ലെ​ന്ന് മു​ഖ്യ​മ​ന്ത്രി പ​റ​ഞ്ഞു. എ​ന്നാ​ൽ, പു​തു​താ​യി എ​ത്തി​യ എം.​എ​ൽ.​എ​മാ​രെ ഉ​ൾ​പ്പെ​ടു​ത്തി ദി​വ​സ​ങ്ങ​ൾ​ക്കു​ള്ളി​ൽ മ​ന്ത്രി​സ​ഭ വി​ക​സി​പ്പി​ക്കു​മെ​ന്ന് മു​തി​ർ​ന്ന ബി.​ജെ.​പി നേ​താ​വ് പ​റ​ഞ്ഞു.