ഏറ്റുമുട്ടൽ കൊലയല്ല; നീതിയാണ്​ വേണ്ടത്​ -ജിഗ്​നേഷ്​ മേവാനി

അഹ്​മദാബാദ്​: ഹഥ്​രസ്​ ബലാത്സംഗ​േക്കസ്​ പ്രതികളെ വ്യാജ ഏറ്റുമുട്ടലിലൂടെ കൊലപ്പെടുത്താൻ അരങ്ങൊരുങ്ങുന്നതായി ഗുജറാത്ത്​ എം.എൽ.എയും ആക്​ടിവിസ്​റ്റുമായ ജിഗ്​നേഷ്​ മേവാനി. ജനരോഷം തണുപ്പിക്കാനും നീതിനിഷേധം മൂടിവെക്കാനുമാണ്​ സർക്കാർ ശ്രമം.

യഥാർഥ നീതിയല്ല, ജനങ്ങളുടെ കണ്ണിൽ പൊടിയിടലാണ്​ സർക്കാർ ലക്ഷ്യം. പെൺ കുട്ടിയുടെ കുടുംബവുമായി യു.പി മുഖ്യമന്ത്രി യോഗി ആദിത്യ നാഥ്​ വിഡിയോ കോൺഫറൻസ്​ വഴി സംസാരിക്കുന്ന ചിത്രം പങ്കുവെച്ചാണ്​ ജിഗ്​നേഷി​െൻറ പ്രതികരണം.

സർക്കാർ എല്ലാവരെയും വിഡ്​ഢികളാക്കുകയാണ്​. പൊലീസി​െൻറയും നീതിന്യായ വ്യവസ്​ഥയുടെയും രാഷ്ട്രീയക്കാരുടെയും പരാജയത്തെക്കുറിച്ചും ജാതി, പുരുഷാധിപത്യ വ്യവസ്​ഥകളെക്കുറിച്ചും പറയാതെ നീതി പൂർണമാകില്ല -അദ്ദേഹം പറഞ്ഞു.