ഹരിയാനയില്‍ കര്‍ഷകരുടെ 'മഹാപഞ്ചായത്തി'നിടെ വേദി തകര്‍ന്നുവീണു

ജിന്ദ്: ഹരിയാനയിലെ ജിന്ദില്‍ കർഷകർ സംഘടിപ്പിച്ച കിസാന്‍ മഹാപഞ്ചായത്തിനിടെ കര്‍ഷക നേതാക്കള്‍ കയറിയ വേദി തകര്‍ന്നുവീണു. പരിക്കുകൾ റിപ്പോർട്ട്​ ചെയ്യപ്പെട്ടിട്ടില്ല. ഭാരതീയ കിസാൻ യൂനിയൻ (അരജ്​നൈതിക്​) നേതാവ്​ രാകേഷ് ടികായത് മറ്റ്​ നേതാക്കൾക്കൊപ്പം കർഷകരെ അഭിസംബോധന ചെയ്യുന്നതിനിടെയാണ്​ സ്‌റ്റേജ് തകര്‍ന്നുവീണത്.

രാകേഷ് ടികായത് ഉള്‍പ്പെടെ വേദിയിലുണ്ടായിരുന്നവര്‍ താഴേക്ക് വീണു. സ്‌റ്റേജ് തകര്‍ന്നുവീ​െുന്നതിന്‍റെ ദൃശ്യങ്ങളും പുറത്തുവന്നിട്ടുണ്ട്. ഹരിയാനയിലെ ഖാപുകളുടെ (ഗ്രാമീണ കോടതി) ആണ് കിസാന്‍ പഞ്ചായത്ത് സംഘടിപ്പിച്ചത്. കര്‍ഷക സമരത്തിന്‍റെ പശ്ചാത്തലത്തില്‍ കഴിഞ്ഞ ഏതാനും ദിവസങ്ങളായ നിരവധി കിസാന്‍ പഞ്ചായത്തുകള്‍ ഹരിയാനയില്‍ സംഘടിപ്പിക്കുന്നുണ്ട്.

#WATCH | The stage on which Bharatiya Kisan Union (Arajnaitik) leader Rakesh Tikait & other farmer leaders were standing, collapses in Jind, Haryana.

A 'Mahapanchayat' is underway in Jind. pic.twitter.com/rBwbfo0Mm1

— ANI (@ANI) February 3, 2021