ഇന്ധനവില കുറക്കും, പാചകവാതകത്തിന്​ സബ്​സിഡി -100 ഇന പ്രകടന പത്രികയുമായി ഡി.എം.കെ

​െചന്നൈ: പെട്രോൾ, ഡീസൽ വില കുറക്കുമെന്ന തെരഞ്ഞെടുപ്പ്​ വാഗ്​ദാനവുമായി ഡി.എം.കെയുടെ പ്രകടന പത്രിക. ഡി.എം.കെ അധ്യക്ഷൻ എം.കെ. സ്റ്റാലിനാണ്​ പ്രകടന പത്രിക പുറത്തിറക്കിയത്​.

ഇന്ധനവില കുറക്കുന്നതിനൊപ്പം പാചകവാതക സിലിണ്ടറിന്​ 100 രൂപ സബ്​സിഡി അനുവദിക്കുമെന്നും തമിഴ്​നാട്ടിലെ ക്ഷീര ഫെഡറേഷന്‍റെ 'ആവിൻ' പാലിന്​ മൂന്നു രൂപ കുറക്കുമെന്നും സ്റ്റാലിൻ വാഗ്​ദാനം ​െചയ്യുന്നു. 100ഇന വാഗ്​ദാനങ്ങളാണ്​​ പ്രകടനപത്രികയിൽ ഡി.​എം.കെ ഉൾപ്പെടുത്തിയിരിക്കുന്നത്​.

പ്രകടനപത്രികയിലെ പ്രധാന വാഗ്​ദാനങ്ങൾ

• പെട്രോൾ വില അഞ്ചുരൂപയും ഡീസലിന്​ നാലുരൂപയും കുറക്കും
• നിയമസഭ നടപടികൾ​ തത്സമയ സംപ്രേഷണം ചെയ്യും
• ആവിൻ മിൽക്കിന്​ മൂന്നുരൂപ കുറക്കും
• തിരുക്കുറളിനെ ദേശീയ ഗ്രന്​ഥമാക്കാൻ നടപടികൾ ആരംഭിക്കും
• വസ്​തു നികുതി സംസ്​ഥാനത്ത്​ വർധിപ്പിക്കില്ല
• റേഷൻ കാർഡ്​ ഉടമകൾക്ക്​ 4000 രൂപ നൽകും
• വഴിയോര വിൽപനക്കാർക്ക്​ രാത്രി വിശ്രമകേന്ദ്രങ്ങൾ
• ഹിന്ദു ക്ഷേത്രങ്ങളുടെ പരിപാലത്തിന്​ 1000 കോടി
• കർഷകർക്ക്​ പുതിയ മോ​ട്ടോറുകൾ വാങ്ങാൻ 10,000 രൂപ
• സർക്കാർ സ്​കൂൾ വിദ്യാർഥികൾക്ക്​ സൗജന്യ ടാബ്​ലറ്റുകൾ
• വ്യവസായ മേഖലയിൽ 75 ശതമാനം തൊഴിലും തമിഴ്​ ജനതക്ക്​
• പ്രസവാവധി 12 മാസമായി നീട്ടും
• നീറ്റ്​ പരീക്ഷ എടുത്തുകളയാൻ ആദ്യ നിയമസഭ യോഗത്തിൽ നിയമം പാസാക്കും
• പാചകവാതക സിലിണ്ടറിന്​ 100 രൂപ സബ്​സിഡി
• അമ്മ കാന്‍റീനിന്​ സമാനമായി 500 കലൈഞ്​ജർ ഭക്ഷണ ശാലകൾ
• പള്ളികളുടെയും മോസ്​കുകളുടെയും പരിപാലനത്തിന്​ 200 കോടി
• തിരുച്ചിറപ്പള്ളി, മധു​ര, സേലം, നെല്ലായ്​, കോയമ്പത്തൂർ എന്നിവിടങ്ങളിൽ മെട്രോ ട്രെയിൻ
• 30 വയസിന്​ താഴെയുള്ളവരുടെ വിദ്യാഭ്യാസ ​വായ്​പകൾ എഴുതിതള്ളും
• ഈ വാഗ്​ദാനങ്ങൾ പാലിക്കാൻ പ്രത്യേക മന്ത്രിസഭ രൂപവത്​കരിക്കും