മദ്രാസ് ഹൈകോടതിയിൽ ഔദ്യോഗിക ഭാഷ തമിഴാക്കണമെന്ന്​ സ്റ്റാലിൻ

ചെ​​ന്നൈ: ഇം​ഗ്ലീ​ഷി​നു​പു​റ​മെ, മ​ദ്രാ​സ് ഹൈ​കോ​ട​തി​യു​ടെ​യും മ​ധു​ര​യി​ലെ ബെ​ഞ്ചി​ന്‍റെ​യും ഔ​ദ്യോ​ഗി​ക ഭാ​ഷ​യാ​യി ത​മി​ഴി​നെ പ്ര​ഖ്യാ​പി​ക്കാ​ൻ ഉ​ചി​ത​മാ​യ ന​ട​പ​ടി​ക​ൾ സ്വീ​ക​രി​ക്ക​ണ​മെ​ന്നാ​വ​ശ്യ​പ്പെ​ട്ട്​ ത​മി​ഴ്​​നാ​ട്​ മു​ഖ്യ​മ​ന്ത്രി എം.​കെ. സ്റ്റാ​ലി​ൻ പ്ര​ധാ​ന​മ​ന്ത്രി ന​രേ​ന്ദ്ര മോ​ദി​ക്കും ചീ​ഫ് ജ​സ്റ്റി​സ് എ​ൻ.​വി. ര​മ​ണ​ക്കും ക​ത്ത​യ​ച്ചു.

ഹൈ​കോ​ട​തി​യി​ലെ​യും സു​പ്രീം​കോ​ട​തി​യി​ലെ​യും ജ​ഡ്ജി​മാ​രു​ടെ നി​യ​മ​ന​ത്തി​ൽ സാ​മൂ​ഹി​ക വൈ​വി​ധ്യ​വും സാ​മൂ​ഹി​ക​നീ​തി​യും ഉ​റ​പ്പു​വ​രു​ത്ത​ണം. സ​മൂ​ഹ​ത്തി​ന്‍റെ വി​വി​ധ വി​ഭാ​ഗ​ങ്ങ​ളെ പ്ര​തി​നി​ധാ​നം​ചെ​യ്യു​ന്ന വി​ശാ​ലാ​ധി​ഷ്ഠി​ത​വും വൈ​വി​ധ്യ​പൂ​ർ​ണ​വു​മാ​യ ജ​ഡ്ജി​മാ​രു​ണ്ടെ​ങ്കി​ൽ​മാ​ത്ര​മേ സ​മൂ​ഹ​ത്തി​ന്‍റെ മൊ​ത്ത​ത്തി​ലു​ള്ള കാ​ഴ്ച​പ്പാ​ടു​ക​ളും മൂ​ല്യ​ങ്ങ​ളും പ്ര​തി​ഫ​ലി​പ്പി​ക്കാ​ൻ ക​ഴി​യൂ, പ്ര​ത്യേ​കി​ച്ച് ച​രി​ത്ര​പ​ര​വും പ​ര​മ്പ​രാ​ഗ​ത​വും ഭാ​ഷാ​പ​ര​വും സാം​സ്കാ​രി​ക​വു​മാ​യ വി​ഷ​യ​ങ്ങ​ളി​ൽ. വി​ശാ​ല​മാ​യ രാ​ജ്യ​ത്തി​ന്‍റെ മ​റ്റ് ഭാ​ഗ​ങ്ങ​ളി​ലു​ള്ള​വ​ർ​ക്കും സു​പ്രീം​കോ​ട​തി​യെ സ​മീ​പി​ക്കാ​നാ​വ​ണം. ഇ​തി​നാ​യി ഡ​ൽ​ഹി, ചെ​ന്നൈ, കൊ​ൽ​ക്ക​ത്ത, മും​ബൈ എ​ന്നി​വി​ട​ങ്ങ​ളി​ൽ സു​പ്രീം​കോ​ട​തി​യു​ടെ സ്ഥി​രം പ്രാ​ദേ​ശി​ക ബെ​ഞ്ചു​ക​ൾ സ്ഥാ​പി​ക്ക​ണ​മെ​ന്നും അ​ദ്ദേ​ഹം ആ​വ​ശ്യ​പ്പെ​ട്ടു.