ഉമർ ഖാലിദ്​: ഇവിടെ കുറ്റമല്ല യഥാർഥ വിഷയം, പേരുകളാണ്​...

ന്യൂഡൽഹി: ഡൽഹി കലാപത്തിനായി ഗൂഢാലോചന നടത്തിയെന്ന്​ കുറ്റം ചാർത്തി ഉമർ ഖാലിദിനെ യു.എ.പി.എ ചുമത്തി അറസ്​റ്റ്​ ചെയ്​ത കേന്ദ്ര സർക്കാർ നടപടിയെ ചോദ്യം ചെയ്​ത്​ സോഷ്യൽ മീഡിയ. പ്രതിഷേധം ട്വിറ്ററിൽ ട്രെൻഡിങ്ങായി മാറി. ഈ വിഷയത്തിൽ സർക്കാറി​െൻറ നിലപാടിനെതിരെ പലരും രൂക്ഷമായ ഭാഷയിലാണ്​ പ്രതികരിച്ചത്​. കലാപത്തിന്​ ആഹ്വാനം ചെയ്യുന്ന രീതിയിൽ പ്രകോപനപരമായ പ്രസംഗങ്ങളും പരാമർശങ്ങളും നടത്തിയ ബി.ജെ.പി നേതാക്കളായ അനുരാഗ്​ താക്കൂർ, കപിൽ മിശ്ര, പർവേഷ്​​ വർമ, ജെ.എൻ.യുവിൽ ആക്രമണം നടത്തിയ കോമൾ ശർമ തുടങ്ങിയവർക്കെതിരെ ഒരു എഫ്​​.ഐ.ആർ പോലും രജിസ്​റ്റർ ചെയ്യാത്ത സർക്കാർ, കലാപവുമായി ബന്ധമില്ലാ​ത്തവരെ മുൻ​ൈവരാഗ്യത്തോടെ യു.എ.പി.എ ചുമത്തി അറസ്​റ്റ്​ ചെയ്യുന്നതിനെതിരെയായിരുന്നു പ്രതികരണങ്ങളേറെയും. 'അറസ്​റ്റ്​ കപിൽ മിശ്ര', 'സ്​റ്റാൻഡ്​ വിത്ത്​ ഉമർ ഖാലിദ്' തുടങ്ങിയ ഹാഷ്​ടാഗുകളിലാണ്​ ​പ്രതിഷേധങ്ങൾ.​

'ആളുകളെ വെടിവെച്ചുകൊല്ലാൻ പ്രേരിപ്പിക്കുന്നതിന്​ കുഴപ്പമില്ല, യൂനിവേഴ്​സിറ്റി വിദ്യാർഥികളെ ആക്രമിക്കുന്നതിനും കുഴപ്പമില്ല, മതപരമായ വിദ്വേഷ പ്രസംഗങ്ങൾ നടത്തിയാലും പ്രശ്​നമില്ല, എന്നാൽ, ഹിന്ദു-മുസ്​ലിം ഐക്യത്തിനും സമാധാനത്തിനു​ം വേണ്ടി ആഹ്വാനം ചെയ്​ത്​ സംസാരിച്ചാൽ, നിങ്ങൾ കലാപകാരിയായി മാറിയേക്കും' -ട്വിറ്ററിൽ ലക്ഷക്കണക്കിന്​ ​േഫാളോവേഴ്​സ്​ ഉള്ള യൂട്യൂബർ ധ്രുവ്​ രതീ ട്വീറ്റ്​ ചെയ്​തു.

യൂത്ത്​ കോൺഗ്രസി​െൻറ ദേശീയ പ്രചാരണ ചുമതലയുള്ള നേതാവ്​ ശ്രീവത്​സയുടെ പൊള്ളുന്ന ട്വീറ്റുകൾ​ ഈ വിഷയത്തിൽ ഏറെ ശ്രദ്ധേയമായി. മൂന്നു ട്വീറ്റുകളാണ്​ ഇതുമായി ബന്ധപ്പെട്ട്​ ശ്രീവത്​സ പോസ്​റ്റ്​ ചെയ്​തത്​.

ശ്രീവത്​സയുടെ ട്വീറ്റുകൾ​

1. ഭീരുക്കളും സ്വജനപക്ഷപാതികളുമായ ഈ സർക്കാർ ഉമർ ഖാലിദിനെ യു.എ.പി.എ ചുമത്തി അറസ്​റ്റ്​ ചെയ്​തിരിക്കുന്നു. ​ൈകയോടെ പിടികൂടപ്പെട്ട ചിലരാക​ട്ടെ, സ്വതന്ത്രരായി അലഞ്ഞുനടക്കുകയാണ്​. അനുരാഗ്​ താക്കൂറിനെതിരെ അറസ്​റ്റും എഫ്​.ഐ.ആറുമില്ല, കപിൽ മിശ്രക്കെതിരെ അറസ്​റ്റും എഫ്​.ഐ.ആറുമില്ല, കോമൾ ശർമക്കെതിരെയും അറസ്​റ്റും എഫ്​.ഐ.ആറുമില്ല. ഞാൻ പലപ്പോഴും പറയുന്നതുപോലെ, കുറ്റമല്ല ഇവിടെ യഥാർഥ വിഷയം, പേരുകളാണ്​.

2. കപിൽ മിശ്ര വിദ്വേഷ പ്രസംഗത്തിൽ 'ഗോലി മാരോ' എന്ന്​ അലറിയതിന്​ ഡൽഹിയിലെ കലാപത്തിൽ വലിയ പങ്കുണ്ട്​. അറസ്​റ്റും യു.എ.പി.എയും പോ​ട്ടെ, ഒരു എഫ്​.ഐ.ആർ പോലും അയാൾക്കെതിരെ ഉണ്ടായിട്ടില്ല. ഉമർ ഖാലിദ്​ എന്താണ്​ ചെയ്​തത്? ബി.ജെ.പി സർക്കാർ ദുരുദ്ദേശ്യത്തോടെ അദ്ദേഹത്തെ വേട്ടയാടുകയാണ്​. നീതിന്യായ വ്യവസ്​ഥ സ്വാതന്ത്ര്യം ഉയർത്തിപ്പിടിക്കുമോ?

3. സർക്കാറിനെതിരെ സംസാരിക്കുന്നതിന്​ വിദ്യാർഥികളെയു​ം ആക്​ടിവിസ്​റ്റുക​െളയും അറസ്​റ്റ്​ ചെയ്യുന്നത്​ ഫാഷിസ്​റ്റുകളുടെ രീതിയാണ്​. മാധ്യമങ്ങൾ സർക്കാറിനെ ചോദ്യം ചെയ്യാതിരിക്കുന്നത്​ ഫാഷിസ്​റ്റുകൾ എല്ലാം തങ്ങളുടെ വരുതിയിലാക്കു​ന്നതി​െൻറ തെളിവായി മാറുന്നു​. ഇത്​ ജനാധിപത്യത്തി​െൻറ അന്ത്യമാണ്​. കങ്കണയുടെ നാടകമല്ലിത്​. ബി.ജെ.പി ഇന്ത്യൻ ജനാധിപത്യത്തെ കശാപ്പ്​ ചെയ്​തുകൊണ്ടിരിക്കുകയാണ്​.