നിലവിലെ മൊബൈൽ നമ്പരുകൾ 13 അക്കത്തിലേക്ക് മാറില്ല, മാറുന്നത് മെഷീൻ ടു മെഷീൻ സിമ്മുകൾ

ന്യൂഡൽഹി: മൊബൈൽ നമ്പരുകൾ ജൂലൈ മുതൽ 13 അക്കത്തിലേക്ക് മാറുന്നുവെന്ന വാർത്തയിൽ വിശദീകരണവുമാ‍യി ടെലികോം വിദഗ്ധർ.  നിലവിലെ മൊബൈൽ നമ്പരുകളല്ല പകരം മെഷീൻ ടു മെഷീൻ നമ്പരുകളാണ് 13 അക്കത്തിലേക്ക് മാറുക. ഇപ്പോഴുള്ള 10 അക്ക നമ്പരുകളെല്ലാം അങ്ങനെ തന്നെ തുടരും.
സ്വൈപിങ് മെഷിനുകൾ, കാറുകൾ, വൈദ്യുത മീറ്ററുകൾ തുടങ്ങിയവയിലാണ് മെഷിൻ ടു മെഷിൻ  സിമ്മുകൾ ഉപയോഗിക്കുക.ടെലികോം മന്ത്രാലയത്തിന്‍റെ സർക്കലുറിലുണ്ടായ ആശയക്കുഴപ്പമാണ് തെറ്റിധാരണയുണ്ടാക്കിയത്.