രാജ്യത്തെ ജനാധിപത്യ മൂല്യങ്ങളും നിയമവാഴ്ചയും തകർക്കുന്നത് അനുവദിക്കാനാവില്ല - പ്രൊഫ. കെ.സത്യനാരായണ

ഹൈദരാബാദ്​: രാജ്യത്ത്​ ഉയരുന്ന വിയോജപ്പി​െൻറ ശബ്​ദം ഇന്ത്യൻ ഭരണഘടനയെയും ജനാധിപത്യ മൂല്യങ്ങ​ളെയും നിഷ്‌കരുണം തകർക്കാൻ അനുവദിക്കില്ലെന്ന്​ ദലിത്​ ചിന്തകനും ആക്​റ്റിവിസ്​റ്റുമായ പ്രൊഫസർ കെ.സത്യനാരായണ. രാജ്യത്തെ നിയമവാഴ്​ച തകരുന്നതിനെതിരെ ഉയരുന്ന ശബ്​ദം പ്രതീക്ഷയെ പുനരുജ്ജീവിപ്പിക്കുന്നുവെന്നും ജനാധിപത്യവും വിയോജിപ്പും സംരക്ഷിക്കുന്നതിനുള്ള സംരംഭങ്ങളുടെ ഭാഗമായി തുടരുമെന്നും പ്രൊഫ.കെ സത്യനാരായണ പറഞ്ഞു. ഭീമ കൊറേഗാവ്​ കേസുമായി ബന്ധപ്പെട്ട്​ സെപ്​തംബർ ഒമ്പതിന്​ എൻ.ഐ.എക്ക്​ മുന്നിൽ ചോദ്യം ചെയ്യലിന്​ ഹാജരായ ശേഷം പ്രസ്​താവനയിലൂടെ പ്രതികരിക്കുകയായിരുന്നു അദ്ദേഹം.

ഭീമ കൊറേഗാവ്​ കേസിൽ ബന്ധമുണ്ടെന്ന്​ ചൂണ്ടിക്കാട്ടിയാണ്​ എൻ.ഐ.എ വിപ്ലവ കവി വരവരറാവുവി​െൻറ മരുമക്കളായ സത്യനാരായണയെയും മുതിർന്ന പത്രപ്രവർത്തകൻ കെ.വി കർമനാഥിനെയും ചോദ്യം ചെയ്യലിന്​ വിളിപ്പിച്ചത്​. ചോദ്യങ്ങൾക്ക്​ തങ്ങൾക്കറിയാവുന്നതുപോലെ മറുപടി നൽകിയെന്നും രാവിലെ 10 മണിയോടെ മുംബൈ എൻ.ഐ.എ ഓഫീസിൽ ഹാജരായ തങ്ങളെ രാത്രി ഒമ്പതുമണിക്കാണ്​ വിട്ടയച്ചതെന്നും സത്യനാരായണ വ്യക്തമാക്കി.

അറസ്​റ്റിലായ വരവര റാവുവിനെതിരായി തെളിവുകൾ ശേഖരിക്കുന്നതി​െൻറ മറവിൽ 2018 ആഗസ്റ്റിൽ സത്യനാരായാണയുടെയും കർമനാഥി​െൻറയും ഫ്ലാറ്റുകളിൽ പൂനെ പൊലീസ്​ റെയ്ഡ് നടത്തിയിരുന്നു. പൂനെ പൊലീസ് സംഘം ഫ്ലാറ്റുകളിൽ നിന്ന് പിടിച്ചെടുത്ത വസ്തുക്കളെക്കുറിച്ച് വാക്കാലുള്ള പ്രസ്താവനകൾ എൻ.​െഎ.എ രേഖപ്പെടുത്തി. എൻ.‌ഐ‌.എയുടെ എല്ലാ ചോദ്യങ്ങൾ‌ക്കും ഉത്തരം നൽകുകയും ഭീമ കൊറേഗാവ് കേസുമായി തങ്ങൾക്ക് യാതൊരു ബന്ധവുമില്ലെന്ന്​ ആവർത്തിക്കുകയും ചെയ്​തു. മുംബൈയിലെത്തിയ തങ്ങൾ ഒറ്റക്കായിരുന്നെങ്കിലും ലോകമെമ്പാടുമുള്ള കലാകാരന്മാർ, അക്കാദമിക് പ്രവർത്തകർ, ആക്ടിവിസ്റ്റുകൾ, പത്രപ്രവർത്തകർ, വിദ്യാർത്ഥികൾ, ജനാധിപത്യത്തിനായി ശബ്ദമുയർത്തുന്നവർ എന്നിവരുടെ ഐക്യദാർഢ്യത്തി​െൻറ സന്ദേശങ്ങളും പ്രതിഷേധങ്ങളും തങ്ങൾക്ക്​ കേൾക്കാമായിരുന്നു. പ്രതിസന്ധിയുടെ നിമിഷങ്ങളിൽ ഈ ഐക്യദാർഢ്യമാണ്​ ധാർമ്മിക പിന്തുണയും ശക്തിയും നൽകിയതെന്നും അത് ഏറെ ആശ്വാസകരമായിരുന്നുവെന്നും സത്യനാരായണ കുറിച്ചു.

''ഈ രാജ്യത്തും ലോകത്തിലുമായി ഉയരുന്ന വിയോജിപ്പി​െൻറ ശക്തമായ ശബ്ദങ്ങൾ ജനാധിപത്യ മൂല്യങ്ങൾ, ഭരണഘടന, നിയമവാഴ്ച എന്നിവ നിഷ്‌കരുണം തകർക്കുന്നത് അനുവദിക്കില്ലെന്ന ഞങ്ങളുടെ പ്രതീക്ഷയെ പുനരുജ്ജീവിപ്പിക്കുന്നതാണ്​. സുഹൃത്തുക്കൾ വ്യക്തിഗത സന്ദേശങ്ങൾ അയച്ചും, നിരവധി അക്കാദമിക്​ പ്രവർത്തകരും വിദ്യാർഥികളുംകളും പരസ്യ പ്രസ്താവനകൾ പുറപ്പെടുവിക്കുകയും ഞങ്ങളെ പിന്തുണക്കയും ചെയ്തു. ഞങ്ങളെ പിന്തുണച്ചവർക്ക്​ നന്ദിയറിയിക്കുന്നു. ഈ രാജ്യത്ത് ജനാധിപത്യവും വിയോജിപ്പും സംരക്ഷിക്കുന്നതിനുള്ള സംരംഭങ്ങളുടെ ഭാഗമാകുമെന്ന് ഞങ്ങൾ ഉറപ്പ് നൽകുന്നു''. പ്രൊഫ.സത്യനാരായണ പ്രസ്​താവനയിൽ വ്യക്തമാക്കി.