അപകട മേഖലയിൽ പ്രവേശിക്കുന്നത്​ വിലക്കി: പാക്​ പൊലീസുകാരന്​ ചൈനീസ്​ എഞ്ചിനിയറുടെ മർദനം

ഇസ്​ലമാബാദ്​: ഫൈസലാബാദിൽ എം4​ മോ​േട്ടാർ വേ നിർമാണത്തിനിടെ അപകട മേഖലയിൽ പ്രവേശിക്കുന്നത്​ തടഞ്ഞ പാകിസ്​താൻ സ​ുരക്ഷാ ഉദ്യോഗസ്ഥനെ ചൈനക്കാർ മർദിക്കുന്ന ദൃശ്യങ്ങൾ പുറത്ത്​. ​
ബഹവാർപുർ മുതൽ ഫൈസലാബാദ്​ വരെയുള്ള മോ​േട്ടാർ വേ നിർമാണത്തിൽ ഭൂരിഭാഗവും വിദേശ ജോലിക്കാരാണുള്ളത്​.  ജോലിക്കാർക്ക്​ സന്ദർശനം വിലക്കിയിട്ടുള്ള റെഡ്​ ലൈറ്റ്​ ഏരിയയിലേക്ക്​ കടക്കാൻ ശ്രമിച്ച ചൈനീസ്​ എഞ്ചിനിയറെ സുരക്ഷാ ചുതലയുള്ള പൊലീസുകാരൻ തടയുകയായിരുന്നു.  തുടർന്ന്​ ചൈനീസ്​ എഞ്ചിനിയർമാർ പൊലീസുകാര​നോട്​ തട്ടിക്കയറുകയും ആക്രമിക്കുകയും ചെയ്​തു. തുടർന്ന്​ ഇരു വിഭാഗവും തമ്മിൽ സംഘർഷമുണ്ടായി. പ്രതികാര നടപടിയെന്ന രീതിയിൽ പ്രധാന നിർമാണ ക്യാമ്പിൽ നിന്നും പൊലീസ്​ ക്യാമ്പിലേക്കുള്ള വൈദ്യുതി ചൈനീസ്​ ഉദ്യോഗസ്ഥർ വി​േഛദിച്ചതായും പരാതിയുണ്ട്​. 

പൊലീസ്​ ഉദ്യോഗസ്ഥർ കൃത്യ നിർവഹണം തടയുകയാണെന്നാരോപിച്ച്​ ചൈനീസ്​ എഞ്ചിയർമാർ പഞ്ചാബ്​ മുഖ്യമന്ത്രി ഷഹബാസ്​ ശെരീഫിന്​ കത്തെഴുതി. പൊലീസുകാർ വാഹനമിടിച്ച്​ പരിക്കേൽപ്പിക്കാൻ ശ്രമിച്ചുവെന്നും പരാതിയുണ്ട്​. എന്നാൽ ആരോപണങ്ങൾ പൊലീസുകാർ നിഷേധിച്ചു. 

ബുധനാഴ്​ച രാവിലെ ചൈനക്കാരായ തൊഴിലാളികൾ നിർമാണം നിർത്തിവെക്കുകയും വലിയ യന്ത്രങ്ങളും നിർമാണ സഹായിയായ വാഹനങ്ങളും റോഡിൽ നിർത്തിയിട്ട്​ പ്രതിഷേധിക്കുകയും ചെയ്​തു​.