ഡൽഹിയിൽ തെരുവുനായ്ക്കൾ പിഞ്ചുകുഞ്ഞിനെ കടിച്ചുകൊന്നു

ന്യൂ​ഡ​ൽ​ഹി: ന​ഗ​ര​ത്തി​ൽ തെ​രു​വു​നാ​യ്ക്ക​ൾ കൂ​ട്ടം ചേ​ർ​ന്ന് പി​ഞ്ചു​കു​ഞ്ഞി​നെ ക​ടി​ച്ചു​കൊ​ന്നു. തു​ഗ്ല​ക് ലെ​യ്നി​ലെ ധോ​ഭി ഘ​ട്ട് മേ​ഖ​ല​യി​ൽ ശ​നി​യാ​ഴ്ച വൈ​കീ​ട്ട് ആ​റി​നാ​യി​രു​ന്നു സം​ഭ​വം. വീ​ട്ടി​ന് പു​റ​ത്തി​രി​ക്കു​ക​യാ​യി​രു​ന്ന ര​ണ്ടു വ​യ​സ്സു​കാ​രി​യെ അ​ഞ്ചു നാ​യ്ക്ക​ൾ ആ​ക്ര​മി​ക്കു​ക​യും 150 മീ​റ്റ​റോ​ളം അ​ക​ലേ​ക്ക് വ​ലി​ച്ചു​കൊ​ണ്ടു​പോ​കു​ക​യു​മാ​യി​രു​ന്നു. പോ​സ്റ്റ്മോ​ർ​ട്ട​ത്തി​നു​ശേ​ഷം മൃ​ത​ദേ​ഹം ബ​ന്ധു​ക്ക​ൾ​ക്ക് വി​ട്ടു​കൊ​ടു​ത്ത​താ​യും സം​ഭ​വ​ത്തെ​ക്കു​റി​ച്ച് അ​ന്വേ​ഷ​ണം തു​ട​ങ്ങി​യ​താ​യും പൊ​ലീ​സ് അ​റി​യി​ച്ചു.

വി​വ​രം ല​ഭി​ച്ച ഉ​ട​ൻ പൊ​ലീ​സ് സം​ഘ​ത്തെ​യും ഫോ​റ​ൻ​സി​ക് വി​ദ​ഗ്ധ​രെ​യും സം​ഭ​വ​സ്ഥ​ല​ത്തേ​ക്ക് അ​യ​ച്ചി​രു​ന്നെ​ന്നും പെ​ൺ​കു​ട്ടി​യെ ആ​ശു​പ​ത്രി​യി​ൽ എ​ത്തി​ച്ചെ​ങ്കി​ലും ചി​കി​ത്സ​ക്കി​ടെ മ​രി​ച്ചെ​ന്നും മു​തി​ർ​ന്ന പൊ​ലീ​സ് ഉ​ദ്യോ​ഗ​സ്ഥ​ൻ പ​റ​ഞ്ഞു.

അ​തേ​സ​മ​യം, മൃ​ഗ​ഡോ​ക്ട​ർ​മാ​രു​ടെ സം​ഘം സ്ഥ​ല​ത്തെ​ത്തി ന​ട​ത്തി​യ പ​രി​ശോ​ധ​ന​യി​ൽ പ്ര​ദേ​ശ​ത്തെ നാ​യ്ക്ക​ൾ​ക്ക് കു​ത്തി​വെ​പ്പെ​ടു​ക്കു​ക​യും വ​ന്ധ്യം​ക​ര​ണം ന​ട​ത്തു​ക​യും ചെ​യ്തി​രു​ന്ന​താ​യി ക​ണ്ടെ​ത്തി​യെ​ന്ന് ന്യൂ​ഡ​ൽ​ഹി മു​ൻ​സി​പ്പ​ൽ കൗ​ൺ​സി​ൽ ഉ​ദ്യോ​ഗ​സ്ഥ​ൻ പ​റ​ഞ്ഞു. പ്ര​ദേ​ശ​ത്ത് ചി​ല​ർ തെ​രു​വു​നാ​യ്ക്ക​ൾ​ക്ക് ഭ​ക്ഷ​ണം ന​ൽ​കു​ന്നു​ണ്ടെ​ന്നും അ​വ​ർ​ക്കെ​തി​രെ ക​ർ​ശ​ന ന​ട​പ​ടി വേ​ണ​മെ​ന്നും പെ​ൺ​കു​ട്ടി​യു​ടെ കു​ടും​ബം ആ​വ​ശ്യ​പ്പെ​ട്ടു.