അകത്ത് കലഹം, പുറത്ത് ചോർച്ച; പ്രതിസന്ധിക്കയത്തിൽ ജെ.ഡി-എസ്

ബംഗ​ളൂ​രു: ഒ​രു വ​ശ​ത്ത് സീ​റ്റി​നെ ചൊ​ല്ലി ത​ർ​ക്കം​തീ​രാ​തെ പാ​ർ​ട്ടി അ​ധ്യ​ക്ഷ​ൻ എ​ച്ച്.​ഡി. ദേ​വ​ഗൗ​ഡ​യു​ടെ കു​ടും​ബം. മ​റു​വ​ശ​ത്ത് സി​റ്റി​ങ് എം.​എ​ൽ.​എ​മാ​രു​ടെ​ കൊ​ഴി​ഞ്ഞു​പോ​ക്ക്. ക​ർ​ണാ​ട​ക നി​യ​മ​സ​ഭ തെ​ര​ഞ്ഞെ​ടു​പ്പി​ന് ഒ​രു മാ​സം ശേ​ഷി​ക്കെ പ്ര​തി​സ​ന്ധി​ക്ക​യ​ത്തി​ലാ​ണ് മു​ഖ്യ പ്രാ​ദേ​ശി​ക പാ​ർ​ട്ടി​യാ​യ ജെ.​ഡി-​എ​സ്.

ദേ​വ​ഗൗ​ഡ​യു​ടെ മൂ​ത്ത​മ​ക​ൻ എ​ച്ച്.​ഡി. രേ​വ​ണ്ണ​യു​ടെ കു​ടും​ബ​മാ​ണ് സീ​റ്റി​നെ ചൊ​ല്ലി പ​ര​സ്യ​വെ​ല്ലു​വി​ളി​യു​മാ​യി രം​ഗ​ത്തു​ള്ള​ത്. രേ​വ​ണ്ണ​യു​ടെ ഭാ​ര്യ ഭ​വാ​നി ക്ക് ഹാ​സ​ൻ സീ​റ്റ് ന​ൽ​ക​ണ​മെ​ന്നാ​യി​രു​ന്നു ആ​വ​ശ്യം. ഇ​തം​ഗീ​ക​രി​ക്കി​ല്ലെ​ന്ന് പാ​ർ​ട്ടി നി​യ​മ​സ​ഭ ക​ക്ഷി നേ​താ​വും ദേ​വ​ഗൗ​ഡ​യു​ടെ ര​ണ്ടാ​മ​ത്തെ മ​ക​നു​മാ​യ എ​ച്ച്.​ഡി. കു​മാ​ര​സ്വാ​മി പ​ര​സ്യ​മാ​യി വ്യ​ക്ത​മാ​ക്കി​യ​തോ​ടെ തീ​രു​മാ​നം ദേ​വ​ഗൗ​ഡ​ക്ക് വി​ട്ടു.

സീ​റ്റ് ഇ​ത്ത​വ​ണ ഗൗ​ഡ കു​ടും​ബ​ത്തി​ന് പു​റ​ത്ത് ന​ൽ​കാ​ൻ തീ​രു​മാ​നി​ച്ചെ​ന്നാ​ണ് കു​മാ​ര​സ്വാ​മി​യു​ടെ നി​ല​പാ​ട്. സീ​റ്റ് ല​ഭി​ച്ചി​ല്ലെ​ങ്കി​ൽ ഭ​വാ​നി​യെ സ്വ​ത​ന്ത്ര​യാ​യി മ​ത്സ​രി​പ്പി​ക്കു​മെ​ന്നും സി​റ്റി​ങ് സീ​റ്റാ​യ ഹൊ​ളെ​ന​ര​സി​പു​രി​ൽ താ​നും സ്വ​ത​ന്ത്ര​നാ​യി മ​ത്സ​രി​ക്കു​മെ​ന്നാ​ണ് രേ​വ​ണ്ണ​യു​ടെ ഭീ​ഷ​ണി.

ഹാ​സ​നി​ൽ ഭ​വാ​നി സ്വ​ത​ന്ത്ര​യാ​യി മ​ത്സ​രി​ച്ചാ​ൽ ത​ങ്ങ​ൾ സ്ഥാ​നാ​ർ​ഥി​യെ നി​ർ​ത്തി​ല്ലെ​ന്ന് കോ​ൺ​ഗ്ര​സും രേ​വ​ണ്ണ​യു​മാ​യി ര​ഹ​സ്യ​ധാ​ര​ണ​യു​ണ്ട്.ക​ഴി​ഞ്ഞ ത​വ​ണ ബി.​ജെ.​പി​ക്കാ​യി​രു​ന്നു ജ​യം. ഹാ​സ​ൻ സീ​റ്റി​ൽ തീ​രു​മാ​ന​മാ​കാ​ത്ത​തി​നെ തു​ട​ർ​ന്ന് ജെ.​ഡി-​എ​സി​ന്റെ ര​ണ്ടാം പ​ട്ടി​ക പ്ര​ഖ്യാ​പ​ന​വും വൈ​കു​ക​യാ​ണ്.

2019ലെ ​ലോ​ക്സ​ഭ തെ​ര​ഞ്ഞെ​ടു​പ്പി​ൽ എ​ച്ച്.​ഡി. രേ​വ​ണ്ണ​യു​ടെ നി​ർ​ബ​ന്ധ​ത്തി​നു വ​ഴ​ങ്ങി അ​ദ്ദേ​ഹ​ത്തി​ന്റെ മ​ക​ൻ പ്ര​ജ്ജ്വ​ൽ രേ​വ​ണ്ണ​ക്കാ​യി ദേ​വ​ഗൗ​ഡ ഹാ​സ​ൻ സീ​റ്റ് ഒ​ഴി​ഞ്ഞ് തു​മ​കു​രു​വി​ൽ മ​ത്സ​രി​ച്ചിരു​ന്നു. പ്ര​ജ്ജ്വ​ൽ ജ​യി​ച്ചെ​ങ്കി​ലും ദേ​വ​ഗൗ​ഡ തോ​റ്റ​ത് പാ​ർ​ട്ടി​ക്ക് ക്ഷീ​ണ​മാ​യി. കു​മാ​ര​സ്വാ​മി​യും മ​ക​ൻ നി​ഖി​ൽ ഗൗ​ഡ​യും ഇ​ത്ത​വ​ണ സീ​റ്റു​റ​പ്പി​ച്ചി​ട്ടു​ണ്ട്.

ഭാ​ര്യ അ​നി​തയു​ടെ സി​റ്റി​ങ് മ​ണ്ഡ​ല​മാ​യ രാ​മ​ന​ഗ​ര​യി​ൽ നി​ഖി​ൽ ഗൗ​ഡ​യും സ​മീ​പ മ​ണ്ഡ​ല​മാ​യ ച​ന്ന​പ​ട്ട​ണ​യി​ൽ കു​മാ​ര​സ്വാ​മി​യും മ​ത്സ​രി​ക്കും. അ​തേ​സ​മ​യം, ജെ.​ഡി-​എ​സി​ന്റെ ശ​ക്തി​കേ​ന്ദ്ര​മാ​യ ഹാ​സ​നി​ൽ​നി​ന്ന​ട​ക്കം പാ​ർ​ട്ടി​നേ​താ​ക്ക​ളു​ടെ കൊ​ഴി​ഞ്ഞു​പോ​ക്ക് തു​ട​രു​ക​യാ​ണ്.

സി​റ്റി​ങ് എം.​എ​ൽ.​എ​മാ​രാ​യ കെ.​എ​ൽ. ശി​വ​ലിം​ഗ ഗൗ​ഡ, എ​സ്.​ആ​ർ. ശ്രീ​നി​വാ​സ്, കെ. ​ശ്രീ​നി​വാ​സ് ഗൗ​ഡ എ​ന്നി​വ​ർ കോ​ൺ​ഗ്ര​സി​ലേ​ക്കും എ.​ടി. രാ​മ​സ്വാ​മി ബി.​ജെ.​പി​യി​ലേ​ക്കും മു​ൻ എം.​എ​ൽ.​എ​മാ​രാ​യ മ​ധു ബം​ഗാ​ര​പ്പ, വൈ.​എ​സ്.​വി. ദ​ത്ത എ​ന്നി​വ​ർ കോ​ൺ​ഗ്ര​സി​ലേ​ക്കും ചേ​ക്കേ​റി. നി​ഖി​ൽ ഗൗ​ഡ മ​ത്സ​രി​ക്കു​ന്ന രാ​മ​ന​ഗ​ര​യി​ൽ ജെ.​ഡി-​എ​സി​ന്റെ ജി​ല്ല പ്ര​സി​ഡ​ന്റ് എ​ച്ച്.​എ​സ്. യോ​ഗാ​ന​ന്ദ അ​ട​ക്ക​ം നേ​താ​ക്ക​ൾ കോ​ൺ​ഗ്ര​സി​ൽ ചേ​ർ​ന്നി​രു​ന്നു. സം​സ്ഥാ​ന ജ​ന​റ​ൽ സെ​ക്ര​ട്ട​റി രാ​ജ​ണ്ണ ബി.​ജെ.​പി​യി​ലു​മെ​ത്തി.