കാർ ഫ്ലൈ ഓവറിൽ ഇടിച്ച് വിദ്യാർത്ഥി മരിച്ചു

ഹൈദരാബാദ്: കാർ മേൽപ്പാലത്തിൽ ഇടിച്ച് 19 കാരനായ ബി.ബി.എ വിദ്യാർത്ഥി മരിച്ചു.

ഐ.സി.എഫ്.എ.ഐ സർവകലാശാലയിലെ വിദ്യാർത്ഥിയായ ചരൺ ആണ് മരിച്ചത്.

ബി.എൻ.ആർ ഹിൽസിൽ നിന്ന് മെഹ്ദിപട്ടണത്തുള്ള വീട്ടിലേക്ക് മടങ്ങുകയായിരുന്ന ചരൺ ഓടിച്ച കാർ മർകം ചെരുവിലെ മേൽപ്പാലത്തിൽ ഇടിക്കുകയായിരുന്നു. ചരൺ സംഭവസ്ഥലത്ത് തന്നെ മരിച്ചു.

അമിത വേഗമാണ് അപകട കാരണമെന്ന് പോലീസ് പറഞ്ഞു. കാറിന് സാരമായ കേടുപാടുകൾ സംഭവിച്ചിട്ടുണ്ട്.