സ്​കൂളിൽ നിന്ന്​ പുറത്താക്കിയ വിദ്യാർഥി പ്രിൻസിപ്പലിനെ വെടിവെച്ചു കൊല്ലാൻ ശ്രമിച്ചതായി പരാതി

ബിജ്​നോർ: അതിക്രമം കാണിച്ചതിനെ തുടർന്ന്​ സ്​കൂളിൽ നിന്ന്​ പുറത്താക്കിയതിൽ രോഷം പൂണ്ട വിദ്യാർഥി പ്രിൻസിപ്പലിനെ വെടിവെച്ചു കൊല്ലാൻ ശ്രമിച്ചു. ഉത്തർപ്രദേശിലാണ്​ സംഭവം. 

സ്​കൂളിൽ പ്രശ്​നമുണ്ടാക്കിയതിനെ തുടർന്ന്​  സ്​കൂളിലെ പത്താം തരത്തിൽ പഠിക്കുന്ന വിദ്യാർഥിയെ പുറത്താക്കിയിരുന്നു. മാതാവിനേയും കൂട്ടി സ്​കൂളിലെത്തിയ വിദ്യാർഥി തന്നെ തിരിച്ചെടുക്കണമെന്ന്​ ആവശ്യപ്പെ​െട്ടങ്കിലും പ്രിൻസിപ്പൽ തയ്യാറായിരുന്നില്ല. ഇതേ തുടർന്ന്​ അൽപ സമയത്തിനു ശേഷം സ്​കൂളിൽ തിരിച്ചെത്തിയ വിദ്യാർഥി കൈയ്യിൽ കരുതിയ തോക്കെടുത്ത്​ വെടിയുതിർക്കുകയായിരുന്നു.

പ്രിൻസിപ്പൽ ഒഴിഞ്ഞു മാറിയതിനാൽ​ അദ്ദേഹത്തി​​​െൻറ ചുമലിലാണ്​ വെടിയുണ്ട തറച്ചത്​. പ്രാഥമിക ചികിൽസക്കു ശേഷം പ്രിൻസിപ്പൽ പൊലീസിൽ പരാതി നൽകി. വിദ്യാർഥി ഉടൻ പിടിയിലാവുമെന്ന്​ പൊലീസ്​ പറഞ്ഞു.