ചെന്നൈയിൽ കോളജ്​ വിദ്യാർഥിനി​െയ കുത്തിക്കൊന്നു

ചെ​ന്നൈ: ക്ലാസ്​​ കഴിഞ്ഞ്​ വീട്ടിലേക്ക്​ മടങ്ങിയ രണ്ടാം വർഷ ബി.കോം വിദ്യാർഥിനിയെ യുവാവ്​ ​അതിക്രൂരമായി കൊലപ്പെടുത്തി. ചെന്നൈ കെ.കെ നഗറിലെ മീനാക്ഷി കോളജ്​ വിദ്യാർഥിനി മധുരവോയൽ ധനലക്ഷ്​മി നഗർ സ്വദേശിനി അശ്വിനി മോഹനാണ്​ (20) കു​ത്തേറ്റ്​ മരിച്ചത്​. വെള്ളിയാഴ്​ച ഉച്ചക്ക്​ രണ്ടരക്കാണ്​ സംഭവം. വിദ്യാർഥിനിയെ  ആക്രമിച്ച അഴകേശനെ (25) നാട്ടുകാർ പിടികൂടി പൊലീസിൽ ഏൽപിച്ചു. നാട്ടുകാരുടെ മർദനത്തിൽ ഗുര​ുതരപരിക്കേറ്റ ഇയാൾ​ രാജീവ്​ ഗാന്ധി സർക്കാർ ആശുപ​ത്രിയിൽ ചികിത്സയിലാണ്​.

ബന്ധുക്കളറിയാതെ ഇരുവരും ഫെബ്രുവരി 16ന്​ വിവാഹം കഴിച്ചിരുന്നു. എന്നാൽ, അശ്വിനിയുടെ മാതാവ്​ ശങ്കരി പൊലീസിൽ നൽകിയ പരാതിയെത്തുടർന്ന്​ ബന്ധത്തിൽനിന്ന്​ അശ്വിനി പിന്മാറി. നിർബന്ധിച്ച്​ താലികെട്ടുകയായിരു​െന്നന്ന്​ യുവതി പൊലീസിൽ  മൊഴിനൽകി. തുടർന്ന്​ സ്വന്തം വീട്ടിൽനിന്ന്​ ജാഫർഖാൻ പേട്ടിലുള്ള ബന്ധുക്കളുടെ വീട്ടി​ൽ മാറിത്താമസിക്കുകയായിരുന്നു. അശ്വിനിയെ കാണാൻ വെള്ളിയാഴ്​ച ഉച്ചക്ക്​ സുഹൃത്തിനൊപ്പമാണ്​ അഴകേശൻ എത്തിയത്​. ഇരുവരും തമ്മിൽ തർക്കമുണ്ടാവുകയും നാട്ടുകാർ നോക്കിനിൽക്കെ വസ്​ത്രത്തിനടിയിൽ ഒളിപ്പിച്ചുവെച്ച കത്തിയെടുത്ത്​ അഴകേശൻ അശ്വിനിയുടെ കഴുത്തിലും വയറ്റിലും തുരുതുരാ കുത്തുകയുമായിരുന്നു. 

ആശുപത്രിയിലെത്തിച്ചെങ്കിലും കഴുത്തിനേറ്റ ആഴത്തിലുള്ള മുറിവ്​ മരണകാരണമായി. രക്ഷപ്പെടാൻ ശ്രമിച്ച അഴകേശനെ നാട്ടുകാർ പിടികൂടി മർദിച്ചു കെട്ടിയിട്ടു. തുടർന്ന്​ ​കെ.കെ നഗർ പൊലീസ്​ അറസ്​ചെയ്​ത്​ ആശുപത്രിയിലാക്കി. തിരുവണ്ണാമലൈ സ്വദേശിയായ ഇയാൾ കോളജിന്​ സമീപമുള്ള കുടിവെള്ള വിതരണ കമ്പനി ജീവനക്കാരനാണ്​. അശ്വിനിയുടെ പിതാവ്​ ​േമാഹൻ വർഷങ്ങൾക്കുമുമ്പ്​ മരിച്ചു.