ആ 19കാരി ടെറസിൽനിന്ന്​ വീണ്​ മരിച്ചതല്ല, ന്യൂഇയർ പാർട്ടിക്കിടെ ഉറ്റ സുഹൃത്തുക്കൾ ക്രൂരമായി കൊലപ്പെടുത്തിയതാണ്​...

മുംബൈ: പുതുവത്സരാഘോഷത്തോടനുബന്ധിച്ച്​ അർധരാത്രി നടത്തിയ പാർട്ടിക്കിടെ യുവതി മരിച്ച സംഭവത്തിൽ ഉറ്റ സുഹൃത്തുക്കളായ രണ്ടുപേർ അറസ്റ്റിൽ. മുംബൈ ഖാർ പൊലീസ്​ സ്​റ്റേഷൻ പരിധിയിൽ 19കാരി ജാൻവി കുർകേജ മരിച്ച സംഭവം​ കൊലപാതകമാണെന്ന്​ പൊലീസ്​ വെളിപ്പെടുത്തി. സൈക്കോളജി വിദ്യാർഥിനിയായ ജാൻവിയെ ഏറ്റവുമടുത്ത സുഹൃത്തുക്കളായ ദിയ പദാങ്കറും ശ്രീ ജോഗ്​ദാങ്കറും ചേർന്ന്​ ക്രൂരമായി മർദിച്ചും സ്​റ്റെയർ ​േകസിൽ തലയിടിച്ചും​ കൊലപ്പെടുത്തിയതാണെന്ന്​ പൊലീസ്​ വിശദീകരിച്ചു.

ജാൻവിയുടെ തലയോട്ടിയുടെ മുൻവശത്തും പിന്നിലും ക്ഷതമേറ്റതായി പോസ്റ്റ്​മോർട്ടത്തിൽ തെളിഞ്ഞു. പരിക്കുപറ്റി ഏറെനേരം രക്​തത്തിൽ കുളിച്ചുകിടന്ന മകളെ ആരെങ്കിലും സമയത്ത്​ ​ആശുപത്രിയിലെത്തിച്ചിരുന്നെങ്കിൽ ജീവൻ രക്ഷിക്കാമായിരുന്നുവെന്ന്​ മാതാപിതാക്കൾ പറഞ്ഞു. പിതാവിന്‍റെ ജന്മദിനാഘോഷം കഴിഞ്ഞ്​ മണിക്കൂറുകൾക്കകമാണ്​ ജാൻവിയെ സുഹൃത്തുക്കൾ കൊലപ്പെടുത്തിയത്​.

വീട്ടിൽനിന്ന്​ അവളെ കൂട്ടിപ്പോയത്​ മരണത്തിലേക്ക്​

വ്യാഴാഴ്ച രാത്രി​ 7.30ന്​ പിതാവിന്‍റെ ബർത്ത്​​േഡ ആഘോഷിക്കുന്ന സമയത്ത്​ ദീപയും ജോഗ്​ദാങ്കറും ജാൻവിക്കൊപ്പം അവളുടെ സാന്താക്രൂസിലുള്ള വീട്ടിലുണ്ടായിരുന്നു. കേക്ക്​ മുറിച്ചതിനുശേഷം ഖാറിലെ 14ാംറോഡിലുള്ള ഭഗ്​വൻതി ഹൈറ്റ്​സ്​ എന്ന ഫ്ലാറ്റിൽ നടക്കുന്ന പുതുവർഷ പാർട്ടിക്കായി മൂവരും അ​േങ്ങാട്ടുപോയി. ഈ പാർട്ടിക്കിടെ ദീപയും ജോഗ്​ദാങ്കറും ആരും കാണാതെ പുറത്തേക്ക്​ പോയത്​ ജാൻവിയുടെ ശ്രദ്ധയിൽപെട്ടു. അവരുടെ നീക്കങ്ങൾ അത്ര ശരിയല്ലെന്ന്​ തോന്നിയ​ ജാൻവി അക്കാര്യം ചോദ്യം ചെയ്​തതാണ്​ ഇരുവർക്കും ദേഷ്യം തോന്നാൻ കാരണമെന്ന്​ എഫ്​.ഐ.ആറിൽ പറയുന്നു. ഇതേച്ചൊല്ലി ജാൻവിയുമായി ഇടഞ്ഞ ദീപയും ജോഗ്​ദാങ്കറും അവളെ ആക്രമിക്കുകയായിരുന്നു. ഇതേ തുടർന്നാണ്​ ജാൻവി മരിച്ചത്​.

ബഹുനില കെട്ടിടത്തിന്‍റെ ടെറസിൽനിന്ന്​ താഴേക്ക്​ വീണാണ്​ മരണമെന്നായിരുന്നു തുടക്കത്തിൽ പ്രചരിച്ചിരുന്നത്​. എന്നാൽ, പുലർച്ചെ മൂന്നുമണി​േയാടെ പൊലീസ്​ എത്തു​േമ്പാൾ ഫ്ലാറ്റിന്‍റെ രണ്ടാം നിലയിലെ സ്​റ്റെയർകേസിനോട്​ ​േചർന്ന്​ രക്​തത്തിൽ കുളിച്ച നിലയിലായിരുന്നു ജാൻവി. ഭഗവൻതി ഹൈറ്റ്​സിൽ പാർട്ടി സംഘടിപ്പിച്ച യാഷ്​ അഹൂജ എന്നയാളാണ്​ ഖാർ പൊലീസ്​ സ്​റ്റേഷനിലെത്തി വിവരം പറയുന്നത്​. പൊലീസ്​ എത്തി ബാന്ദ്രയിലെ ഭാഭ ആശുപത്രിയിലെത്തിച്ചെങ്കിലും അതിനുമു​േമ്പ തന്നെ ജാൻവി മരണത്തിന്​ കീഴടങ്ങിയിരുന്നു. ഇതേ തുടർന്നാണ്​ കൊലപാതകക്കുറ്റം ചുമത്തി ദീപയേയും ജോഗ്​ദാങ്കറെയും പൊലീസ്​ അറസ്റ്റ്​ ചെയ്​തത്​.

പാർട്ടിയിൽ 12 പേരടങ്ങിയ സംഘം

ടെറസിന്​ മുകളിൽ സംഘടിപ്പിച്ച പാർട്ടിക്കിടെ താഴേക്ക്​ വീണാണ്​ മരണം സംഭവിച്ചെന്നത്​ ശരിയല്ലെന്ന് ​ജാൻവിയുടെ അടുത്ത സുഹൃത്തുക്കൾ പറഞ്ഞു. 'അവൾ റൂഫ്​ ​േടാപ്പിൽന്ന്​ വീണതല്ല. ക്രൂരമായി മർദിച്ച ശേഷം മുടിയിൽ പിടിച്ച്​ സ്​റ്റെയർകേസിലൂടെ അവളെ രണ്ടാം നില വരെ വലിച്ചിഴക്കുകയായിരുന്നു. പടികളിൽ മുഴുവൻ ചോരപ്പാടുകളാണ്​' -സുഹൃത്തുക്കളിലൊരാൾ പറഞ്ഞു. 12 പേരടങ്ങിയ സുഹൃദ്​ സംഘമാണ്​ ജാൻവി​െക്കാപ്പം പുതുവത്സരാഘോഷത്തിനായി ഭഗവൻതി ഹൈറ്റ്​സിലെത്തിയിരുന്നത്​. ജാൻവിയുടെ മുടി പിടിച്ച്​ സ്​റ്റെയർകേസിലൂടെ വലിച്ചിഴച്ചുവെന്നത്​ ശരിയല്ലെന്നാണ്​ പൊലീസിന്‍റെ വിശദീകരണം.

'പാർട്ടിക്കിടെ ജോഗ്​ദാങ്കർ എല്ലാ പെൺകുട്ടികളോടും അടുത്ത്​ ഇടപഴകുന്നത്​ ജാൻവി ശ്രദ്ധിച്ചിരുന്നു. തുടർന്നാണ്​ പാർട്ടിക്കിടെ ദീപയുമൊത്ത്​ അയാൾ മുങ്ങിയത്​. ഇവരുടെ കള്ളക്കളി​ ജാൻവി കൈയേ​ാടെ പിടിക്കുകയും ചോദ്യം ചെയ്യുകയും ചെയ്​തതാണ്​ വാഗ്വാദത്തിനും പിന്നീട്​ മർദനത്തിനും വഴിയൊരുക്കിയത്​. ദീപയും ജോഗ്​ദാങ്കറും ചേർന്ന്​ ജാൻവിയുടെ തല പലതവണ സ്​റ്റെയർകേസിന്‍റെ കൈവരിയിലിടിച്ചു. നിലത്തുവീണ അവളുടെ തലയിൽ ശക്​തിയായി ചവിട്ടുകയും ചെയ്​തു. തലപൊട്ടി ചോര ശക്​തിയായി ഒഴുകിയിട്ടും ആരും അവളെ തിരിഞ്ഞു​േനാക്കിയില്ല.

പിന്നീട്​ ആ കെട്ടിടത്തിൽനിന്ന്​ പുറത്തുകടന്ന ജോഗ്​ദാങ്കർ സിയോൺ ആ​ശുപത്രിയിൽ ചികിത്സ തേടി. മുഖത്ത്​ നിസാര പരിക്കേറ്റ ദീപ ഹിന്ദുജ ഹോസ്​പിറ്റലിലുമെത്തി.' -ഒരു പൊലീസ്​ ഉദ്യോഗസ്​ഥൻ പറഞ്ഞു. അമിതമായി മദ്യപിച്ചിരുന്നതിനാൽ, നടന്ന കാര്യങ്ങളൊന്നും തങ്ങൾക്ക്​ ഓർമയില്ലെന്നാണ്​ അറസ്റ്റിലായ പ്രതികൾ പറയുന്നതെന്ന്​ ഖാർ പൊലീസ്​ സ​്​റ്റേഷനിലെ സീനിയർ ഇൻസ്​പെക്​ടർ ഗജാനൻ കബ്​ദുലെ പറഞ്ഞു.

'ആരും എന്‍റെ മകളെ രക്ഷിച്ചില്ല'

'എന്‍റെ മക​െള പാർട്ടിക്കായി കൂട്ടിക്കൊണ്ടുപോയ സുഹൃത്തുക്ക​െളാന്നും എന്താണ്​ സംഭവിച്ചതെന്ന്​ പറയാനുള്ള മര്യാദ കാണിച്ചില്ല. എന്‍റെ മകൾ 2.15ന്​ മരിച്ചുവെന്ന്​ എനിക്ക്​ ഫോൺ വന്നത്​ പുലർച്ചെ അഞ്ചു മണിക്കാണ്​. ആരും രക്ഷക്കെത്താതെ എന്‍റെ മകൾ ഏറെ നേരം രക്​തത്തിൽ കുളിച്ചുകിടന്നു. ആരെങ്കിലുമൊന്ന്​ ആ​ശുപത്രിയിൽ എത്തിച്ചിരുന്നെങ്കിൽ എന്‍റെ മോളുടെ ജീവൻ രക്ഷിക്കാമായിരുന്നു' -​ജാൻവിയുടെ മാതാവ്​ നിദ്ദി കുക്​റേജ കണ്ണീരോടെ പറഞ്ഞു. ഇവിടുത്തെ നിയമത്തിലും നീതിന്യായ വ്യവസ്​ഥയിലും എനിക്ക്​ വിശ്വാസമുണ്ട്​. സത്യം മുംബൈ പൊലീസ്​ പുറത്തുകൊണ്ടുവരുമെന്നാണ്​ എന്‍റെ വിശ്വാസം. എന്‍റെ മോൾമിടുക്കിയായിരുന്നു. വിദേശത്ത്​ പഠിക്കാൻ പോവുന്നതിനുള്ള ഒരുക്കങ്ങളിലായിരുന്നു അവൾ. ഇപ്പോൾ അവർ ജീവിച്ചിരിപ്പില്ല. ഇന്നലെ രാത്രി ഞങ്ങളൊന്നിച്ചാണ്​ അവളുടെ പിതാവിന്‍റെ ജന്മദിനം ആ​േഘാഷിച്ചത്​' -തലേദിവസത്തെ പിറന്നാൾ ആഘോഷത്തിന്‍റെ ചിത്രങ്ങളിലേക്ക്​ നോക്കി ഖാർ പൊലീസ്​ സ്​റ്റേഷനു പുറത്ത്​ ആ അമ്മ വാവിട്ട്​ കരഞ്ഞുകൊണ്ടിരുന്നു.