എം.പിമാരുടെയും എം.എൽ.എമാരുടെയും സ്വത്തിൽ വരവിൽ കവിഞ്ഞ വർധന

ന്യൂഡ്യൽഹി: ഏഴ്​ ലോക്​ സഭാ എം.പിമാരുടെയും 98 എം.എൽ.എമാരുടെയും സ്വത്തിൽ വരവിൽ കവിഞ്ഞ വർധനയുണ്ടായിട്ടുണ്ടെന്നും അതിനെ കുറിച്ച്​ അന്വേഷണം നടക്കുകയാണെന്നും​ പ്രത്യക്ഷ നികുതി കേന്ദ്ര ബോർഡ്​ സുപ്രീം കോടതിയിൽ അറിയിച്ചു. 

ചൊവ്വാഴ്​ച സീൽ വെച്ച കവറിൽ ഇവരുടെ പേരു വിവരങ്ങൾ ഹാജരാക്കാമെന്ന്​ നികുതി ബോർഡ്​ അറിയിച്ചു. ആദായ നികുതി വകുപ്പ്​ ഇവർക്കെതിരെ പ്രാഥമികാന്വേഷണം നടത്തിയിട്ടുണ്ട്​. എം.പിമാരുടെ സ്വത്തിൽ വൻ വർധനയും എം.എൽ.എമാരുടെതിൽ ഗണ്യമായ വർധനയും ഉണ്ടായതായി അന്വേഷണത്തിൽ വ്യക്​തമായിട്ടുണ്ടെന്നും ബോർഡ്​ അറിയിച്ചു.

കൂടാത, മറ്റ്​ ഒമ്പത്​ ലോക്​ സഭാ എം.പിമാരുടെയും 11 രാജ്യ സഭാ എം.പിമാരുടെയും 42 എം.എൽ.എമാരുടെയും സ്വത്തുക്കൾ കണക്കാക്കിക്കൊണ്ടിരിക്കുകയാ​െണന്നും പ്രത്യക്ഷ നികുതി ബോർഡ്​ കോടതിയെ അറിയിച്ചു.  

ലക്​നോ ആസ്​ഥാനമാക്കി പ്രവർത്തിക്കുന്ന സന്നദ്ധ സംഘടന ലോക്​ പ്രഹരിയുടെ ആരോപണത്തെ തുടർന്നാണ്​ അ​േന്വഷണം നടത്തിയത്​. തെരഞ്ഞെടുപ്പ്​ സത്യവാങ്​മൂല പ്രകാരം നൽകിയ കണക്കുകളനുസരിച്ച്​​ 26 ലോക്​ സഭ എം.പിമാർക്കും 11 രാജ്യസഭാ എം.പിമാർക്കും 257 എം.എൽ.എ മാർക്കും വരവിൽ കവിഞ്ഞ സ്വത്തുണ്ടെന്നായിരുന്നു ലോക്​ പ്രഹരിയുടെ ആരോപണം.