ആൾക്കൂട്ട ആക്രമണം: റി​േപ്പാർട്ട്​ നൽകാത്ത സംസ്​ഥാനങ്ങൾക്ക്​ സുപ്രീംകോടതിയുടെ താക്കീത്

ന്യൂ​ഡ​ല്‍ഹി: പ​ശു സം​ര​ക്ഷ​ണ​ത്തി​​​െൻറ പേ​രി​ൽ ന​ട​ക്കു​ന്ന ആ​ള്‍ക്കൂ​ട്ട കൊ​ല​പാ​ത​ക​ങ്ങ​ൾ ത​ട​യാ​ൻ സ്വീ​ക​രി​ച്ച ന​ട​പ​ടി​ക​ൾ സം​ബ​ന്ധി​ച്ച്​ റി​പ്പോ​ർ​ട്ട്​ ന​ൽ​കാ​ത്ത സം​സ്​​ഥാ​ന​ങ്ങ​ൾ​ക്കും കേ​ന്ദ്ര​ഭ​ര​ണ പ്ര​ദേ​ശ​ങ്ങ​ൾ​ക്കും സു​പ്രീം​കോ​ട​തി​യു​ടെ താ​ക്കീ​ത്. ഒ​രാ​ഴ്​​ച​ക്ക​കം റി​പ്പോ​ർ​ട്ട്​ ന​ൽ​കി​യി​ല്ലെ​ങ്കി​ൽ ചീ​ഫ്​ സെ​ക്ര​ട്ട​റി​മാ​ർ നേ​രി​ട്ട്​ കോ​ട​തി​യി​ൽ ഹാ​ജ​രാ​യി വി​ശ​ദീ​ക​ര​ണം ബോ​ധി​​പ്പി​ക്കേ​ണ്ടി​വ​രു​മെ​ന്ന്​ കോ​ട​തി വ്യ​ക്ത​മാ​ക്കി. 29 സം​സ്ഥാ​ന​ങ്ങ​ൾ, ഏ​ഴ് കേ​ന്ദ്ര​ഭ​ര​ണ പ്ര​ദേ​ശ​ങ്ങ​ൾ എ​ന്നി​വ​യി​ൽ 11 എ​ണ്ണം മാ​ത്ര​മാ​ണ്​ കോ​ട​തി​യി​ല്‍ റി​പ്പോ​ര്‍ട്ട് സ​മ​ര്‍പ്പി​ച്ച​ത്.

കോ​ണ്‍ഗ്ര​സ് നേ​താ​വാ​യ തെ​ഹ്​​സീ​ന്‍ പൂ​ന​വാ​ല ന​ല്‍കി​യ ഹ​ര്‍ജി പ​രി​ഗ​ണി​ച്ചാ​ണ് ചീ​ഫ്​ ജ​സ്​​റ്റി​സ്​ ദീ​പ​ക്​ മി​ശ്ര, ജ​സ്​​റ്റി​സു​മാ​രാ​യ എ.​എം. ഖാ​ൻ​വി​ൽ​ക​ർ, ഡി.​വൈ. ച​ന്ദ്ര​ചൂ​ഡ്​ എ​ന്നി​വ​ര​ട​ങ്ങി​യ ബെ​ഞ്ചി​​​െൻറ ന​ട​പ​ടി. ജൂ​ലൈ 20ന് ​രാ​ജ​സ്ഥാ​നി​ലെ ക്ഷീ​ര​ക​ര്‍ഷ​ക​നാ​യ റ​ഖ്ബ​ർ ഖാ​ന്‍ ആ​ൾ​ക്കൂ​ട്ട ആ​ക്ര​മ​ണ​ത്തി​ല്‍ കൊ​ല്ല​പ്പെ​ട്ട സം​ഭ​വ​ത്തി​ല്‍ കോ​ട​തി വി​ധി ന​ട​പ്പാ​ക്കു​ന്ന​തി​ല്‍ വീ​ഴ്ച​വ​രു​ത്തി​യ സം​സ്ഥാ​ന ചീ​ഫ്​ സെ​ക്ര​ട്ട​റി​യും പൊ​ലീ​സ്​ മേ​ധാ​വി​യു​മ​ട​ക്ക​മു​ള്ള ഉ​ദ്യോ​ഗ​സ്​​ഥ​ര്‍ക്കെ​തി​രെ കോ​ട​തി​യ​ല​ക്ഷ്യ ന​ട​പ​ടി​ക​ള്‍ സ്വീ​ക​രി​ക്ക​ണ​മെ​ന്ന് ആ​വ​ശ്യ​പ്പെ​ട്ടാ​ണ്​ ഹ​ര്‍ജി.

ആ​ൾ​ക്കൂ​ട്ട ആ​ക്ര​മ​ണ​ങ്ങ​ള്‍ ത​ട​യ​ു​ന്ന​തി​ന്​ നി​യ​മ നി​ര്‍മാ​ണ​ത്തി​​​െൻറ സാ​ധ്യ​ത​ക​ള്‍ പ​രി​ശോ​ധി​ക്കാ​ന്‍ മ​ന്ത്രി​ത​ല സ​മി​തി​യെ നി​യോ​ഗി​ച്ചി​ട്ടു​ണ്ടെ​ന്ന് കേ​ന്ദ്ര​സ​ര്‍ക്കാ​ര്‍ സു​പ്രീം​കോ​ട​തി​യെ അ​റി​യി​ച്ചു. ആ​ൾ​ക്കൂ​ട്ടം നി​യ​മം കൈ​യി​ലെ​ടു​ക്കു​ന്ന​തി​ൽ പ​ര​മോ​ന്ന​ത കോ​ട​തി ക​ടു​ത്ത ആ​ശ​ങ്ക പ്ര​ക​ടി​പ്പി​ച്ചി​രു​ന്നു. ഓ​രോ സം​സ്ഥാ​ന​ങ്ങ​ളി​ലും ജി​ല്ല​ക​ള്‍ കേ​ന്ദ്രീ​ക​രി​ച്ച് പ്ര​ത്യേ​ക ദൗ​ത്യ​സേ​ന രൂ​പ​വ​ത്​​ക​രി​ക്ക​ണ​മെ​ന്ന് കോ​ട​തി നി​ർ​ദേ​ശി​ച്ചി​ട്ടു​ണ്ട്. ജി​ല്ല പൊ​ലീ​സ് മേ​ധാ​വി​യു​ടെ റാ​ങ്കി​ല്‍ കു​റ​യാ​ത്ത പൊ​ലീ​സ് ഉ​ദ്യോ​ഗ​സ്ഥ​നാ​യി​രി​ക്ക​ണം ഇ​തി​ന് മേ​ല്‍നോ​ട്ടം വ​ഹി​ക്കേ​ണ്ട​ത്. ആ​ള്‍ക്കൂ​ട്ട കൊ​ല​പാ​ത​ക​ങ്ങ​ള്‍ ഉ​ണ്ടാ​കാ​ൻ സാ​ധ്യ​ത​യു​ള്ള പ്ര​ദേ​ശ​ങ്ങ​ളു​ടെ വി​വ​ര​ങ്ങ​ള്‍ ശേ​ഖ​രി​ക്ക​ണം.

വി​ദ്വേ​ഷ പ്ര​സം​ഗ​ങ്ങ​ള്‍, പ്ര​കോ​പ​ന​പ​ര​മാ​യ പ്ര​സ്താ​വ​ന​ക​ള്‍, വ്യാ​ജ വാ​ര്‍ത്ത​ക​ള്‍ എ​ന്നി​വ ത​ട​യാ​ന്‍ ന​ട​പ​ടി സ്വീ​ക​രി​ക്ക​ണ​മെ​ന്നും കോ​ട​തി ആ​വ​ശ്യ​പ്പെ​​ട്ടി​രു​ന്നു. ഇ​തി​നു​ശേ​ഷ​വും രാ​ജ്യ​ത്തി​​​െൻറ വി​വി​ധ ഭാ​ഗ​ങ്ങ​ളി​ൽ ആ​ൾ​ക്കൂ​ട്ട ആ​ക്ര​മ​ണ​ങ്ങ​ൾ റി​പ്പോ​ർ​ട്ട്​ ചെ​യ്​​ത സാ​ഹ​ച​ര്യ​ത്തി​ലാ​ണ്​ സു​പ്രീം​കോ​ട​തി ക​ർ​ശ​ന നി​ല​പാ​ട്​ സ്വീ​ക​രി​ച്ച​ത്.