മഅ്​ദനിക്ക്​ കേരളത്തിലേക്ക്​ വരാൻ സുപ്രീംകോടതി അനുമതി

ന്യൂ​ഡ​ൽ​ഹി: ജാ​മ്യം കി​ട്ടി എ​ട്ടു​വ​ർ​ഷ​ത്തി​നു​ശേ​ഷം പി.​ഡി.​പി ചെ​യ​ർ​മാ​ൻ അ​ബ്ദു​ന്നാ​സി​ർ മ​അ്ദ​നി​യെ കേ​ര​ള​ത്തി​ലേ​ക്ക് പോ​കാ​ൻ സു​പ്രീം​കോ​ട​തി അ​നു​വ​ദി​ച്ചു. സു​പ്രീം​കോ​ട​തി കേ​സ് വീ​ണ്ടും പ​രി​ഗ​ണി​ക്കു​ന്ന ജൂ​ലൈ 10 വ​രെ മൂ​ന്നു​മാ​സ​ത്തോ​ളം ക​ർ​ണാ​ട​ക പൊ​ലീ​സി​ന്റെ നി​രീ​ക്ഷ​ണ​ത്തി​ൽ മ​അ്ദ​നി​ക്ക് കേ​ര​ള​ത്തി​ൽ ക​ഴി​യാ​മെ​ന്ന് ജ​സ്റ്റി​സ് അ​ജ​യ് ര​സ്തോ​ഗി അ​ധ്യ​ക്ഷ​നാ​യ ബെ​ഞ്ച് വ്യ​ക്ത​മാ​ക്കി. കേ​ര​ള​ത്തി​ലേ​ക്കു​ള്ള യാ​ത്രാ​ചെ​ല​വി​നു​പു​റ​മെ ത​ന്റെ നി​രീ​ക്ഷ​ണ​ത്തി​നു​​വ​രു​ന്ന ക​ർ​ണാ​ട​ക പൊ​ലീ​സി​ന്റെ ചെ​ല​വും മ​അ്ദ​നി വ​ഹി​ക്ക​ണം. ബം​ഗ​ളൂ​രു സ്ഫോ​ട​ന​ക്കേ​സി​ന്റെ അ​ന്തി​മ വി​ധി പ്ര​സ്താ​വ​ന​ക്കാ​യി അ​തി​നി​ട​ക്ക് മ​അ്ദ​നി​യെ ഹാ​ജ​രാ​​ക്കേ​ണ്ട​തു​ണ്ടെ​ങ്കി​ൽ പ്ര​ത്യേ​ക അ​പേ​ക്ഷ സ​മ​ർ​പ്പി​ക്കാ​ൻ സു​പ്രീം​കോ​ട​തി ക​ർ​ണാ​ട​ക സ​ർ​ക്കാ​റി​നോ​ട് ആ​വ​ശ്യ​പ്പെ​ട്ടു.

ക​ർ​ണാ​ട​ക സ​ർ​ക്കാ​റി​ന്റെ ക​ടു​ത്ത എ​തി​ർ​പ്പു​ക​ളും പ​ല വ്യാ​ജ ആ​രോ​പ​ണ​ങ്ങ​ളും ത​ള്ളി​യാ​ണ് സു​പ്രീം​കോ​ട​തി അ​ഭി​ഭാ​ഷ​ക​ൻ അ​ഡ്വ. ഹാ​രി​സ് ബീ​രാ​ൻ മു​ഖേ​ന സ​മ​ർ​പ്പി​ച്ച മ​അ്ദ​നി​യു​ടെ അ​പേ​ക്ഷ ബെ​ഞ്ച് അം​ഗീ​ക​രി​ച്ച​ത്. വി​ചാ​ര​ണ ക​ഴി​ഞ്ഞ​തി​നാ​ലും ചി​കി​ത്സ​ക്കും പി​താ​വി​നെ കാ​ണാ​നു​മാ​ണ് കേ​ര​ള​ത്തി​ലേ​ക്ക് പോ​കാ​ൻ മ​അ്ദ​നി അ​നു​വാ​ദം തേ​ടി​യ​ത്. മ​അ്ദ​നി​യു​ടെ മ​ക​ൻ അ​ഡ്വ. സ്വ​ലാ​ഹു​ദ്ദീ​ൻ അ​യ്യൂ​ബി​യും ഡ​ൽ​ഹി​യി​ലെ​ത്തി​യി​രു​ന്നു. എ​ട്ടു​വ​ർ​ഷം മു​മ്പ് ജാ​മ്യം അ​നു​വ​ദി​ച്ച​പ്പോ​ൾ സു​പ്രീം​കോ​ട​തി ത​ന്നെ മു​ന്നോ​ട്ടു​വെ​ച്ച ബം​ഗ​ളൂ​രു വി​ട്ടു​പോ​ക​രു​തെ​ന്ന ജാ​മ്യ വ്യ​വ​സ്ഥ​യി​ൽ ഇ​തി​നാ​യി ഇ​ള​വ് വ​രു​ത്തു​ക​യാ​യി​രു​ന്നു. മ​അ്ദ​നി​യു​ടെ ചെ​ല​വി​ൽ നി​രീ​ക്ഷ​ണ​ത്തി​നാ​യി ക​ർ​ണാ​ട​ക പൊ​ലീ​സി​​നോ​ട് അ​ക​മ്പ​ടി പോ​കാ​ൻ ജ​സ്റ്റി​സ് ര​സ്തോ​ഗി നി​ർ​ദേ​ശി​ച്ച​പ്പോ​ൾ കൂ​ടു​ത​ൽ പേ​രെ അ​യ​ക്ക​രു​തെ​ന്ന് മ​അ്ദ​നി​ക്കു​വേ​ണ്ടി ഹാ​ജ​രാ​യ മു​തി​ർ​ന്ന സു​പ്രീം​കോ​ട​തി അ​ഭി​ഭാ​ഷ​ക​ൻ ക​പി​ൽ സി​ബ​ൽ ബോ​ധി​പ്പി​ച്ചു. ആ​ദ്യം ര​ണ്ടാ​ഴ്ച​യും പി​ന്നീ​ട് നാ​ലാ​ഴ്ച​യും കേ​ര​ള​ത്തി​ൽ ക​ഴി​യാ​ൻ സ​മ​യം അ​നു​വ​ദി​ച്ച സു​പ്രീം​കോ​ട​തി, കേ​സ് വീ​ണ്ടും പ​രി​ഗ​ണി​ക്കു​ന്ന​ത് അ​വ​ധി ക​ഴി​ഞ്ഞ് മ​തി​യെ​ന്ന് ക​ർ​ണാ​ട​ക സ​ർ​ക്കാ​ർ അ​ഭി​ഭാ​ഷ​ക​ൻ ബോ​ധി​പ്പി​ച്ച​പ്പോ​ൾ എ​ങ്കി​ൽ അ​തു​വ​രെ മ​അ്ദ​നി കേ​ര​ള​ത്തി​ൽ ക​ഴി​യ​ട്ടെ എ​ന്ന് നി​ല​പാ​ടെ​ടു​ത്തു.

കേ​സ് വി​ചാ​ര​ണ പൂ​ർ​ത്തി​യാ​യി അ​ന്തി​മ​വാ​ദ​ത്തി​ലാ​ണെ​ന്നും അ​ന്തി​മ വി​ധി​ക്കാ​യി മ​അ്ദ​നി​യെ ബം​ഗ​ളൂ​രു​വി​ലേ​ക്ക് കൊ​ണ്ടു​വ​രേ​ണ്ടി​വ​രു​മെ​ന്നും ക​ർ​ണാ​ട​ക അ​ഭി​ഭാ​ഷ​ക​ൻ വാ​ദി​ച്ചു.

അ​ത്ത​ര​മൊ​രു ആ​വ​ശ്യം വ​ന്നാ​ൽ സു​പ്രീം​കോ​ട​തി​ക്ക് അ​പേ​ക്ഷ ന​ൽ​കി​യാ​ൽ മ​തി​യെ​ന്ന് ജ​സ്റ്റി​സ് അ​ജ​യ് ര​സ്തോ​ഗി ക​ർ​ണാ​ട​ക​യോ​ട് നി​ർ​ദേ​ശി​ച്ചു. എ​ന്തി​നാ​ണ് പ്ര​ത്യേ​ക അ​പേ​ക്ഷ ന​ൽ​കു​ന്ന​തെ​ന്ന ക​ർ​ണാ​ട​ക​യു​ടെ ചോ​ദ്യ​ത്തി​ന്, അ​പേ​ക്ഷ ന​ൽ​കി​യാ​ൽ മ​തി​യെ​ന്ന് ജ​സ്റ്റി​സ് ര​സ്തോ​ഗി ആ​വ​ർ​ത്തി​ച്ചു.