ഹാഥറസ്​:കുടുംബത്തിനും സാക്ഷികൾക്കും സംരക്ഷണം നൽകണം; സംഭവം ഞെട്ടിച്ചുവെന്ന്​ സുപ്രീംകോടതി

ന്യൂഡല്‍ഹി: ഹാഥറസ് കേസ് ഞെട്ടല്‍ ഉളവാക്കുന്നതും അതി ഭീകരവുമായ സംഭവമായിരുന്നുവെന്ന്​ സുപ്രീം കോടതി. ഞെട്ടലുളവാക്കിയ സംഭവമായതു​െകാണ്ടാണ്​ കേസ്​ അടിയന്തരമായി പരിഗണിച്ചതെന്ന്​ അറിയിച്ച ചീഫ്​ ജസ്​റ്റിസ്​ എസ്​.എ ബോബ്​ഡെ പെൺകുട്ടിയുടെ കുടുംബത്തിന്​ എല്ലാ നിയമസഹായങ്ങളും നൽകുമെന്നും ഉറപ്പു നൽകി.

കേസില്‍ സുഗമമായ അന്വേഷണം ഉറപ്പാക്കണം. പെൺകുട്ടിയുടെ കുടുംബത്തിനും കേസിലെ സാക്ഷികള്‍ക്ക് സുരക്ഷ ഉറപ്പാക്കണം. ഇവർക്ക്​ സുരക്ഷ ഉറപ്പാക്കാൻ യു.പി സര്‍ക്കാർ കൈകൊണ്ട നടപടികളു​െട വിശദാംശങ്ങള്‍ സത്യവാങ്മൂലത്തിലൂടെ അറിയിക്കാൻ കോടതി നിർദേശിച്ചു. കേസിനെ സംബന്ധിച്ച് കോടതി മേല്‍നോട്ടത്തില്‍ ഉള്ള അന്വേഷണത്തിന് ഉത്തരവിടണമെന്നും ചീഫ് ജസ്റ്റിസ് എസ്.എ.ബോബ്ഡെയുടെ അധ്യക്ഷനായ ബെഞ്ച്​ യു.പി. സര്‍ക്കാറിനോട്​ ആവശ്യപ്പെട്ടു.കോടതി മേൽനോട്ടത്തിൽ സി.ബി.ഐ അന്വേഷണമോ, എസ്.ഐ.ടി അന്വേഷണമോ വേണമെന്ന് ആവശ്യപ്പെട്ട് നൂറോളം അഭിഭാഷകരാണ്​ സുപ്രീംകോടതിയെ സമീപിച്ചത്​.

കേസിലെ സാക്ഷികള്‍ക്ക് സുരക്ഷ ഉറപ്പിക്കിയിട്ടുണ്ടെന്ന് ഉത്തര്‍പ്രദേശ് സര്‍ക്കാരിന് വേണ്ടി ഹാജരായ സോളിസിറ്റര്‍ ജനറല്‍ തുഷാര്‍ മേത്ത കോടതിയെ അറിയിച്ചു. എന്നാല്‍ ഇതിൻെറ വിശദാംശങ്ങൾ ഒരാഴ്​ചക്കുള്ളിൽ സത്യവാങ്മൂലത്തിലൂടെ കൈമാറാന്‍ ചീഫ് ജസ്റ്റിസ് നിര്‍ദേശിച്ചു. ഇരയുടെ കുടുംബത്തിന് പ്രത്യേക അഭിഭാഷക സഹായം ആവശ്യമാണോ എന്നും അറിയിക്കണം. അഭിഭാഷക​െൻറ സേവനം കുടുംബം ആവശ്യമെങ്കിൽ പേര് നിർദേശിച്ചാൽ പരിഗണിക്കുമെന്നും സുപ്രീം കോടതി അറിയിച്ചു.

കേസ്​ അലഹബാദ്​ ഹൈകോടതിയിൽ നിന്നും മാറ്റണമെന്ന വനിത സംഘടനയുടെ ആവശ്യത്തെ ചീഫ്​ ജസ്​റ്റിസ്​ തള്ളി. ഹൈകോടതിയുടെ നടപടികൾ നിരീക്ഷിക്കുന്നുണ്ട്​. കേസുമായി ബന്ധപ്പെട്ട് ​ൈഹകോടതി എന്തെങ്കിലും തെറ്റ്​ വരുത്തുകയാണെങ്കിൽ വിചാരണ മാറ്റാമെന്നും ചീഫ്​ ജസ്​റ്റിസ്​ അറിയിച്ചു.

പെണ്‍കുട്ടി ബലാത്സംഗത്തിന് വിധേയമായിട്ടില്ലെന്ന് വ്യക്തമാക്കി ഉത്തര്‍പ്രദേശ് സര്‍ക്കാര്‍ സുപ്രീം കോടതിയില്‍ സത്യവാങ്മൂലം സമര്‍പ്പിച്ചിരുന്നു. സാമുദായിക സംഘർഷം ഒഴിവാക്കാന്‍ പെണ്‍കുട്ടിയുടെ മാതാപിതാക്കളെ അനുമതിയോടെയാനണ്​ രാത്രി തന്നെ മൃതദേഹം സംസ്‌കരിച്ചതെന്നും സത്യവാങ്മൂലത്തില്‍ വിശദീകരിച്ചിരുന്നു. യു.പി സർക്കാറിന്​ വേണ്ടി സോളിസിറ്റർ ജനറൽ തുഷാർ മേത്തയാണ്​ ഹാജരായത്​. ഹാഥറസ്​ സംഭവുമായി ബന്ധപ്പെട്ട ഹരജികള്‍ സുപ്രീംകോടതി അടുത്ത ആഴ്ച പരിഗണിക്കും.