ആധാറില്ലാത്തവർ ജീവനോടെയില്ലെന്നാണോ​? കേ​ന്ദ്രത്തോട്​ സുപ്രീംകോടതി

ന്യൂഡൽഹി: ആധാറില്ലാത്തവരെ ജീവനോടെയില്ലാത്തവരായാണോ കേന്ദ്ര സർക്കാർ കണക്കാക്കുന്നതെന്ന്​ സുപ്രീംകോടതി. രാത്രിസ​േങ്കതത്തിൽ പ്രവേശനത്തിന്​ രേഖയായി ആധാർ ആവശ്യപ്പെട്ട സംഭവത്തിലാണ്​​ ജസ്​റ്റിസ്​ മദൻ ബി. ലോകുർ അധ്യക്ഷനായ ബെഞ്ച്​ ശക്​തമായി പ്രതികരിച്ചത്​. വിഷയത്തിൽ വിശദീകരണം നൽകാൻ വിളിച്ചുവരുത്തിയ ഉത്തർപ്രദേശ്​ ചീഫ്​ സെക്രട്ടറിയും അഡീഷനൽ സോളിസിറ്റർ ജനറൽ തുഷാർ മേത്തയും പക്ഷേ, ഇതിനെ ന്യായീകരിച്ചു. രാത്രിസ​േങ്കതങ്ങൾ ഉപയോഗപ്പെടുത്തണമെങ്കിൽ ആളെ തെളിയിക്കുന്ന രേഖ വേണമെന്നും രേഖയായി ആധാർ കാർഡ്​ ചോദിക്കാറുണ്ടെന്നുമായിരുന്നു മറുപടി. എങ്കിൽ ആധാറില്ലാത്തവരെക്കുറിച്ച്​ എന്തുപറയുന്നുവെന്നായി കോടതി. താൻ യുനീക്​ ​െഎഡൻറിറ്റി അതോറിറ്റിക്കു വേണ്ടിയല്ല ഹാജരായതെന്നും ആധാർവിഷയത്തിൽ പ്രതികരിക്കാനാവില്ലെന്നും അഡീഷനൽ സോളിസിറ്റർ ജനറൽ പ്രതികരിച്ചു. 

രാജ്യത്ത്​ എത്ര പേർ ആധാർ രജിസ്​ട്രേഷൻ പൂർത്തിയാക്കിയെന്ന കോടതിയുടെ ചോദ്യത്തിന്​ 90 കോടി പേരെന്നാണ്​ കേന്ദ്രത്തി​​​െൻറ അവകാശവാദമെന്ന്​ അഡ്വ. പ്രശാന്ത്​ഭൂഷൺ പറഞ്ഞു. സ്വന്തമായി വിലാസം പോലുമില്ലാത്തവർ എങ്ങനെ ആധാർ സംഘടിപ്പിക്കുമെന്ന്​ ചീഫ്​ സെക്രട്ടറിയോട്​ വീണ്ടും കോടതി ചോദിച്ചു. വീട്ടിൽ നിന്ന്​ പുറന്തള്ളപ്പെടുന്നവരോടും ആധാർ നിർബന്ധമാക്കുമോ എന്ന ചോദ്യത്തിന്​ രേഖയാണ്​ വേണ്ടതെന്നും ആധാർ തന്നെ വേണമെന്നില്ലെന്നും ചീഫ്​ സെക്രട്ടറി തിരുത്തിയെങ്കിലും കോടതി തൃപ്​തമായില്ല. വിഷയത്തിൽ ന്യായമായ മാനദണ്ഡങ്ങൾക്ക്​ കേന്ദ്രസർക്കാർ സംസ്​ഥാനങ്ങളുമായി ചർച്ച നടത്തണമെന്ന്​ നിർദേശിച്ചു. ​
രാത്രിസ​േങ്കതങ്ങളുടെ ലഭ്യതക്കുറവ്​, അതിനായി നീക്കിവെച്ച ഫണ്ട്​ ദുരുപയോഗം ചെയ്യൽ എന്നിവ സംബന്ധിച്ച്​ നൽകിയ പൊതുതാൽപര്യഹരജി പരിഗണിക്കവെയാണ്​ നിരീക്ഷണം.