കേന്ദ്രത്തോട് കടുപ്പിച്ച് സുപ്രീംകോടതി കൊളീജിയം; 'ശിപാർശകൾ അംഗീകരിക്കുന്നത് വൈകിപ്പിക്കരുത്'

ന്യൂ​ഡ​ൽ​ഹി: ത​ങ്ങ​ൾ ശി​പാ​ർ​ശ ചെ​യ്യു​ന്ന​വ​രി​ൽ ചി​ല​രെ തെ​ര​ഞ്ഞെ​ടു​ത്ത് ജ​ഡ്ജി​മാ​രാ​ക്കു​ക​യും മ​റ്റു ചി​ല​രെ പ​രി​ഗ​ണി​ക്കാ​തി​രി​ക്കു​ക​യും ചെ​യ്യു​ന്ന കേ​ന്ദ്ര സ​ർ​ക്കാ​റി​നെ സു​പ്രീം​കോ​ട​തി കൊ​ളീ​ജി​യം അ​തി​രൂ​ക്ഷ​മാ​യി വി​മ​ർ​ശി​ച്ചു. കേ​​ന്ദ്ര ന​ട​പ​ടി അ​ങ്ങേ​യ​റ്റം ആ​ശ​ങ്ക സൃ​ഷ്ടി​ക്കു​ന്ന​താ​ണെ​ന്ന് ചീ​ഫ് ജ​സ്റ്റി​സ് ഡി.​വൈ. ച​ന്ദ്ര​ചൂ​ഡ്, മു​തി​ർ​ന്ന സു​പ്രീം​കോ​ട​തി ജ​ഡ്ജി​മാ​രാ​യ ജ​സ്റ്റി​സ് സ​ഞ്ജ​യ് കി​ഷ​ൻ കൗ​ൾ, ജ​സ്റ്റി​സ് കെ.​എം ജോ​സ​ഫ് എ​ന്നി​വ​ര​ട​ങ്ങു​ന്ന കൊ​ളീ​ജി​യം ഓ​ർ​മി​പ്പി​ച്ചു. ആ​ർ. ശ​ക്തി​വേ​ൽ, പി. ​ധ​ന​ബ​ൽ, ചി​ന്ന​സ്വാ​മി കു​മ്പ​റ​പ്പ​ൻ, കെ. ​രാ​ജ​ശേ​ഖ​ര​ൻ എ​ന്നി​വ​രെ മ​ദ്രാ​സ് ഹൈ​കോ​ട​തി ജ​ഡ്ജി​മാ​രാ​ക്കാ​നു​ള്ള പു​തി​യ ശി​പാ​ർ​ശ​യി​ലാ​ണ് കൊ​ളീ​ജി​യ​ത്തി​ന്റെ വി​മ​ർ​ശ​നം.

വി​ദ്വേ​ഷ പ്ര​ചാ​ര​ണ​ത്തി​ലൂ​ടെ വി​വാ​ദ​ത്തി​ലാ​യ ബി.​ജെ.​പി മ​ഹി​ള മോ​ർ​ച്ച നേ​താ​വ് വി​ക്ടോ​റി​യ ഗൗ​രി​യെ ജ​ഡ്ജി​യാ​ക്കി​യ മ​ദ്രാ​സ് ഹൈ​കോ​ട​തി​യി​ൽ അ​വ​ർ​ക്ക് മു​മ്പെ ജ​ഡ്ജി​യാ​ക്കാ​ൻ കൊ​ളീ​ജി​യം ശി​പാ​ർ​ശ ചെ​യ്ത ജോ​ൺ സ​ത്യ​ത്തെ നി​യ​മി​ക്കാ​ൻ ത​യാ​റാ​കാ​ത്ത സാ​ഹ​ച​ര്യ​ത്തി​ലാ​ണ് ഒ​രു ഇ​ട​വേ​ള​ക്ക് ശേ​ഷം കൊ​ളീ​ജി​യം കേ​ന്ദ്ര സ​ർ​ക്കാ​റി​നെ​തി​രെ വീ​ണ്ടും വി​മ​ർ​ശ​ന​വു​മാ​യി വ​ന്ന​ത്. ജ​നു​വ​രി 17ന് ​ശി​പാ​ർ​ശ ആ​വ​ർ​ത്തി​ച്ചി​ട്ടും ജോ​ൺ സ​ത്യം എ​ന്ന ഹൈ​കോ​ട​തി അ​ഭി​ഭാ​ഷ​ക​നെ മ​ദ്രാ​സ് ഹൈ​കോ​ട​തി​യി​ൽ ജ​ഡ്ജി​യാ​യി നി​യ​മി​ക്കാ​ൻ കേ​ന്ദ്രം ത​യാ​റാ​യി​ല്ലെ​ന്ന് കൊ​ളീ​ജി​യം ചൊ​വ്വാ​ഴ്ച​ത്തെ പ്ര​മേ​യ​ത്തി​ൽ വി​മ​ർ​ശി​ച്ചു. ജോ​ൺ സ​ത്യ​ത്തി​ന്റെ ശി​പാ​ർ​ശ ആ​വ​ർ​ത്തി​ച്ച​​പ്പോ​ൾ അ​ദ്ദേ​ഹ​ത്തെ ആ​ദ്യം നി​യ​മി​ച്ച ശേ​ഷ​മേ അ​തേ പ്ര​മേ​യ​ത്തി​ലു​ള്ള മ​റ്റു​ള്ള​വ​രെ നി​യ​മി​ക്കാ​വൂ എ​ന്ന് പ്ര​ത്യേ​കം നി​ർ​ദേ​ശി​ച്ച​താ​ണ്. എ​ന്നാ​ൽ, ഇ​ത് അ​വ​ഗ​ണി​ച്ച് അ​തി​ന് ശേ​ഷ​മു​ള്ള വി​ക്ടോ​റി​യ ഗൗ​രി അ​ട​ക്ക​മു​ള്ള​വ​രു​ടെ നി​യ​മ​നം കേ​ന്ദ്രം ന​ട​ത്തി. പ്ര​ധാ​ന​മ​ന്ത്രി​യെ വി​മ​ർ​ശി​ക്കു​ന്ന ലേ​ഖ​നം പ​ങ്കു​വെ​ച്ചു​വെ​ന്ന കാ​ര​ണം പ​റ​ഞ്ഞാ​യി​രു​ന്നു ജോ​ൺ സ​ത്യ​ത്തെ ജ​ഡ്ജി​യാ​ക്കാ​നു​ള്ള ആ​ദ്യ ശി​പാ​ർ​ശ കേ​ന്ദ്ര സ​ർ​ക്കാ​ർ എ​തി​ർ​ത്ത​ത്. എ​ന്നാ​ൽ, കേ​​ന്ദ്ര​ത്തി​ന്റെ എ​തി​ർ​പ്പ് ത​ള്ളി ജോ​ൺ സ​ത്യം ജ​ഡ്ജി​യാ​കാ​ൻ ഏ​റ്റ​വും അ​നു​യോ​ജ്യ​നാ​ണെ​ന്ന് വ്യ​ക്ത​മാ​ക്കി കൊ​ളീ​ജി​യം ശി​പാ​ർ​ശ ആ​വ​ർ​ത്തി​ച്ചു. എ​ന്നി​ട്ടും നി​യ​മ​ന​ത്തി​ന് കേ​ന്ദ്രം ത​യാ​റാ​കാ​ത്ത സാ​ഹ​ച​ര്യ​ത്തി​ലാ​ണ് ചൊ​വ്വാ​ഴ്ച പു​തു​താ​യി നാ​ലു പേ​രെ ജ​ഡ്ജി​മാ​രാ​യി നി​യ​മി​ക്കാ​ൻ ശി​പാ​ർ​ശ ചെ​യ്ത് കൊ​ളീ​ജി​യം ത​യാ​റാ​ക്കി​യ പു​തി​യ പ്ര​മേ​യ​ത്തി​ൽ ആ​ദ്യ​ത്തെ ശി​പാ​ർ​ശ​ക​ൾ ന​ട​പ്പാ​ക്കാ​ത്ത​തു​കൂ​ടി പ​രാ​മ​ർ​ശി​ച്ച​ത്.

നേ​ര​ത്തെ ശി​പാ​ർ​ശ ചെ​യ്ത​വ​രെ നി​യ​മി​ക്കാ​തെ അ​തി​ന് ശേ​ഷ​മു​ള്ള ശി​പാ​ർ​ശ​ക​ളി​ൽ നി​യ​മ​നം ന​ട​ത്തു​മ്പോ​ൾ ജ​ഡ്ജി​മാ​രു​ടെ സീ​നി​യോ​റി​റ്റി​യെ ബാ​ധി​ക്കു​മെ​ന്ന് കൊ​ളീ​ജി​യം വ്യ​ക്ത​മാ​ക്കി. ശേ​ഷം വ​ന്ന​വ​ർ ആ​ദ്യം ശി​പാ​ർ​ശ ചെ​യ്യ​പ്പെ​ട്ട​വ​രേ​ക്കാ​ൾ മു​ന്നെ ക​ട​ന്നു​പോ​കും.

മ​ദ്രാ​സ് ഹൈ​കോ​ട​തി​യി​ൽ അ​ഭി​ഭാ​ഷ​ക​നാ​യ രാ​മ​സ്വാ​മി നീ​ല​ക​ണ്ഠ​നെ ഹൈ​കോ​ട​തി ജ​ഡ്ജി​യാ​ക്കാ​ൻ ഈ ​വ​ർ​ഷം ജ​നു​വ​രി 17ന് ​ശി​പാ​ർ​ശ ചെ​യ്ത​തും കൊ​ളീ​ജി​യം ചൂ​ണ്ടി​ക്കാ​ട്ടി. പ്രാ​യ​ത്തി​ൽ പ​ഴ​യ ശി​പാ​ർ​ശ​യി​ലെ രാ​മ​സ്വാ​മി​യേ​ക്കാ​ൾ താ​ഴെ​യാ​ണ് പു​തി​യ ശി​പാ​ർ​ശ​യി​ലെ രാ​ജ​ശേ​ഖ​ർ. ജ​നു​വ​രി 31ന് ​രാ​മ​സ്വാ​മി​ക്ക് 48 വ​യ​സ്സും ഏ​ഴു മാ​സ​വും പൂ​ർ​ത്തി​യാ​യ​പ്പോ​ൾ കെ. ​രാ​ജ​ശേ​ഖ​റി​ന് 47 വ​യ​സ്സും ഒ​മ്പ​ത് മാ​സ​വു​മാ​ണ് പ്രാ​യം. അ​തി​നാ​ൽ കെ. ​രാ​ജ​ശേ​ഖ​റി​നെ നി​യ​മി​ക്കു​ന്ന​തി​നു മു​മ്പ് രാ​മ​സ്വാ​മി​യെ നി​യ​മി​ക്ക​ണ​മെ​ന്ന് കൊ​ളീ​ജി​യം ശി​പാ​ർ​ശ ചെ​യ്തു. ഇ​ത്ത​ര​ത്തി​ൽ സീ​നി​യോ​റി​റ്റി ന​ഷ്ട​പ്പെ​ടു​ത്തു​ന്ന​ത് അ​നീ​തി​യാ​ണെ​ന്നും കോ​ട​തി​യു​ടെ കീ​ഴ്വ​ഴ​ക്ക​ത്തി​നെ​തി​രാ​ണെ​ന്നും കൊ​ളീ​ജി​യം കൂ​ട്ടി​ച്ചേ​ർ​ത്തു.