അടക്കൂ, വി​ദ്വേ​ഷ വാ​യ​; വിദ്വേഷ കുറ്റകൃത്യങ്ങൾക്കെതിരെ അ​ടി​യ​ന്ത​ര ഇ​ട​ക്കാ​ല ഉ​ത്ത​ര​വുമായി സുപ്രീംകോടതി

ന്യൂ​ഡ​ൽ​ഹി​: രാ​ജ്യ​ത്ത് വി​ദ്വേ​ഷ കു​റ്റ​കൃ​ത്യ​ങ്ങ​ൾ വ​ർ​ധി​ക്കു​ന്ന​തി​ൽ ന​ടു​ക്കം പ്ര​ക​ടി​പ്പി​ച്ച സു​പ്രീം​കോ​ട​തി അ​വ ആ​വ​ർ​ത്തി​ക്കാ​തി​രി​ക്കു​ന്ന​തി​ന് അ​ടി​യ​ന്ത​ര ഇ​ട​ക്കാ​ല ഉ​ത്ത​ര​വ് പു​റ​പ്പെ​ടു​വി​ച്ചു. പൗ​ര​ന്മാ​രു​ടെ മൗ​ലി​കാ​വ​കാ​ശ​ങ്ങ​ൾ​​ക്കൊ​പ്പം രാ​ജ്യ​ത്തി​ന്റെ മ​തേ​ത​ര ജ​നാ​ധി​പ​ത്യ​സ്വ​ഭാ​വ​വും സം​ര​ക്ഷി​ക്കേ​ണ്ട ഉ​ത്ത​ര​വാ​ദി​ത്തം സു​പ്രീം​കോ​ട​തി​ക്കു​ണ്ടെ​ന്നും വി​വി​ധ മ​ത ജാ​തി​ക​ളി​ൽ​പ്പെ​ട്ട​വ​ർ സൗ​ഹാ​ർ​ദ​​ത്തോ​ടെ ക​ഴി​ഞ്ഞി​ല്ലെ​ങ്കി​ൽ മ​തേ​ത​ര രാ​ജ്യ​മാ​യ ഇ​ന്ത്യ​യി​ൽ സാ​ഹോ​ദ​ര്യ​മു​ണ്ടാ​വി​ല്ലെ​ന്നും ബെ​ഞ്ച് ഓ​ർ​മ​പ്പെ​ടു​ത്തി. രാ​ജ്യ​ത്ത് മു​സ്‍ലിം ന്യൂ​ന​പ​ക്ഷ​ത്തി​നെ​തി​രെ വ്യാ​പി​ക്കു​ന്ന വി​ദ്വേ​ഷ കു​റ്റ​കൃ​ത്യ​ങ്ങ​ൾ ത​ട​യാ​ൻ സു​പ്രീം​കോ​ട​തി നി​ർ​ദേ​ശം ന​ൽ​ക​ണ​മെ​ന്നാ​വ​ശ്യ​പ്പെ​ട്ട് ശ​ഹീ​ൻ അ​ബ്ദു​ല്ല സ​മ​ർ​പ്പി​ച്ച ഹ​ര​ജി​യി​ലാ​ണ് ന​ട​പ​ടി.

വി​ദ്വേ​ഷ കു​റ്റ​കൃ​ത്യ​ങ്ങ​ൾ​ക്കെ​തി​രെ അ​ധി​കാ​രി​ക​ൾ ന​ട​പ​ടി​യെ​ടു​ക്കു​ന്നി​ല്ലെ​ന്ന പ​രാ​തി ഗൗ​ര​വ​ത​ര​മാ​ണെ​ന്ന് വി​ല​യി​രു​ത്തി​യാ​ണ് ജ​സ്റ്റി​സു​മാ​രാ​യ കെ.​എം. ജോ​സ​ഫ്, ഋ​ഷി​കേ​ശ് റോ​യ് എ​ന്നി​വ​ര​ട​ങ്ങു​ന്ന ബെ​ഞ്ച് ഇ​ട​ക്കാ​ല വി​ധി പു​റ​പ്പെ​ടു​വി​ച്ച​ത്. സു​പ്രീം​കോ​ട​തി മു​മ്പാ​കെ​യു​ള്ള വി​ദ്വേ​ഷ പ്ര​സം​ഗ​ങ്ങ​ൾ​ക്കെ​തി​രാ​യ കേ​സു​ക​ളി​ൽ എ​തി​ർ​ക​ക്ഷി​ക​ളാ​യ ഡ​ൽ​ഹി, ഉ​ത്ത​ർ​പ്ര​ദേ​ശ്, ഉ​ത്ത​രാ​ഖ​ണ്ഡ് തു​ട​ങ്ങി​യ സം​സ്ഥാ​ന​ങ്ങ​ൾ ഈ ​വി​ഷ​യ​ത്തി​ൽ ഇ​തു​വ​രെ സ്വീ​ക​രി​ച്ച ന​ട​പ​ടി​ക​ളു​ടെ ത​ൽ​സ്ഥി​തി റി​പ്പോ​ർ​ട്ട് സ​മ​ർ​പ്പി​ക്ക​ണ​മെ​ന്ന് ഉ​ത്ത​ര​വി​ൽ പ​റ​യു​ന്നു.

മേ​ലി​ൽ വി​ദ്വേ​ഷ​പ്ര​സം​ഗ​ങ്ങ​ൾ ന​ട​ന്നാ​ൽ ആ​രു​ടെ​യും പ​രാ​തി​ക്ക് കാ​ത്തു​നി​ൽ​ക്കാ​തെ ഇ​ന്ത്യ​ൻ ശി​ക്ഷാ നി​യ​മം 153എ, 153​ബി, 295എ, 506 ​തു​ട​ങ്ങി​യ ഇ​ന്ത്യ​ൻ ശി​ക്ഷാ​നി​യ​മ​ത്തി​ലെ വി​വി​ധ വ​കു​പ്പു​ക​ൾ പ്ര​കാ​രം പൊ​ലീ​സ് സ്വ​മേ​ധ​യാ കേ​സ് ര​ജി​സ്റ്റ​ർ ചെ​യ്ത് കു​റ്റ​കൃ​ത്യ​ത്തി​ന്റെ സ്വ​ഭാ​വ​മ​നു​സ​രി​ച്ചു​ള്ള ക്രി​മി​ന​ൽ ന​ട​പ​ടി​ക്ര​മ​ങ്ങ​ളു​മാ​യി മു​ന്നോ​ട്ടു​പോ​ക​ണം. ഈ ​നി​ർ​ദേ​ശ​പ്ര​കാ​രം വി​ദ്വേ​ഷ​പ്ര​സം​ഗ​ങ്ങ​ൾ​ക്കെ​തി​രെ ന​ട​പ​ടി എ​ടു​ക്കാ​ൻ വി​മു​ഖ​ത കാ​ണി​ച്ചാ​ൽ കോ​ട​തി​യ​ല​ക്ഷ്യ​മാ​യി ക​ണ്ട് ഉ​ത്ത​ര​വാ​ദി​ക​ളാ​യ ഉ​ദ്യോ​ഗ​സ്ഥ​ർ​ക്കെ​തി​രെ ന​ട​പ​ടി​യെ​ടു​ക്കും. ന​ട​പ​ടി​യെ​ടു​ക്കാ​ൻ ഡ​ൽ​ഹി, ഉ​ത്ത​ർ​പ്ര​ദേ​ശ്, ഉ​ത്ത​രാ​ഖ​ണ്ഡ് സ​ർ​ക്കാ​റു​ക​ൾ ആ​വ​ശ്യ​മാ​യ നി​ർ​ദേ​ശ​ങ്ങ​ൾ ന​ൽ​ക​ണ​മെ​ന്നും കോ​ട​തി വ്യ​ക്ത​മാ​ക്കി.

രാ​ജ്യ​ത്ത് വി​ദ്വേ​ഷ അ​ന്ത​രീ​ക്ഷം രൂ​പ​പ്പെ​ട്ടു​വ​രു​ന്ന​തി​നെ​തി​രെ​യാ​ണ് ഹ​ര​ജി​യെ​ന്ന് ജ​സ്റ്റി​സ് ജോ​സ​ഫ് അ​ധ്യ​ക്ഷ​നാ​യ ബെ​ഞ്ച് ചൂ​ണ്ടി​ക്കാ​ട്ടി. ''ഭ​ര​ണ​ഘ​ട​ന​യു​ടെ 51എ ​പ്ര​കാ​രം ശാ​സ്ത്രാ​വ​ബോ​ധം വി​ക​സി​പ്പി​ക്കേ​ണ്ട​വ​രാ​ണ് ന​മ്മ​ൾ.

മ​ത​ത്തി​ന്റെ പേ​രി​ൽ എ​വി​ടെ​യാ​ണ് ന​മ്മ​ൾ എ​ത്തി​യി​രി​ക്കു​ന്ന​ത്? ഇ​ത് ദു​ര​ന്ത​പൂ​ർ​ണ​മാ​ണ്''- ജ​സ്റ്റി​സ് ജോ​സ​ഫ് നി​രീ​ക്ഷി​ച്ചു. ഭാ​ര​തം ഒ​രു മ​തേ​ത​ര രാ​ജ്യ​മാ​ണെ​ന്നും സാ​​ഹോ​ദ​ര്യം ഓ​രോ വ്യ​ക്തി​യു​ടെ​യും അ​ന്ത​സ്സ് ഉ​റ​പ്പു​വ​രു​ത്തു​മെ​ന്നു​മാ​ണ് ഇ​ന്ത്യ​ൻ ഭ​ര​ണ​ഘ​ട​ന വി​ഭാ​വ​നം ചെ​യ്യു​ന്ന​ത്. ഐ​ക്യ​വും അ​ഖ​ണ്ഡ​ത​യും ഭ​ര​ണ​ഘ​ട​ന​യു​ടെ മാ​ർ​ഗ​നി​ർ​ദേ​ശ​ക ത​ത്ത്വ​ങ്ങ​ളാ​ണ്. വി​വി​ധ മ​ത ജാ​തി​ക​ളി​ൽ​പ്പെ​ട്ട​വ​ർ സൗ​ഹാ​ർ​ദ​​ത്തോ​ടെ ക​ഴി​ഞ്ഞി​ല്ലെ​ങ്കി​ൽ മ​തേ​ത​ര രാ​ജ്യ​മാ​യ ഇ​ന്ത്യ​യി​ൽ സാ​ഹോ​ദ​ര്യ​മു​ണ്ടാ​വി​ല്ല.

ജ​സ്റ്റി​സ് അ​ജ​യ് ര​സ്തോ​ഗി അ​ധ്യ​ക്ഷ​നാ​യ ബെ​ഞ്ച് വ്യാ​ഴാ​ഴ്ച ജ​സ്റ്റി​സ് ജോ​സ​ഫ് അ​ധ്യ​ക്ഷ​നാ​യ ബെ​ഞ്ചി​ന് കൈ​മാ​റി​യ ഹ​ര​ജി അ​ടി​യ​ന്ത​ര​മാ​യി പ​രി​ഗ​ണി​ക്ക​ണ​മെ​ന്ന് മു​തി​ർ​ന്ന അ​ഭി​ഭാ​ഷ​ക​ൻ ക​പി​ൽ സി​ബ​ൽ വെ​ള്ളി​യാ​ഴ്ച ആ​വ​ശ്യ​പ്പെ​ടു​ക​യാ​യി​രു​ന്നു. പ​രാ​തി​ക​ൾ ആ​വ​ർ​ത്തി​ച്ചി​ട്ടും വി​ദ്വേ​ഷ പ്ര​സം​ഗ​ങ്ങ​ൾ​ക്കെ​തി​രെ ഒ​രു ന​ട​പ​ടി​യു​മെ​ടു​ത്തി​ല്ലെ​ന്ന് ക​പി​ൽ സി​ബ​ൽ ബോ​ധി​പ്പി​ച്ചു. ഇ​ത് രേ​ഖ​പ്പെ​ടു​ത്തി​യ ബെ​ഞ്ച്, പൗ​ര​ന്മാ​രു​ടെ മൗ​ലി​കാ​വ​കാ​ശ​ങ്ങ​ൾ​​ക്കൊ​പ്പം രാ​ജ്യ​ത്തി​ന്റെ മ​തേ​ത​ര ജ​നാ​ധി​പ​ത്യ സ്വ​ഭാ​വ​വും സം​ര​ക്ഷി​ക്കേ​ണ്ട ഉ​ത്ത​ര​വാ​ദി​ത്തം സു​പ്രീം​കോ​ട​തി​ക്കു​ണ്ടെ​ന്ന് പ്ര​തി​ക​രി​ച്ചു. തു​ട​ർ​ന്നാ​ണ് ഇ​ട​ക്കാ​ല ഉ​ത്ത​ര​വ് പു​റ​പ്പെ​ടു​വി​ച്ച​ത്.