'സ്റ്റാളുകളും കസേരകളും നീക്കാൻ ബുൾഡോസർ വേണോ'

ന്യൂ​ഡ​ൽ​ഹി: സ്റ്റാ​ളു​ക​ളും ക​സേ​ര​ക​ളും മേ​ശ​ക​ളും ​പെ​ട്ടി​ക​ളും നീ​ക്കം ചെ​യ്യാ​ൻ ബു​ൾ​ഡോ​സ​ർ വേ​ണോ എ​ന്ന്​ സോ​ളി​സി​റ്റ​ർ ജ​ന​റ​ൽ തു​ഷാ​ർ മേ​ത്ത​യോ​ട്​ സു​പ്രീം​കോ​ട​തി. ഇ​തൊ​ന്നും നീ​ക്കം ചെ​യ്യാ​ൻ നോ​ട്ടീ​സ്​ ന​ൽ​കേ​ണ്ട​തി​ല്ലെ​ന്ന് മേ​ത്ത വാ​ദി​ച്ച​പ്പോ​ഴാ​ണ്​ കോ​ട​തി പ​രാ​മ​ർ​ശം. ജ​ഹാം​ഗീ​ർ​പു​രി​യി​ൽ നോ​ട്ടീ​സ്​ ന​ൽ​കാ​തെ​യാ​ണ്​ കെ​ട്ടി​ട​ങ്ങ​ൾ പൊ​ളി​ച്ചു​നീ​ക്കി​യ​തെ​ന്ന്​ ഹ​ര​ജി​ക്കാ​ർ വാ​ദി​ച്ച​തി​ന്​ മ​റു​പ​ടി ന​ൽ​കു​ക​യാ​യി​രു​ന്നു മേ​ത്ത. ബി.​ജെ.​പി ഭ​രി​ക്കു​ന്ന വ​ട​ക്ക​ൻ ഡ​ൽ​ഹി മു​നി​സി​പ്പ​ൽ കൗ​ൺ​സി​ലി​ന്​ വേ​ണ്ടി​യാ​ണ് തു​ഷാ​ർ മേ​ത്ത ഹാ​ജ​രാ​യ​ത്.

സ്റ്റാ​ളു​ക​ളും ക​സേ​ര​ക​ളും ​പെ​ട്ടി​ക​ളും മാ​ത്ര​മാ​ണോ ബു​ധ​നാ​ഴ്ച കോ​ർ​പ​റേ​ഷ​ൻ നീ​ക്കം ചെ​യ്ത​തെ​ന്ന്​ ജ​സ്റ്റി​സ്​ നാ​ഗേ​ശ്വ​ര റാ​വു ചോ​ദി​ച്ചു. പൊ​തു​നി​ര​ത്തി​ലും ഫു​ട്​​പാ​ത്തി​ലു​മു​ള്ള കൈ​യേ​റ്റ​ങ്ങ​ളെ​ല്ലാം നീ​ക്കിയെ​ന്നാ​യി​രു​ന്നു മേ​ത്ത​യു​ടെ മ​റു​പ​ടി. കെ​ട്ടി​ട​ങ്ങ​ൾ പൊ​ളി​ക്കു​ന്ന​തി​ന്​ മു​ന്നോ​ടി​യാ​യി നോ​ട്ടീ​സ്​ ന​ൽ​കി​യെ​ന്നും മേ​ത്ത അ​വ​കാ​ശ​പ്പെ​ട്ടു. നി​യ​മ​ത്തി​ന്‍റെ വ​ഴി​യി​ൽ ത​ന്നെ കാ​ര്യ​ങ്ങ​ൾ ചെ​യ്യ​ണ​മെ​ന്ന്​ ജ​സ്റ്റി​സ്​ ഗ​വാ​യ്​ ചൂ​ണ്ടി​ക്കാ​ട്ടി.

പൊ​ളി​ച്ച കെ​ട്ടി​ട​ങ്ങ​ളു​ടെ ഉ​ട​മ​ക​ൾ​ക്ക്​ നോ​ട്ടീ​സ്​ ന​ൽ​കി​യി​ട്ടി​ല്ലെ​ന്ന് അ​വ​ർ​ക്കു​ വേ​ണ്ടി ഹാ​ജ​രാ​യ സ​ഞ്ജ​യ്​ ഹെ​ഗ്​​ഡെ പ​റ​ഞ്ഞു. കെ​ട്ടി​ട​ങ്ങ​ൾ പൊ​ളി​ക്കു​ന്ന​ത്​ മ​ത​ത്തി​ന്‍റെ അ​ടി​സ്ഥാ​ന​ത്തി​ല​ല്ലെ​ന്ന്​ മേ​ത്ത വാ​ദി​ച്ചു. ഡ​ൽ​ഹി​യി​ൽ പൊ​ളി​ച്ച കെ​ട്ടി​ട​ങ്ങ​ളു​ടെ സ​മു​ദാ​യം തി​രി​ച്ചു​ള്ള ക​ണ​ക്ക്​ പ​റ​യാ​തി​രു​ന്ന അ​ദ്ദേ​ഹം, മ​ധ്യ​പ്ര​ദേ​ശി​ലെ ഖ​ർ​ഗോ​നി​ൽ പൊ​ളി​ച്ച കെ​ട്ടി​ട​ങ്ങ​ളി​ൽ 88 എ​ണ്ണം ഹി​ന്ദു​ക്ക​ളു​ടേ​തും 22 എ​ണ്ണം മു​സ്​​ലിം​ക​ളു​ടേ​തു​മാ​ണെ​ന്നും ബോ​ധി​പ്പി​ച്ചു.