ഗുജറാത്ത് പൊലീസിനും ഹൈകോടതിക്കും സുപ്രീംകോടതി വിമർശനം

ന്യൂ​ഡ​ൽ​ഹി: പ​റ​ഞ്ഞ​ത് ഇ​ഷ്ട​മാ​യി​ല്ലെ​ങ്കി​ലും അ​ഭി​പ്രാ​യ​സ്വാ​ത​ന്ത്ര്യം സം​ര​ക്ഷി​ക്കാ​ൻ ജ​ഡ്ജി​മാ​ർ ബാ​ധ്യ​സ്ഥ​രാ​ണെ​ന്ന് സു​പ്രീം​കോ​ട​തി രാ​ജ്യ​ത്തെ കോ​ട​തി​ക​ളെ ഓ​ർ​മി​പ്പി​ച്ചു. അ​ഭി​പ്രാ​യ​സ്വാ​ത​ന്ത്ര്യം അ​ര​ക്കി​ട്ടു​റ​പ്പി​ക്കു​ന്ന നി​ർ​ണാ​യ​ക വി​ധി​യി​ൽ സ​മൂ​ഹ​മാ​ധ്യ​മ​ത്തി​ൽ ക​വി​ത പ​ങ്കു​വെ​ച്ച​തി​ന് ഉ​ർ​ദു ക​വി​യും കോ​ൺ​ഗ്ര​സ് രാ​ജ്യ​സ​ഭാം​ഗ​വു​മാ​യ ഇം​റാ​ൻ പ്ര​താ​പ്ഗ​ഡി​ക്കെ​തി​രെ ഗു​ജ​റാ​ത്ത് പൊ​ലീ​സ് ഫ​യ​ൽ ചെ​യ്ത ക്രി​മി​ന​ൽ കേ​സ് റ​ദ്ദാ​ക്കി​യാ​ണ് സു​പ്രീം​കോ​ട​തി​യു​ടെ ഓ​ർ​മ​പ്പെ​ടു​ത്ത​ൽ. ക​വി​ത പ​ങ്കു​വെ​ച്ച​തി​ന് കേ​സ് എ​ടു​ത്ത ഗു​ജ​റാ​ത്ത് പൊ​ലീ​സി​നെ​യും റ​ദ്ദാ​ക്കാ​ൻ വി​സ​മ്മ​തി​ച്ച ഗു​ജ​റാ​ത്ത് ഹൈ​കോ​ട​തി​യെ കൂ​ടി വി​മ​ർ​ശി​ച്ചാ​ണ് ജ​സ്റ്റി​സ​ു​മാ​രാ​യ അ​ഭ​യ് എ​സ്. ഓ​ക ഉ​ജ്ജ​ൽ ഭു​യാ​ൻ എ​ന്നി​വ​ര​ട​ങ്ങു​ന്ന ബെ​ഞ്ചി​ന്റെ വി​ധി.

അ​ഭി​പ്രാ​യ സ്വാ​ത​ന്ത്ര്യം അ​ന്തസ്സാ​ർ​ന്ന ജീ​വി​ത​ത്തി​ന്

സ്വ​ത​ന്ത്ര​മാ​യ അ​ഭി​പ്രാ​യ പ്ര​ക​ട​ന​വും ചി​ന്ത​യും പ​രി​ഷ്‍കൃ​ത സ​മൂ​ഹ​ത്തി​ന്റെ അ​വി​ഭാ​ജ്യ​ഘ​ട​ക​മാ​ണെന്ന് കോടതി പറഞ്ഞു. ഇ​തി​ല്ലാ​തെ ഭ​ര​ണ​ഘ​ട​ന​യു​ടെ 21-ാം അ​നു​​ച്ഛേ​ദം ഉ​റ​പ്പ് ന​ൽ​കു​ന്ന അ​ന്ത​സ്സാ​ർ​ന്ന ജീ​വി​തം ന​യി​ക്കാ​ൻ സാ​ധ്യ​മ​ല്ല. ആ​രോ​ഗ്യ​ക​ര​മാ​യ ജ​നാ​ധി​പ​ത്യ​ത്തി​ൽ ഒ​രു വ്യ​ക്തി​യോ സം​ഘ​മോ പ്ര​ക​ടി​പ്പി​ച്ച അ​ഭി​പ്രാ​യ​ങ്ങ​ളെ​യും കാ​ഴ്ച​പ്പാ​ടു​ക​ളെ​യും മ​റ്റൊ​രു കാ​ഴ്ച​പ്പാ​ടു​കൊ​ണ്ടാ​ണ് നേ​രി​ടേ​ണ്ട​ത്. ഒ​രാ​ളു​ടെ കാ​ഴ്പ്പാ​ടി​നെ ഭൂ​രി​പ​ക്ഷ​ത്തി​നും ഇ​ഷ്ട​പ്പെ​ട്ടി​ല്ലെ​ങ്കി​ൽ പോ​ലും ത​ന്റെ അ​ഭി​പ്രാ​യം പ്ര​ക​ടി​പ്പി​ക്കാ​നു​ള്ള ആ ​വ്യ​ക്തി​യു​ടെ അ​വ​കാ​ശം മാ​നി​ക്കു​ക​യും സം​ര​ക്ഷി​ക്കു​ക​യും ചെ​യ്യ​ണം.

ക​വി​ത​യും നാ​ട​ക​വും സ്റ്റേ​ജ് ഷോ​ക​ളും ആ​ക്ഷേ​പ​ഹാ​സ്യ​വും ക​ല​യു​മെ​ല്ലാ​മാ​ണ് മ​നു​ഷ്യ​ജീ​വി​ത​ത്തെ അ​ർ​ഥ​പൂ​ർ​ണ​മാ​ക്കു​ന്ന​ത്. അ​തി​നാ​ൽ കോ​ട​തി​ക​ൾ ഇ​ന്ത്യ​ൻ ഭ​ര​ണ​ഘ​ട​ന ഉ​റ​പ്പു​ന​ൽ​കു​ന്ന അ​വ​കാ​ശ​ങ്ങ​ൾ ന​ട​പ്പാ​ക്കാ​ൻ ബാ​ധ്യ​സ്ഥ​രാ​ണെ​ന്നും ഭ​ര​ണ​ഘ​ട​ന​യു​ടെ 19(2) അ​നു​ച്ഛേ​ദം അ​നു​വ​ദി​ക്കു​ന്ന അ​ഭി​പ്രാ​യ സ്വാ​ത​ന്ത്ര്യ​ത്തി​നു മേ​ൽ 19(1) അ​നു​ച്ഛേ​ദം നി​ഴ​ൽ വീ​ഴ്ത്ത​രു​തെ​ന്നും കോ​ട​തി ഓ​ർ​മി​പ്പി​ച്ചു.