വോ​ട്ടു​കണക്കിലെ ഒളിച്ചുകളി; ക​മീ​ഷ​ന് നിർദേശം നൽകണമെന്ന ഹരജിയിൽ ഇടപെടാതെ സുപ്രീംകോടതി

ന്യൂഡൽഹി: ലോക്സഭ തെരഞ്ഞെടുപ്പിന്‍റെ ഓരോ ഘട്ടത്തിലും പോൾ ചെയ്ത വോട്ടുകളുടെ മണ്ഡലംതല കണക്കുകൾ പുറത്തുവിടാതെ ഒളിച്ചുകളിക്കുന്ന തെരഞ്ഞെടുപ്പ് കമീഷന്‍റെ നിലപാടിനെതിരായ ഹരജികൾ പരിഗണിക്കാതെ സുപ്രീംകോടതി. വോട്ട് കണക്കുകൾ പുറത്തുവിടാൻ കേന്ദ്ര തെരഞ്ഞെടുപ്പ് കമീഷന് നിർദേശം നൽകണമെന്നാവശ്യപ്പെട്ടുള്ള ഹരജിയിൽ സുപ്രീംകോടതി ഇടപെടാൻ വിസമ്മതിച്ചു. വിഷയം തെരഞ്ഞെടുപ്പിന് ശേഷം പരിഗണിക്കാമെന്ന് കോടതി പറഞ്ഞു.

ജസ്റ്റിസ് ദീപാങ്കർ ദത്ത, ജസ്റ്റിസ് സതീഷ് ചന്ദ്ര ശർമ എന്നിവരുടെ ബെഞ്ചാണ് ഹരജി പരിഗണിച്ചത്. അസോസിയേഷൻ ഫോർ ഡെമോക്രാറ്റിക് റിഫോംസ് (എ.ഡി.ആർ) ആണ് ഹരജിക്കാർ. ബൂത്തുതല വോട്ട് കണക്ക് വോട്ടെടുപ്പ് പൂർത്തിയായി 48 മണിക്കൂറിനകം പുറത്തുവിടാൻ കമീഷന് നിർദേശം നൽകണമെന്നായിരുന്നു ഹരജിക്കാരുടെ ആവശ്യം.

വോ​ട്ടു ക​ഴി​ഞ്ഞ് ദി​വ​സ​ങ്ങ​ൾ പി​ന്നി​ട്ടി​ട്ടും ഓ​രോ മ​ണ്ഡ​ല​ത്തി​ലും ചെ​യ്ത വോ​ട്ടു​ക​ളു​ടെ എ​ണ്ണം പു​റ​ത്തു​വി​ടാ​ൻ തെ​ര​ഞ്ഞെ​ടു​പ്പ് ക​മീ​ഷ​ൻ തയാറായിട്ടില്ല. എ​ല്ലാ മ​ണ്ഡ​ല​ങ്ങ​ളി​ലും പോ​ൾ ചെ​യ്ത വോ​ട്ടു​ക​ളു​ടെ എ​ണ്ണം വോ​ട്ടു​യ​ന്ത്ര​ത്തി​ലെ ക​ണ​ക്കു​മാ​യി ഒ​ത്തു​നോ​ക്കാ​നു​ള്ള 17 സി ​ഫോ​റ​ത്തി​ലെ വി​വ​രം പു​റ​ത്തു​വി​ട​ണ​മെ​ന്ന ആ​വ​ശ്യ​മു​യ​ർ​ന്ന​ിരുന്നു. വി​വി​ധ മ​ണ്ഡ​ല​ങ്ങ​ളി​ൽ പ്ര​സ്തു​ത ഫോ​റ​ത്തി​ൽ രേ​ഖ​പ്പെ​ടു​ത്തി​യ വോ​ട്ടു​ക​ളു​ടെ എ​ണ്ണം ആ​ഴ്ച​ക​ളാ​യി​ട്ടും വെ​ളി​പ്പെ​ടു​ത്താ​ത്ത ക​മീ​ഷ​ന്റെ ന​ട​പ​ടി വ​ലി​യ പ്ര​തി​ഷേ​ധ​ത്തി​നി​ട​യാ​ക്കി​യി​രി​ക്കു​ക​യാ​ണ്.

ആദ്യ രണ്ട് ഘട്ടത്തിലെ വോട്ടിങ് കണക്കുകൾ 11ഉം 14ഉം ദിവസം പിന്നിട്ട ശേഷമാണ് പ്രസിദ്ധീകരിച്ചതെന്ന് എ.ഡി.ആർ ഹരജിയിൽ ചൂണ്ടിക്കാട്ടി.