അർണബിൻെറ ആവശ്യങ്ങൾ ഇത്തിരി കൂടിപ്പോയെന്ന്​ സുപ്രീംകോടതി

ന്യൂഡൽഹി: തനിക്കും റിപ്പബ്ലിക്​ ടിവിക്കുമെതിരായ കേസുകൾ റദ്ദാക്കണമെന്നാവശ്യപ്പെട്ട്​ അർണബ്​ ഗോസ്വാമി സമർപ്പിച്ച ഹരജിയിലെ ആവശ്യങ്ങൾ അതിമോഹമാണെന്ന്​​ സുപ്രീം കോടതി. നേരത്തെ, കുടിശ്ശിക കൊടുക്കാത്തതിനാൽ ഇൻറീരിയർ ഡിസൈനർ ആത്മഹത്യ ചെയ്​ത കേസിൽ അർണബ്​ ഗ്വോസാമിക്ക്​ അതിവേഗം ജാമ്യം നൽകിയ സുപ്രീംകോടതി ബെഞ്ച്​ തന്നെയാണ്​​ ഇത്തവണ ഹരജിയിലെ ആവശ്യങ്ങൾ അതിമോഹമാണെന്ന്​ ചൂണ്ടികാട്ടിയതും. മറ്റു പല കേസുകളിലും ജാമ്യ ഹരജി പരിഗണിക്കാൻ തന്നെ കോടതി മടിക്കു​േമ്പാൾ പ്രത്യേക താൽപര്യമെടുത്ത്​ അർണബിന്​ ജാമ്യം നൽകിയത്​ പലരുടെയും പരിഹാസത്തിനിടയാക്കിയിരുന്നു. കേസുകൾ സി.ബി.ഐക്ക്​ കൈമാറണം, റിപ്പബ്ലിക്​ ടിവി ജീവനക്കാർക്ക്​ സുരക്ഷ ഏർ​െപ്പടുത്തണം തുടങ്ങിയ ആവശ്യങ്ങൾ അടങ്ങിയ പുതിയ ഹരജി പിൻവലിക്കുന്നതാണ്​ നല്ലതെന്ന്​ ജസ്​റ്റിസ്​ ഡി.വൈ ചന്ദ്രചൂഡ്​ അധ്യക്ഷനായ ബെഞ്ച്​ പറഞ്ഞു​.

അർണബ്​ ഇപ്പോൾ നൽകിയ ഹരജിയിലെ ആവ​ശ്യങ്ങളെല്ലാം അതിമോഹങ്ങളാണെന്ന്​ ജ.​ ചന്ദ്രചൂഡ്​ പറഞ്ഞു. ഹരജിയുടെ സ്വഭാവംതന്നെ അതിമോഹമാണ്​. ഒരു ജീവനക്കാരനെയും മഹാരാഷ്​ട്ര പൊലീസ്​ അറസ്​റ്റ്​ ചെയ്യരുതെന്നും കേസ്​ സി.ബി.​െഎക്ക്​ മാറ്റണമെന്നുമൊക്കെയാണ്​ ആവശ്യങ്ങളെന്ന​ും ഹരജി പിൻവലിക്കുകയാണ്​ നല്ലതെന്നും അദ്ദേഹത്തി​െൻറ അഭിഭാഷകൻ മിലിന്ദ്​ സാഥെയോട്​ ജ.​ ചന്ദ്രചൂഡ്​ പറഞ്ഞു.

പൊലീസിനെതിരെ കലാപത്തിന്​ ​പ്രേരിപ്പിച്ചതിനും ടി.ആർ.പി റേറ്റിങ്ങിൽ കൃത്രിമ​ത്തം നടത്തിയതിനും അർണബിനും റിപ്പബ്ലിക്​ ടിവിക്കുമെതിരെ മഹാരാഷ്​ട്രയിൽ കേസുകളുണ്ട്​.