വാരണാസിയിലെ മോദിയുടെ തെരഞ്ഞെടുപ്പ്​ റദ്ദാക്കണമെന്ന മുൻ ജവാ​െൻറ ഹരജി സുപ്രീം കോടതി തള്ളി

ന്യൂഡൽഹി: വാരണാസിയിൽ നിന്ന്​ ​പ്രധാനമന്ത്രി നരേന്ദ്ര മോദിയുടെ തെരഞ്ഞെടുപ്പ്​ ചോദ്യം ചെയ്​ത്​ മുൻ ബോർഡർ സെക്യൂരിറ്റി ഫോഴ്​സ്​ (ബി.എസ്​.എഫ്​)​ ജവാൻ നൽകിയ ഹരജി സുപ്രീം കോടതി തള്ളി.

ബി.എസ്​.എഫിൽ നിന്ന്​ പുറത്താക്കപ്പെട്ട തേജ്​ ബഹദൂർ യാദവായിരുന്നു മോദിയുടെ തെരഞ്ഞെടുപ്പ്​ റദ്ദാക്കണമെന്നാവശ്യപ്പെട്ട്​ കോടതിയെ സമീപിച്ചത്​. മോദിക്കെതിരെ ഉത്തർപ്രദേശിലെ വാരണാസിയിൽ നിന്ന്​ തേജ്​ ബഹദൂർ മത്സരിക്കാൻ ഒരുങ്ങിയിരുന്നെങ്കിലും രേഖകൾ കൃത്യമല്ലെന്ന്​ കാണിച്ച്​ തെരഞ്ഞെടുപ്പ്​ കമീഷൻ പത്രിക തള്ളിയിരുന്നു.

ചിലരുടെ സമ്മര്‍ദത്തിനു വഴങ്ങിയാണു പത്രിക തള്ളിയതെന്നും ​െതരഞ്ഞെടുപ്പ് റദ്ദാക്കി വീണ്ടും ​നടത്തണമെന്നും ആവശ്യപ്പെട്ടാണു ഹരജി നല്‍കിയിരുന്നത്. ചീഫ്​ ജസ്​റ്റിസ്​ എസ്​.എ ബോബ്​ഡെ, ജസ്​റ്റിസ്​ എ.എസ്​. ബൊപ്പണ്ണ, ജസ്​റ്റിസ്​ വി. രാമസുബ്രഹ്മണ്യൻ എന്നിവരടങ്ങിയ​ ബെഞ്ചാണ്​ ബഹദൂറി​െൻറ ഹരജി തള്ളിയ അലഹാബാദ്​ ഹൈകോടതി വിധി ശരിവെച്ചത്​.

സൈന്യത്തില്‍നിന്നു പുറത്താക്കിയതിനെ കുറിച്ചുള്ള ചോദ്യത്തിനു നല്‍കിയ മറുപടിയിലെ പെരുത്തക്കേടുകൾ ചുണ്ടിക്കാട്ടിയാണ്​ ഹരജി തള്ളിയത്​. പത്രിക തള്ളിയ നടപടി റദ്ദാക്കണമെന്നാവശ്യപ്പെട്ട്​ ജവാൻ അലഹാബാദ്​ ഹൈകോടതിയിൽ നൽകിയ ഹരജി കഴിഞ്ഞ വർഷം മെയ്​ ഒന്നിന്​ കോടതി തള്ളിയിരുന്നു.

സൈനികർക്ക്​ നൽകുന്ന ഭക്ഷണത്തി​െൻറ ഗുണനിലവാരത്തെ കുറിച്ച്​ പരാതിപ്പെട്ട്​ സമൂഹമാധ്യമത്തിൽ വിഡിയോ പ്രസിദ്ധീകരിച്ചതിനെത്തുടർന്നാണ്​ 2017ൽ തേജ് ബഹാദൂറിനെ ബി.എസ്​.എഫിൽ നിന്ന്​ പുറത്താക്കിയത്. അതില്‍ പ്രതിഷേധിച്ചാണ് പ്രധാനമന്ത്രിക്കെതിരെ സ്വതന്ത്ര സ്​ഥാനാർഥിയായി മത്സരിക്കാന്‍ തീരുമാനിച്ചത്. ശേഷം സമാജ്​വാദി പാർട്ടി ടിക്കറ്റ്​ നൽകുകയായിരുന്നു.