എ.കെ. ശർമയെ സ്​ഥലം മാറ്റിയ സംഭവം​: നാഗേശ്വർ റാവു ഹാജരാവണം -സുപ്രീംകോടതി

ന്യൂഡൽഹി: ബിഹാറിലെ മുസഫർപൂർ ​അഗതി മന്ദിരത്തിലെ ലൈംഗിക പീഡന കേസ്​ അന്വേഷിക്കുന്ന സി.ബി.​െഎ ഒാഫീസർ എ.കെ. ശർമയെ സ ്​ഥലം മാറ്റിയ സംഭവത്തിൽ സി.ബി.​െഎ മുൻ ഇടക്കാല ഡയറക്​ടർ എം. നാഗേശ്വർ റാവു കോടതിയലക്ഷ്യം പ്രവർത്തിച്ചെന്ന്​ സുപ്രീംകോടതി.

നാഗേശ്വർ റാവു ചൊവ്വാഴ്​ച സുപ്രീംകോടതി മുമ്പാകെ നേരിൽ ഹാജരാവണം. കോടതിയുടെ അനുമതിയില്ലാതെ എ.കെ. ശർമയെ സ്​ഥലം മാറ്റിയതാണ്​ അദ്ദേഹത്തെ പ്രതിക്കൂട്ടിലാക്കിയത്​. സുപ്രീംകോടതിയുടെ ഉത്തരവിനോടാണ്​ കളിച്ചിരിക്കുന്നതെന്ന്​ കോടതി നാഗേശ്വർ റാവുവിനെ ഒാർമിപ്പിച്ചു.

‘‘ഇത്​ വളരെ ഗുരുതരമായ വിഷയമായാണ്​ കോടതി പരിഗണിക്കുന്നത്​. ദൈവം നിങ്ങളെ സഹായിക്ക​െട്ട. സുപ്രീംകോടതിയു​െട ഉത്തരവിനോട്​ കളിക്കരുത്​​.’’ -ചീഫ്​ ജസ്​റ്റിസ്​ രഞ്​ജൻ ഗൊഗോയ്​ പറഞ്ഞു.