ബംഗാൾ സംഘർഷം: സുപ്രീംകോടതി കേന്ദ്ര,സംസ്​ഥാന സർക്കാരുകളുടെ വി​ശദീകരണം തേടി

ന്യൂഡൽഹി: നിയമസഭ തെരഞ്ഞെടുപ്പിന്​ ശേഷം ബംഗാളിൽ നടന്ന സംഘർഷത്തെകുറിച്ചും തുടർ നടപടികളെക്കുറിച്ചും കേന്ദ്രസംസ്​ഥാന സർക്കാരുകളോട്​ റിപ്പോർട്ട്​ നൽകാൻ സുപ്രീംകോടതി നിർദേശം. അവധിക്കാല ബെഞ്ചി​‍െൻറതാണ്​ ഉത്തരവ്​. പ്രത്യേക സംഘം രൂപീകരിച്ചാണോ അന്വേഷണമെന്നും, കുറ്റവാളികൾക്കെതിരെ എടുത്ത നടപടികള​ും വിശദീകരിക്കണമെന്ന്​​ കോടതി ആവശ്യപ്പെട്ടു. ജസ്​റ്റിസുമാരായ വിനീത്​ ശരണ​ും ബി.ആർ ഗവായിയുമാണ്​ ഉത്തരവിട്ടത്​. കേസ്​ ജൂൺ ഏഴിലേക്ക്​ മാറ്റി.

വീഡിയോ കോൺഫറൻസ്​ വഴിയാണ്​ കേസി​‍െൻറ വാദം നടന്നത്​. കലാപം ഒരു ലക്ഷം പേരെയെങ്കിലും നേരിട്ട്​ ബാധിച്ചതായി പരാതിക്കാർക്കുവേണ്ടി ഹാജരായ മുതിർന്ന അഭിഭാഷക പിങ്കി ആനന്ദ്​ വാദിച്ചു. ഇവർക്ക്​ സംസ്​ഥാനം വിട്ട്​ അഭയസ്​ഥാനം​ തേടേണ്ടി വന്നതായി അവർ പറഞ്ഞു.

ദേശീയ വനിത കമീഷന​ും ദേശീയ മനുഷ്യാവകാശ കമീഷനുമെല്ലാം സ്വന്തം നിലയിൽ ഇക്കാര്യത്തിൽ ഇടപെട്ടതാണെന്നും അവരുടെ അന്വേഷണ റിപ്പോർട്ടുകൾ പ്രധാന​െപ്പട്ടതാണെന്നും അവർ വാദിച്ചു. സ്വന്തം നാട്ടിലേക്ക്​ മടങ്ങാനാവാതെ ക്യാമ്പുകളിൽ കഴിയുന്നവർക്കായി ഇടക്കാലാശ്വാസം പ്രഖ്യാപിക്കണമെന്നും അവർ ആവശ്യപ്പെട്ടു. നിയമസഭ തെരഞ്ഞെടുപ്പി​‍െൻറ വോ​ട്ടെണ്ണിയ മെയ്​ രണ്ടിന്​ ഒ​ട്ടേറെ സ്​ഥലത്താണ്​ തൃണമൂൽ-ബി.ജെ.പി പ്രവർത്തകർ ഏറ്റുമുട്ടിയത്​. അന്ന്​ ചുരുങ്ങിയത്​ 16 ​േപർ കൊല്ലപ്പെടുകയും ആയിരത്തിലേറെ പേർക്ക്​ സ്വന്തം വാസസ്​ഥലം ഉപേക്ഷിച്ച്​ സംസ്​ഥാനത്തുനിന്നുതന്നെ പലായനം ചെയ്യേണ്ടി വരികയും ചെയ്​തു.