പുതിയ പാർലമെൻറ്​ മന്ദിരത്തിന്​ തറക്കല്ലിടാം, വിധി വരുന്നതു വരെ നിർമാണപ്രവർത്തനങ്ങൾ പാടില്ല ​-സുപ്രീംകോടതി

ന്യൂഡൽഹി: പുതിയ പാർലമെൻറ്​ മന്ദിര നിർമാണവുമായി മുന്നോട്ടുപോകുന്ന കേന്ദ്ര സർക്കാറിനെതിരെ രൂക്ഷ വിമർശനവുമായി സുപ്രീംകോടതി. സെൻട്രൽ വിസ്​ത പദ്ധതി വേഗത്തിലാക്കുന്നതിൽ കോടതി അതൃപ്​തി രേഖപ്പെടുത്തി.

തറക്കല്ലിടാമെങ്കിലും പദ്ധതിക്കെതിരായ ഹരജികളിൽ വിധി പറയുന്നതുവരെ നിർമാണപ്രവർത്തനങ്ങൾ നടത്തരുതെന്ന്​ കോടതി വ്യക്തമാക്കി. പദ്ധതിക്ക്​ വ്യാഴാഴ്​ച പ്രധാനമന്ത്രി ശിലാസ്ഥാപനം നടത്താനിരിക്കെയാണ്​ സുപ്രീംകോടതിയു​ടെ വിമർശനം.

പദ്ധതിക്ക്​ ശിലാസ്ഥാപനം നടത്താമെങ്കിലും വിധി പറയുന്നതുവരെ നിർമാണപ്രവർത്തനങ്ങൾ നടത്തുകയോ, പൊളിക്കുകയോ, എന്തെങ്കിലും എടുത്തു മാറ്റുകയോ മരങ്ങൾ മുറിക്കുകയോ ചെയ്യാൻ പാടില്ല.​ ഇക്കാര്യം ഉറപ്പു വരുത്തുന്നതിനായി കൃത്യമായ നിർദേശം നൽകാൻ സോളിസിറ്റർ ജനറൽ തുഷാർ മേത്തയോട്​ കോടതി ആവശ്യപ്പെട്ടു.

നിലവിലെ പാർലമെൻറ്​ കെട്ടിടത്തോട്​ ചേർന്ന്​ ത്രികോണാകൃതിയിലുള്ള മൂന്നു ​ഗോപുരങ്ങളോട്​ കൂടിയ കെട്ടിട സമുച്ചയമായിരിക്കും നിർമിക്കുക​. കേന്ദ്രസർക്കാരി​​െൻറ സെൻട്രൽ വിസ്​ത പുനർവി കാസി​​െൻറ ഭാഗമായാണ്​ പദ്ധതി. പ്രധാനമന്ത്രിയുടെ സ്വപ്​ന പദ്ധതിയാണിതെന്ന്​ നേരത്തേ കേന്ദ്രസർക്കാർ വ്യക്തമാക്കിയിരുന്നു. നഗരവികസന വകുപ്പാണ്​ പദ്ധതി പ്രഖ്യാപിച്ചത്​. പ​ുതിയ പാർല​െമൻറ്​ കെട്ടിടം നിർമിക്കുന്നതിൻെറ ഭ ാഗമായി സമുച്ചയത്തിലെ 194 മരങ്ങൾ മുറിച്ചുമാറ്റും. നിലവിലെ പാർലമ​െൻറ്​ കെട്ടിടം 44,940 ചതുരശ്ര മീറ്ററാണ്​. പുതിയ കെട്ടിടം 1.05 ലക്ഷം ചതുരശ്ര മീറ്ററാകും.

ഗുജറാത്ത്​ കേന്ദ്രീകരിച്ച്​ പ്രവർത്തിക്കുന്ന ഡോ. ബിമൽ പ​ട്ടേലി​​െൻറ നേതൃത്വത്തിലുള്ള എച്ച്​​.സി.പി ഡിനൈൻ, പ്ലാനിങ്​ ആൻഡ്​ മാനേജ്​മ​െൻറ്​ പ്രൈവറ്റ്​ എന്ന കമ്പനിക്കാണ്​ ​െകട്ടിടം നിർമിക്കാനുള്ള കരാർ നൽകിയിരിക്കുന്നത്​. ​കെട്ടിടത്തിനുള്ളിൽ പ്രത്യേക സൗകര്യങ്ങളോട്​ കൂടി പ്രധാനമന്ത്രിക്കും ഒരു വസതിയുണ്ടാകും. പഴയ പാർല​െമൻറ്​ കെട്ടിടത്തോട്​ ചേർന്ന 9.5 ഏക്കർ ഭൂമി വിനിയോഗ നടപടികൾക്കായി മാർച്ച്​ 20ന്​ കൈമാറിയിട്ടുണ്ട്​. കൂടാതെ ഫെബ്രുവരി 12ന്​ പാരിസ്​ഥിതികാനുമതി ലഭിക്കുന്നതിനും അപേക്ഷ നൽകി.

മാർച്ച്​ 12ന്​ നൽകിയ പുതിയ ടെണ്ടറിൽ സെൻട്രൽ പബ്ലിക്​ വർക്​സ്​ വിഭാഗം പദ്ധതിക്കു​​േവണ്ടി ചെലവാകുന്ന തുക 922 കോടിയായി ഉയർത്തിയിട്ടുണ്ട്​. നേരത്തേ ഇത്​ 776 കോടിയായിരുന്നു. കെട്ടിടത്തി​​െൻറ പ്രത്യേകതകളിലെ മാറ്റംകൊണ്ടാണ്​ തുക ഉയർത്തിയതെന്നാണ്​ വിശദീകരണം.

രാജ്​പത്​, പാർലമ​െൻറ്​ കെട്ടിടം, രാഷ്​ട്രപതി ഭവൻ എന്നിവ അടങ്ങുന്ന ഇപ്പോഴത്തെ കെട്ടിടം 1911- 1931 കാലഘട്ടത്തിലാണ്​ നിർമിച്ചത്​. കെട്ടിടത്തിന്​ അധികം പഴക്കമോ മറ്റു പ്രശ്​നങ്ങളോ നിലവിലില്ല. സാമ്പത്തിക ഞെരുക്കത്തിനിടയിൽ ഇത്തരത്തിൽ പുതിയ പാർല​െമൻറ്​ കെട്ടിടം നിർമിക്കാനുള്ള നീക്കത്തിനെതിരെ നിരവധി പേർ രംഗത്തെത്തിയിട്ടുണ്ട്​.