ബലാൽസംഗം: ഇരകളുടെ മുഖം മറച്ചുള്ള ചിത്രങ്ങളും പ്രസിദ്ധീകരിക്കരുത്​-സുപ്രീംകോടതി

ന്യൂഡൽഹി: ബലാൽസംഗ കേസുകളിലെ ഇരകളുടെ മുഖം മറച്ചുള്ള ചിത്രങ്ങൾ പോലും പ്രസിദ്ധീകരിക്കരുതെന്ന്​ സുപ്രീംകോടതി. ബീഹാറിലെ സർക്കാർ അഭയകേന്ദ്രത്തിലെ പീഡനവുമായി ബന്ധപ്പെട്ട കേസിലാണ്​ സുപ്രീംകോടതിയുടെ നിർണായകമായ നിർദേശം. 

ജസ്​റ്റിസ്​ മദൻ ബി ലോകുർ, ദീപക്​ ഗുപ്​ത എന്നിവരടങ്ങിയ ബെഞ്ചി​േൻറതാണ്​ നിർദേശം. ബീഹാറിലെ സർക്കാർ അഭയകേന്ദ്രത്തിലെ പീഡനത്തിനിരയായ പെൺകുട്ടികളുടെ ചിത്രങ്ങൾ പ്രചരിച്ചതിലുള്ള അതൃപ്​തിയും സുപ്രീംകോടതി അറിയിച്ചു​. കേസിൽ മുതിർന്ന അഭിഭാഷക അപർണ്ണ ഭട്ടിനെ അമിക്കസ്​ ക്യൂറിയായി നിയോഗിച്ചു​. കോടതി മേൽനോട്ടത്തിലാവും കേസി​​​​െൻറ അന്വേഷണം ഇനി നടക്കുക. 

ബീഹാറിലെ സർക്കാർ അഭയകേന്ദ്രത്തിൽ 32 മുതൽ 42 വരെ കുട്ടികൾ പീഡനത്തിനിരയാ​െയന്നാണ്​ കണ്ടെത്തൽ. സംസ്ഥാന പൊലീസ്​ ആദ്യം അന്വേഷിച്ച കേസിൽ സി.ബി.​െഎ ആണ്​ ഇപ്പോൾ അന്വേഷണം നടത്തുന്നത്​.