പൗരത്വ നിയമത്തിലെ ‘6 എ’ ഭരണഘടനപരമെന്ന് സുപ്രീംകോടതി

ന്യൂ​ഡ​ൽ​ഹി: 1966 ജ​നു​വ​രി ഒ​ന്നി​നും 1971 മാ​ർ​ച്ച് 25നു​മി​ട​യി​ൽ അ​സ​മി​ലേ​ക്ക് കു​ടി​യേ​റി​യ​വ​ർ​ക്ക് ഇ​ന്ത്യ​ൻ പൗ​ര​ത്വം ന​ൽ​കു​ന്ന 1955ലെ ​പൗ​ര​ത്വ നി​യ​മ​ത്തി​ന്റെ ‘6 എ’ ​വ​കു​പ്പ് ഭ​ര​ണ​ഘ​ട​ന​പ​ര​മാ​ണെ​ന്ന് സു​പ്രീം​​കോ​ട​തി​യു​ടെ അ​ഞ്ചം​ഗ ഭ​ര​ണ​ഘ​ട​ന ബെ​ഞ്ച് വി​ധി​ച്ചു. ദ​ശ​ല​ക്ഷ​ക്ക​ണ​ക്കി​ന് ബം​ഗാ​ളി വം​ശ​ജ​ർ​ക്ക് ആ​ശ്വാ​സ​ക​ര​മാ​കു​ന്ന വി​ധി​യാ​ണി​ത്. സം​സ്ഥാ​ന​ത്തെ വ്യ​ത്യ​സ്ത വം​ശീ​യ വി​ഭാ​ഗ​ങ്ങ​ളു​ടെ സാ​ന്നി​ധ്യം സ്വ​ന്തം സം​സ്കാ​ര​വും ഭാ​ഷ​യും സം​ര​ക്ഷി​ക്കാ​നു​ള്ള ത​ദ്ദേ​ശീ​യ​രാ​യ ജ​ന​ത​യു​ടെ മൗ​ലി​കാ​വ​കാ​ശ​ത്തെ ഹ​നി​ക്കു​ന്നി​ല്ലെ​ന്ന് വ്യ​ക്ത​മാ​ക്കി​യാ​ണ് ചീ​ഫ് ജ​സ്റ്റി​സ് ഡി.​വൈ ച​ന്ദ്ര​ചൂ​ഡ് അ​ധ്യ​ക്ഷ​നാ​യ ബെ​ഞ്ചി​ന്റെ ഭൂ​രി​പ​ക്ഷ വി​ധി. ചീ​ഫ് ജ​സ്റ്റി​സി​ന് പു​റ​മെ, ജ​സ്റ്റി​സു​മാ​രാ​യ സൂ​ര്യ​കാ​ന്ത്, എം.​എം. സു​ന്ദ​രേ​ഷ്, മ​നോ​ജ് മി​ശ്ര എ​ന്നി​വ​ർ ഈ ​നി​ല​പാ​ടി​ന് മേ​ലൊ​പ്പ് ചാ​ർ​ത്തി​യ​പ്പോ​ൾ ഇ​തി​നോ​ട് വി​യോ​ജി​ച്ച ജ​സ്റ്റി​സ് ജെ.​ബി. പ​ർ​ദീ​വാ​ല ‘6 എ’ ​ഭ​ര​ണ​ഘ​ട​ന വി​രു​ദ്ധ​മാ​​ണെ​ന്ന് വി​ധി​ച്ചു. ജ​സ്റ്റി​സ് സൂ​ര്യ​കാ​ന്തും ജ​സ്റ്റി​സു​മാ​രാ​യ സു​​ന്ദ​രേ​ഷും മ​നോ​ജ് മി​ശ്ര​യും ചേ​ർ​ന്ന് പു​റ​പ്പെ​ടു​വി​ച്ച ഭൂ​രി​പ​ക്ഷ വി​ധി​യെ പി​ന്തു​ണ​ച്ച് ചീ​ഫ് ജ​സ്റ്റി​സ് ഡി.​വൈ. ച​ന്ദ്ര​ചൂ​ഡ് ത​ന്റേ​താ​യ അ​നു​ബ​ന്ധ വി​ധി പ്ര​സ്താ​വം പ്ര​ത്യേ​കം എ​ഴു​തി.

1950 ന് ​മു​മ്പ് അ​സ​മി​ൽ വ​ന്ന​വ​ർ​ക്ക് മാ​ത്ര​മേ ഇ​ന്ത്യ​ൻ പൗ​ര​ത്വം ന​ൽ​കാ​വൂ എ​ന്നും ‘6 എ’ ​ഭ​ര​ണ​ഘ​ട​ന വി​രു​ദ്ധ​മാ​യി പ്ര​ഖ്യാ​പി​ക്ക​ണ​മെ​ന്നു​മാ​വ​ശ്യ​പ്പെ​ട്ട് ‘അ​സം സ​ന്മി​ലി​ത മ​ഹാ​സ​ൻ​ഘ’ 2009ൽ ​സ​മ​ർ​പ്പി​ച്ച ഹ​ര​ജി ത​ള്ളി​യാ​ണ് സു​പ്രീം​കോ​ട​തി വി​ധി. ജം​ഇ​യ്യ​തു​ൽ ഉ​ല​മാ​യെ ഹി​ന്ദ് അ​ട​ക്ക​മു​ള്ള​വ​ർ ഹ​ര​ജി​ക്കെ​തി​രെ കേ​സി​ൽ ക​ക്ഷി ചേ​ർ​ന്നി​രു​ന്നു.

അ​സം ഉ​ട​മ്പ​ടി പ്ര​കാ​ര​മാ​ണ് ഇ​ത്ത​ര​മൊ​രു വ്യ​വ​സ്ഥ പൗ​ര​ത്വ നി​യ​മ​ത്തി​ൽ കൊ​ണ്ടു​വ​ന്ന​തെ​ന്ന് സു​പ്രീം​കോ​ട​തി​യു​ടെ ഭൂ​രി​പ​ക്ഷ വി​ധി ചൂ​ണ്ടി​ക്കാ​ട്ടി. അ​ന​ധി​കൃ​ത കു​ടി​യേ​റ്റ​ത്തി​നു​ള്ള രാ​ഷ്​​ട്രീ​യ പ​രി​ഹാ​ര​മാ​യി​രു​ന്നു അ​സം ഉ​ട​മ്പ​ടി​യെ​ങ്കി​ൽ അ​തി​ന്റെ നി​യ​മ​പ​ര​മാ​യ പ​രി​ഹാ​ര​മാ​യി​രു​ന്നു ‘6 എ’ ​എ​ന്ന് വി​ധി തു​ട​ർ​ന്നു. ത​​ദ്ദേ​ശീ​യ ജ​ന​ത​യെ സം​ര​ക്ഷി​ച്ചു​കൊ​ണ്ടാ​ണ് മാ​നു​ഷി​ക​മാ​യ ആ​ശ​ങ്ക​ക്ക് പൗ​ര​ത്വ നി​യ​മ​ത്തി​ലെ ഈ ​വ​കു​പ്പ് പ​രി​ഹാ​രം ക​ണ്ട​തെന്ന് കോടതി വ്യക്തമാക്കി.