മഹാരാഷ്ട്ര ഇങ്ങെടുക്കണമെന്ന് സുരേഷ് ഗോപി; ‘ബി.ജെ.പി സർക്കാർ വീണ്ടും അധികാരത്തിലെത്തും’

മുംബൈ: മഹാരാഷ്ട്ര നിയമസഭ തെരഞ്ഞെടുപ്പിൽ ബി.ജെ.പി സ്ഥാനാർഥികൾക്കായി വോട്ട് തേടി കേന്ദ്രമന്ത്രി സുരേഷ് ഗോപി. മഹാരാഷ്ട്ര ഇങ്ങെടുക്കണമെന്നും ബി.ജെ.പി സർക്കാർ വീണ്ടും അധികാരത്തിലെത്തുമെന്നും സുരേഷ് ഗോപി പറഞ്ഞു. ബി.ജെ.പി സ്ഥാനാർഥി നരേന്ദ്ര മേത്തയ്ക്കായി മീരാറോഡിൽ സംഘടിപ്പിച്ച പ്രചാരണ പരിപാടിയിൽ സംസാരിക്കുകയായിരുന്നു അദ്ദേഹം.

കല്യാൺ ഈസ്റ്റ്, മീരാ റോഡ്, വസായ്, താനെ, കല്യാൺ തുടങ്ങിയ സ്ഥലങ്ങളിലാണ് സുരേഷ് ഗോപി തെരഞ്ഞെടുപ്പ് പ്രചാരണം നടത്തിയത്. മലയാളി വോട്ടർമാർ ധാരാളമുള്ള പ്രദേശം കേന്ദ്രീകരിച്ചായിരുന്നു പ്രചാരണം. ഇന്ന് വൈകിട്ടോടെ മഹാരാഷ്ട്രയിൽ തെരഞ്ഞെടുപ്പിന്‍റെ പരസ്യ പ്രചാരണം അവസാനിക്കും. 20ന് ആണ് വോട്ടെടുപ്പ്. 288 സീ​റ്റു​ക​ളാ​ണ്​ സം​സ്ഥാ​ന​ത്തു​ള്ള​ത്.

മ​ഹാ​രാ​ഷ്ട്ര നി​യ​മ​സ​ഭ തെ​ര​ഞ്ഞെ​ടു​പ്പി​ൽ ശി​വ​സേ​ന, ബി.​ജെ.​പി, എ​ൻ.​സി.​പി കൂ​ട്ടു​കെ​ട്ടി​ലെ മ​ഹാ​യു​തി​യും കോ​ൺ​ഗ്ര​സ്, ശി​വ​സേ​ന-​യു.​ബി.​ടി, എ​ൻ.​സി.​പി-​എ​സ്.​പി കൂ​ട്ടു​കെ​ട്ടി​ലെ മ​ഹാ​വി​കാ​സ്​ അ​ഘാ​ഡി​യും (എം.​വി.​എ) ത​മ്മി​ൽ ക​ടു​ത്ത മ​ത്സ​ര​മാ​ണ്​ ന​ട​ക്കു​ന്ന​ത്. വി​മ​ത​രും മു​ന്ന​ണി​യി​ൽ സൗ​ഹാ​ർ​ദ മ​ത്സ​ര​ത്തി​നി​റ​ങ്ങി​യ​വ​രും ഫ​ല​നി​ർ​ണ​യ​ത്തി​ൽ നി​ർ​ണാ​യ​ക​മാ​കും.

ഏ​റെ നാ​ട​ക​ങ്ങ​ൾ നി​റ​ഞ്ഞ​താ​യി​രു​ന്നു ക​ഴി​ഞ്ഞ അ​ഞ്ചു ​വ​ർ​ഷം. മൂ​ന്ന്​ മു​ഖ്യ​മ​ന്ത്രി​മാ​രും മൂ​ന്ന്​ ഉ​പ​മു​ഖ്യ​മ​ന്ത്രി​മാ​രും. ആ​ദ്യം ദേ​വേ​ന്ദ്ര ഫ​ഡ്​​നാ​വി​സി​ന്റെ മൂ​ന്നു ​ദി​വ​സം നീ​ണ്ട സ​ർ​ക്കാ​ർ. ഒ​രി​ക്ക​ലും പ്ര​തീ​ക്ഷി​ക്കാ​ത്ത എം.​വി.​എ സ​ഖ്യ​ത്തി​ന്റെ പി​റ​വി. പി​ന്നെ ഉ​ദ്ധ​വ്​ താ​ക്ക​റെ​യെ മു​ഖ്യ​നാ​ക്കി എം.​വി.​എ സ​ർ​ക്കാ​ർ.

ശി​വ​സേ​ന പി​ള​ർ​ത്തി ബി.​ജെ.​പി​ക്കൊ​പ്പം ചേ​ർ​ന്ന്​ ഏ​ക്​​നാ​ഥ്​ ഷി​ൻ​ഡെ മു​ഖ്യ​നാ​യി. മൂ​ന്ന്​ സ​ർ​ക്കാ​റി​ലും അ​ജി​ത്​ പ​വാ​ർ ഉ​പ​മു​ഖ്യ​നാ​യി​രു​ന്നു. എ​ൻ.​സി.​പി​യെ പി​ള​ർ​ത്തി​യാ​ണ്​ ഷി​ൻ​ഡെ മ​ന്ത്രി​സ​ഭ​യി​ൽ അ​ജി​ത്​ ഉ​പ​മു​ഖ്യ​നാ​യ​ത്. ഫ​ഡ്നാ​വി​സും ഉ​പ​മു​ഖ്യ​നാ​യി. അ​ജി​ത്​ ജ്യേ​ഷ്ഠ​ന്റെ മ​ക​നെ നേ​രി​ടു​ന്ന ബ​രാ​മ​തി​യാ​ണ്​ ഏ​റെ ശ്ര​ദ്ധേ​യ​മാ​യ മ​ണ്ഡ​ലം.