സംഘപരിവാർ ആക്രമണം: സ്വാമി അഗ്​നിവേശ്​ സുപ്രീംകോടതി​യിലേക്ക്​

ന്യൂഡൽഹി: സംഘപരിവാർ പ്രവർത്തകർ ആക്രമിച്ച സംഭവത്തിൽ പ്രത്യേക അന്വേഷണം ആവശ്യപ്പെട്ട്​ സ്വാമി അഗ്​നിവേശ്​ സുപ്രീംകോടതിയിലേക്ക്​. ഇതുമായി ബന്ധപ്പെട്ട്​ സുപ്രീംകോടതിയിൽ ഹരജി നൽകുമെന്ന്​ അഗ്​നിവേശ്​ പറഞ്ഞു.

സംഭവം നടന്നിട്ട്​ 15 ദിവസമായി. ഇതുവരെയായിട്ടും ആരെയും അറസ്​റ്റ്​ ചെയ്​തിട്ടില്ല. കൃത്യമായ അന്വേഷണം പോലും ഉണ്ടായിട്ടില്ല. കേസ്​ പൂർണമായും ഇല്ലാതായെന്നാണ്​ ഇത്​ തെളിയിക്കുന്നത്​. ഇതിനാലാണ്​ സുപ്രീംകോടതിയെ സമീപിക്കാൻ തീരുമാനിച്ചതെന്നും അഗ്​നിവേശ്​ പറഞ്ഞു.

​​​ഝാർഖണ്ഡിൽ കഴിഞ്ഞ മാസമായിരുന്നു സ്വാമി അഗ്​നിവേശ് സംഘപരിവാർ​ ആക്രമണത്തിന്​ ഇരയായത്​. സംഭവത്തിന്​ ശേഷം കേസിൽ കാര്യമായ നടപടികളൊന്നും സ്വീകരിക്കാൻ പൊലീസ്​ തയാറായിട്ടില്ല.