സ്വാമി സ്വ​രൂ​പാ​ന​ന്ദക്ക് പിൻഗാമിയായി രണ്ടുപേർ; വ്യത്യസ്ത പീഠങ്ങളുടെ ശങ്കരാചാര്യരാകും

ഭോപ്പാൽ: ദ്വാ​ര​ക​പീ​ഠം ശ​ങ്ക​രാ​ചാ​ര്യ സ്വാ​മി സ്വ​രൂ​പാ​ന​ന്ദ കഴിഞ്ഞ ദിവസമായിരുന്നു നി​ര്യാ​ത​നാ​യത്. 99 വ​യ​സ്സാ​യി​രു​ന്നു. ശാ​ര​ദ, ജ്യോ​തി​ഷ് പീ​ഠ​ങ്ങ​ളു​ടെ​യും ശ​ങ്ക​രാ​ചാ​ര്യ​രാ​യി​രു​ന്ന സ്വാമി സ്വ​രൂ​പാ​ന​ന്ദയെ അവസാനമായി ഒരു നോക്ക് കാണാൻ മധ്യപ്രദേശിലെ നരസിങ്പൂർ ആശ്രമത്തിൽ ആയിരങ്ങളാണ് എത്തിയത്. കേന്ദ്ര മന്ത്രി പ്രഹ്ലാദ് പട്ടേൽ, മുൻ മുഖ്യമന്ത്രി കമൽ നാഥ് തുടങ്ങി നിരവധി രാഷ്ട്രീയ നേതാക്കൾ ആദരാഞ്ജലിയർപ്പിച്ചു.

സ്വാമി സ്വ​രൂ​പാ​ന​ന്ദയുടെ പിൻഗാമിയെയും പ്രഖ്യാപിച്ചിരിക്കുകയാണ്. രണ്ട് പേരെയാണ് സ്വ​രൂ​പാ​ന​ന്ദയുടെ പിൻഗാമികളായി പ്രഖ്യാപിച്ചത്. ഇവർ വ്യത്യസ്ത പീഠങ്ങളുടെ ശങ്കരാചാര്യരുമാകും.

റിപ്പോർട്ടുകൾ പ്രകാരം സ്വാമി അവിമുക്തേശ്വരാനന്ദ്, സ്വാമി സദാനന്ദ് എന്നിവരാണ് സ്വ​രൂ​പാ​ന​ന്ദയുടെ പിൻഗാമികളാകുക. സ്വാമി അവിമുക്തേശ്വരാനന്ദ് ബദ്രിനാഥിലെ ജ്യോതിഷ് പീഠത്തിന്‍റെ അധിപതിയാകും. സ്വാമി സദാനന്ദ് ദ്വാരകയിലെ ശാരദ പീഠത്തിന്‍റെയും അധിപതിയാകും. സ്വാമി സദാനന്ദിന്‍റെ ഭൗതികദേഹത്തിനു മുന്നിലാണ് അദ്ദേഹത്തിന്‍റെ പിൻഗാമികളുടെ പ്രഖ്യാപനം നടന്നത്. അദ്ദേഹത്തിന്‍റെ പേഴ്സണൽ സെക്രട്ടറിയായ സുബോധാനന്ദ് മഹാരാജ് ആണ് പ്രഖ്യാപനം നടത്തിയത്.

മ​ധ്യ​പ്ര​ദേ​ശി​ലെ ന​ർ​സി​ങ്പൂ​രി​ലെ ആ​ശ്ര​മ​ത്തി​ൽ ഞാ​യ​റാ​ഴ്ച വൈ​കീ​ട്ട് 3.30ഓ​െ​ട​യാ​യി​രു​ന്നു സ്വാ​മി സ്വ​രൂ​പാ​ന​ന്ദയുടെ അന്ത്യം. ഹൃദയാഘാതമാണ് മരണകാരണമെന്ന് ഡോക്ടർമാർ അറിയിച്ചു. ഒ​രു​വ​ർ​ഷ​മാ​യി അ​സു​ഖം മൂലം കി​ട​പ്പി​ലാ​യി​രു​ന്നു.

മധ്യപ്രദേശിലെ സി​യോ​നി ജി​ല്ല​യി​ലെ ദി​ഗോ​രി ഗ്രാമത്തിൽ 1924ലാണ് സ്വാമിയുടെ ജനനം. 1950 ൽ ദണ്ഡി സന്ന്യാസിയായി. 1982ൽ ദ്വാരക പീഠ് ശങ്കരാചാര്യയായി അവരോധിതനായി.

ഗോവധ നി​രോധനത്തിനും ഏക സിവിൽകോഡിനുമായി ശക്തമായി വാദിച്ച ആത്മീയ നേതൃത്വം കൂടിയാണ് സ്വരൂപാനന്ദ സരസ്വതി. ജമ്മു കാശ്മീരിന്റെ പ്രത്യേകപദവി എടുത്തുകളഞ്ഞ നടപടിയെ പരസ്യമായി പിന്തുണക്കുകയും ചെയ്തിരുന്നു. അതേസമയം, ഗോവധം നിർത്താനാകാത്ത ബി.ജെ.പിയും കോൺഗ്രസും തമ്മിൽ വ്യത്യാസമില്ലെന്ന് പറഞ്ഞുകൊണ്ട് ബി.ജെ.പിയെ സ്വരൂപാനന്ദ വിമർശിക്കുകയും ചെയ്തിരുന്നു.